جاوب

[عبدالرحمن حسين خليل]

طبعا عارفين قانون بلانك وحافظينه بس لو فاهم جاوب هو سوال سهل جدا بس ركز مصباح درجة حرارته 2900 كيلفن أذكر لون الضوء الغلب والذى يتم رويته

[Twilight2011]

بصراحة مقدرش أجاوب أصلى لسه واخد الفصل ده والفصل ده مش عارف فيه حاجة خالص حاسس اني ضايع فيه من كتر النظري بتاعه اللى عمال احفظه ،،، واول مرة خدته حسيت انى بجد اول مرة اسمع حاجة مش فاهمها خالص

[d.m.m]

انا مش عارف اجاوبه
وواضح ان مفيش حد عارفه؟
ممكن تكتب الاجابة.....يا عبدالرحمن

[ابراهيم فيشار]

استخدم قانون فين لايجاد الطول الموجي الذي تبلغ عنده شدة الاشعاع قيمة عظمي
الطول الموجي الذي تبلغ عنده شدة الاشعاع قيمة عظمي = 2.89×عشرة اس سالب 3 / درجة الحرارة المطلقة ومنها حدد اللون

[natiga4all]

الف شكر لك استاذى العزيز

[fire sword]

الفكرة واضحة بس هو فيه قانون بيجيب الطول الموجي من درجة الحرارة

[d.m.m]

شكرا يا مستر
لكن نحدد الضوء الغالب ازاي؟

[fire sword]

اللون الغالب علىا لضوء يتحدد من الطول الموجي المصاحب لأقصى شدة إشعاع

[Twilight2011]

بس سؤال ،،،

انا بعد ما اجيب الطول الموجى ده هعرف اللون منين ،،،، هو انا هحفظ الألوان واطوالهم الموجية ولا ايه طيب ؟؟؟

[عبدالرحمن حسين خليل]

اللون الاحمر من غير قانون لان القانون هتجيب الطول المو جى لاقصى شدة اشعاع وهو من غير حسابات هيكون فى منطقة الاشعة تحت الحمراء زى المصباح عند 3 ألاف درجة كيلفن وبرسم المنحنى يكون فى منطقة الضوء المرئى اكبر شدة إشعاع فى حدود منطقة الضوء المنظور عند أكبر طول موجى فاللون العالب هو اللون الاحمر