(موضوع مهم) عن ظاهرة الكورسات(الدروس الخصوصية) في كليات الطب .

[karimbar]

السلام عليكم ..
بسمع كلام كتير من اصدقاء اكبر مني ومن كليات مختلفة (ماعدا الطب) ان طلبة كلية الطب مابيرحوش الكلية اصلاً ويقضون اليوم كله في كورسات خارجية في جميع المواد ..
انا انهرت لدرجة اني كرهت الكلية مع اني نفسي ادخلها .. فياريت حد يطمني ويقوللي الكلام دا حقيقي ولا لا ؟؟
وهل الكورسات دي منتشرة في مصر كلها ولا عندنا في (طب طنطا) بس؟؟... وشكراً...

[Dr/Reem2011]

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههه
طبعا الاجابه وصلت


هههههههههههههههههههههههههه
اها احب اطمنك جداااااااااا جدااااااااااااااااا جداااااااااااااااااا وابشرك ان اللي سمعته اقل كماااااان من الحقيقي
انا اصلا نسيت شكل المدرج اه والله

[the matrex]

أختي صيدليه طنطا كانت بتحضر كورسات في المواد المعقده بس وباقي المواد مش بتذاكرها

[karimbar]

الله يطمنك يا دكتورة .... لو سمحتي طمنيني اكتر وقوليلي الكورسات دي في كليات طب مصر كلها ولا دي عندكو في شبين وطنطا بس...؟

[Free angel]

مش كل الاعتماد على الكورسات انت ممكن مش تروح الكلية اساسا او مش ممكن ده اللى بيحصل اساسا
بس ف تسجيلات ممكن تسمعها انا عن نفسى برتاح فيها اكتر من الكورسات
وفى ناس كتير بتجيب امتياز من غير كورسات يعنى الموضوع مش مقياس
ولو الموضوع مش ظبط معاك ف ااخر خد مراجعة يعنى

[mohammed shady]

بص يا سيدى مش كل الناس كده ...

انا مأخدتش كورسات والحمد لله لكن فى بدل كده تسجيلات للكورسات دى الناس بتجيبها وتسمعها واعتقد كل الدفعة

اللى بيروح واللى مش بيروح كورسات بيسمع التسجيلات دى ..

طبعا هتلاقى ناس حياتها ف الكورسات لكن انا اعرف ناس كتير مكنتش بتاخد كورسات وماشاء الله عليهم اوائل دفعاتهم ..

هو الموضوع مجهود ف الاول وف الاخر وصدقنى الكورسات دى ملهاش اى لازمة غير تضييع الوقت وزى ما قولتلك ممكن

تتغاضى عنها بانك تسمع تسجيلات وكمان هتلاقى دكاترة حلوين اوى نزلولوك فى بعض الشباتر ودول لازم تحضرهم