|
أرشيف المنتدي هنا نقل الموضوعات المكررة والروابط التى لا تعمل |
|
أدوات الموضوع | ابحث في الموضوع | انواع عرض الموضوع |
|
#1
|
|||
|
|||
![]()
يا جماعة يا ريت تساعدونى انا مشكلتى انى خجولة جدا حتى من الناس القريبين منى و ساعات بحط ماما وبابا فى مواقف محرجة جدا يعنى مثلا يكون فى ضيف او ضيفة عندنا ويندهو عليا عشان اسلم عليهم رجلى بتتسمر وافضل قاعدة فى مكانى لحد ما تيجى ماما تجرنى من دراعى بلاعافية وممكن مخرجش من البيت لمدة اسبوعين تلاتة اينعم ببقى مخنوقة بس بحس ان انا مرتاحة حتى الناس اللى ماشين فى الشارع بتكسف منهم بجد انا زهقت يا ريت تساعدونى طب هقةل لكوا على حاجة انا عايزة اكتب الموضوع دة من يجى شهر بس كنت مكسوفة جدا ;jواخيرا كتبته يا رب مكنش طولت عليكم او ضايقتكم مستنية حد يرد عليا
آخر تعديل بواسطة فيفا ، 04-05-2008 الساعة 08:09 PM |
#2
|
||||
|
||||
![]() هوا جايز بس عشان مش عندك نوع من الاختلاط مع الناس
اكيد سن حضرتك صغير بعض الشىء ، ومش تقلقى مع الوقت باذن الله كل شىء يبقى كويس وبالنسبة انك كنتى مكسوفة تكتبى الموضوع مافيش حد يكسف من اخواته
__________________
![]() Curva Sud La Prima
|
#3
|
|||
|
|||
![]()
شكرا على ردك بس انا عندى 17 سنه و انا فعلا فى وسط اخواتى
|
#4
|
||||
|
||||
![]()
على فكرة انا كنت زيك يمكن لان دراستى كانت ازهريه
مكنش فيه اختلاط فى الدراسه من اى نوع وكنت بعانى من موضوع الخجل ده بس على فكرة دى فتره مؤقته وان شاء الله هتزول مع الوقت لما تروحى الجامعه اكيد هتزول واتمنى لكى التوفيق |
#5
|
|||
|
|||
![]()
شكرا على رد حضرتك استاذه رانيا ويا رب تبقى المشكلة مشكلة وقت وبس
|
#6
|
||||
|
||||
![]() اختى الكريمة انا مش شايفه فيها حاجة بالعكس الخجل والحياء ما فى اهم منهم خاصة فى حياة البنت و خاصة انها اصبحت ذى العملة النادرة فى ايامنا الحالية بس الشئ اذا زاد عن حده ينقلب لضده يعنى مش توصل الخجل لدرجة البرود وتصبحى مثل لوح الثلج ميحركش فيكى اى احساس سورى على الكلام ان كان جامد شوية بس انا مثلا اكيد بتكسف من الناس الغريبة وخاصة لو اول مرة يزورونا بس فى نفس الوقت اول ما بلاقى اى نقطة للحوار بتكلم وابين شخصيتى ورائى واظن انه مش لازم الكسوف الجامد قدام الاخوة او قدام الاقارب حتى علشان ما ياخدوش فكرة سيئة بانك لا تبالى بما يدور حولك واسال الله ان يبعد عنا البلاء ويجعلنا من الصالحين
__________________
آبويآ وصآني (ع) ـلي إلـ (ع) ـز وإلـ (خ) ـــير... مهرة أصيلـــة وإلطُهر له نصيبـــــــــــه ...
