شوية استفسارات أرجو الرد عليها

[sersan]

أنا بإذن الله نويت على طب أسنان ... و كتبتها رغبة أولى ... بس كان عندى كام استفسار

أولا : هل صحيح شغل أسنان متعب جدا لدرجة إنه بيسبب مشاكل للدكتور مستقبلا خصوصا في العمود الفقري و بيكون له أثر سلبي عليه .

ثانيا : هل لو الواحد بيقرف دة هيسبببله مشكلة كبيرة ممكن تعوقه ؟؟؟

ثالثا : هل فرص العمل متاحة ؟؟

رابعا : الواحد محتاج يذاكر قد ايه مثلا ( كمتوسط ) عشان يجيب تقدير ؟

معلش بقة استحملوني ...

[loka hema]

بالنسبه للشغل هيسبب تعب او لا دى حاجه فى علم الغيب الله اعلم بيها وربنا يعافينا كلنا يارب
اما بالنسبه للقرف وكدا ف اكيد الانسان بيتعود وبعدين مفيش قرف ولا حاجه كلنا كنا قلقانين من دخول المشرحه ف اول السنه بس ف اخر السنه بقينا عاادى جدا وبناكل ونشرب هناك كمان
لان المشرحه هى اول حاجه مقرفه ممكن تقابليها على اساس انك مش هتشتغلى على مرضى غير بعد كام سنه بس لو حطيتى ف دماغك انك هتقرفى يبقى مش هتعرفى تعيشى ف الدنيا كلها عيشى عادى خالص وان شاء الله هتتعودى
بالنسبه بقى للدراسه ف اسنان شغلها عملى اكتر من كونه نظرى ومع حضور كويس وتركيز ف المحاضرات ان شاء الله تجيبى تقدير حلو جدا وربنا يوفقك