|
#7
|
||||
|
||||
![]() اقتباس:
هذه هى المشكله طبعا الحياء مطلوب لكن الخجل من الاقارب والنساء من الاقارب تلك هى المشكله اردت فقط التوضيح |
#8
|
||||
|
||||
![]()
بصي يا قمر
انا زمان وانا صغنونه زيك كده يمكن كنت بحس نفس الاحساس وكنت بعمل نفس الحركات لما كبرت فهمت ان ده كان قلة ثقة في نفسي انتي محتاجه انك تثقي في نفسك اكتر من كده اول لما ابتديت اتغير كان لما فكرت في حاجه كده هقولك عليها.. قلت لما انا ببقي ماشه في الشارع مثلا ببص للناس اللي ماشيه او اقول هما ليه ماشيين؟ او ببص لحد فيهم بطريقه مش كويسه ؟ قلت لا قلت يعني مشيهم في الشارع ده عادي ؟ قلت اه قلت لنفسي طيب يبقي انا اكيد اني امشي في الشارع دي حاجه عاديه ومع الوقت مبقيتش اتكسف انزل الشارع و زيه ابالظبط لما كان يجيلنا ضيوف ده انا حتي ممكن خالتي ولا عمتي ولا خالي او الناس القريبه دي كنت بتكسف اخرج ن اوضتي برده طيب انا لو عندهم مش بيجوا كلهم يسلموا عليا؟ طيب ما هو ده شيء عادي اهو انا كمان لازم اكون طبيعيه زي الناس دول لازم ابقي زيهم و برده ده تم بالتدريج بقيت مبتكسفش من الحاجات دي ولما كبرت شويه فهمت اني مكنتش بثق في نفسي بما فيه الكفايه اذن هي الازمه ازمة ثقه لو و ثقتي في نفسك مش هتحرجي من الحاجات الطبيعيه دي انتي يمكن بتخافي من مواجهة الناس خايفه حد ينتقدك او يتكلم عليكي ويا خبر يا خبر لو ولد عاكسك وانتي ماشيه تروحي تعيطي اسبوع بعدها هههه اكيد انا كنت كده زمااااااااااان انا عجزت دلوقتي ده بقه مش صح انتي بشر زي الباقيين بس بشر رقيق زياده عن الزوم الرقه الزياده دي مش حلوه اسالي مجرب ادخلي بقه كده ع الناس بكل ثقه متتكسفيش من اي حاجه طول منتي صح واضح انك مهذبة و طالما مهذبه يبقي هتتصرفي في حدود الادب يبقي متتكسفيش من اي حاجه ربنا يوفقك وحاولي تعملي زيي حطي نفسك مكان اللي مكسوفه منه هتلاقي انه عادي وهتتصرفي عادي اسفه علي حاجتين الاولي اني طولت والتانيه لو كنت مش قادره اوصلك معلومات تساعدك اكتر بصراحه اللي جه علي بالي قلتهولك لو افتكرت او لقيت طريقه احسن هقولك عليها علطوووووووول ربنا معاكي ومتقلقيش الموضوع هيجي بالراحه بس متشغليش بالك بيه خالص ولا تحطيه في دماغك ومع الوقت هتلاقي نفسك احسن |
#9
|
||||
|
||||
![]() بسبوسة انــا وانا برضهـ معاكى فى ان الكسوف مش الحلو وفعلا لو فى حاجة ان شاكه فيها احط نفسى فى مكان اللى بيكون قدامى اشوف ايه فكرته وايه نظرته لهذا التصرف واكيد الانسان يحب يكون مميز وله الطلة الحلوة والاسلوب المميز مع الاخرين وانا بقول لفيفا انها تطمئن خالص لانها حاجة مش مضطربه لها ولا تشغل بالها خالص بالوقت يحدث التغيير لو كان التغيير بالسرعة كهذه لما دامت الدنيا تقبلى مرورى وتعقيبى الثانى ![]()
__________________
آبويآ وصآني (ع) ـلي إلـ (ع) ـز وإلـ (خ) ـــير... مهرة أصيلـــة وإلطُهر له نصيبـــــــــــه ...
|
#10
|
|||
|
|||
![]()
بصى يا بسبوسة كانك بتتكلمى عنى بالضبط انا فعلا معنديش ثقة فى نفسى خالص فى كل حاجة بس انتى كدة طمنتينى انها
فترة وهتعدى |
#11
|
|||
|
|||
![]() اقتباس:
![]() |
#12
|
|||
|
|||
![]() يعنى مش توصل الخجل لدرجة البرود وتصبحى مثل لوح الثلج ميحركش فيكى اى احساس سورى على الكلام ان كان جامد شوية قدام الاخوة او قدام الاقارب حتى علشان ما ياخدوش فكرة سيئة بانك لا تبالى بما يدور حولك شكرا على ردك يا اية يس هو وصل للبرود فعلا ودى المشكلة |
#13
|
|||
|
|||
![]()
بجد شكرا على النصيحة دى فعلا فادتنى و ان شاء الله هحاول انفذها
|
#14
|
|||
|
|||
![]()
على فكرة الخجل والكسوف حاجة جميلة
لكن الشئ لما يزيد عن حده يتقلب ضده حاولى تكونى صحاب صحاب كتير اوووووووى حتى صاحبى الى هنا حاولى تختلطى بالناس كتير حاولى تكسرى الحاجز الى جواكى وخلى املك فى ربنا كبير (انا عند ظن عبدى بى فليظن بي ما يشاء) الجألى لربنا واكيد ربنا هيسعدك بس برضه خليكى محتفظة بخجلك وحياءك بس قللى منه شوية صغننين
__________________
![]() laugh at the time when people wait ur tears
|
#15
|
|||
|
|||
![]()
شكرا يا ملك اليمن على النصيحة دى وشكرا لمرورك
|
العلامات المرجعية |
أدوات الموضوع | ابحث في الموضوع |
انواع عرض الموضوع | |
|
|