"العوا" يطالب المعلمين بتأجيل إضرابهم.. ويرفض مد "الفترة الانتقالية"

[م / اشرف الطاهر]

أكد الدكتور محمد سليم العوا، المرشح المحتمل لانتخابات الرئاسة، أن المطالب الفئوية "حق مشروع"، لكنه طالب فى الوقت نفسه المعلمين بتأجيل إضرابهم، قائلاً خلال لقائه الجماهيرى الذى عقده مساء أمس فى قرية مصطاى بمحافظة المنوفية، إنه فى ظل وجود حكومة مؤقتة يصعب تنفيذ كل هذه المطالب وإرضاء كل الفئات، ويجب التحلى ببعض الصبر لحين وجود حكومة منتخبة.


ودعا العوا كل المعلمين والعاملين فى حقل التعليم إلى أن يقوموا بتأجيل المطالبات بحقوقهم المشروعة لبعض الوقت حتى تستقيم الأوضاع فى مصر، وأن يواصلوا رسالتهم السامية فى تربية وتنشئة الأجيال خلال العام الدراسى الحالى، حيث إن الموارد المالية المتاحة لن تمكن الحكومة الحالية من الوفاء بالمطالب المالية.

وأكد أنه يعتبر إصلاح التعليم أحد مشاريع برنامجه السياسى المتكامل، وهو يؤمن تماما أن التعليم لن ينهض أو يقدم للأمة أجيالا جديدة مؤهلة من الشباب إلا إذا أنصلح حال المعلم الذى يعد الركيزة الأساسية لأى تطوير أو نهضة يمكن أن تشهدها مصر.

من جهة أخرى، قال العوا إنه لا يوافق على أن تطول الفترة الانتقالية الحالية لما بعد شهر فبراير المقبل، مطالباً بضرورة إجراء الانتخابات فى مواعيدها المعلنة وعدم تغييرها.



وأضاف العوا أن العام المالى الحالى له طبيعة خاصة جدا حيث أصبح من الضرورى أن تعاد هيكلة كل مؤسسات الدولة ماليا، ومن بينها الصناديق الخاصة وبما يساعد على تحقيق بعض التوازن المالى.

وأشار إلى أنه يساند الجهود التى تجرى الآن لإعلان الدولة الفلسطينية من جانب الحكومة الفلسطينية، ويعلم مدى التعنت الذى تتعرض له من جانب بعض القوى الغربية، ويؤكد أن القضية الفلسطينية هى إحدى ركائز السياسة الخارجية المصرية، وهو يرى أنه يجب رفع شعار "ما آخذ بالقوة لا يسترد إلا بالقوة" حتى تستعيد فلسطين حريتها.

وحول مشكلة الديون أوضح العوا أنه على الرغم من أن مصر مدينة بمبلغ ترليون و200 مليون جنيه، وخدمة هذا الدين سنويا 80 مليار جنيه ، إلا أنه يمكن التخلص من هذه الديون فى فترة وجيزة تتراوح بين أربع وست سنوات فقط لو أحسنت إدارة موارد الدولة .

[حسام المصري]

مش هتشفها بعينك وأنت صدق ولا إيه
سكت دهرا ونطق كفرا
ومقلتش كده ليه في المليون إضراب واعتصام اللي حصلوا طوال الفترة السابقة اختشي

[yaser.selim]

ارجو من السادة الزملاء عند الرد على اى أحد الا ننسى أننا معلمو هذه الأمة وأن نلتزم بأدب الرد وخاصة مع قامة عظيمة مثل الدكتور العوا كى لا نبدو امام الناس اننا لانعرف اقدار العلماء وإلا لن يقدرنا أحد
وارد على د العوا اننا اننا آخر من طالب بحقه المسلوب وان قتلة الثوار أول من زادت دخولهم وعندما طالبنا بهذا الحق لم نلق اى رد لذا لم يكن امامنا سوى الإضراب حتى نسمع

[أحمد على فارس]

المشاركة الأصلية كتبت بواسطة yaser.selim

ا قامة عظيمة مثل الدكتور العوا كى لا نبدو امام الناس اننا لانعرف اقدار العلماء وإلا لن يقدرنا أحد

كفاية تأليه وتعظيم للبشر قامة عظيمة ومعرفش إيه هو مش بنى آدم زينا ولا أيه يا عم الحاج ولو كان قامة عظيمة كان قال الكلام ده فى إضراب الشرطة وإضراب الدكاترة وبعدين بدل ما يكلم المدرسين يكلم الوزير ورئيس الوزراء ويقوله إدى للبشر دول حقهم ساعتها يبقى قامة اللى إنت بتقول عليها دى ساعة أما يقول كلمة الحق

[khalid1772010]

قال رسول الله صلى الله عليه وسلم : الكلمة الطيبة صدقة

[الرعب3250]

مش هتشفها ياهوا ياعوا هو بيههو امتي

[teacher_2]

مفيش اصلاح بدون تعليم
عاوزين بلد قوية يبقى لازم نهتم بالتعليم
مش كل من هب ودب بقى له كلمة دلووقتى
وحال البلد وهباب الطين على دماغ المسؤليين الغير كفء
لما الحاكم يبقى فاشل
يبقى عليه العوض
التعليم ثم التعليم ثم التعليم
على فكرة مصر مفيهاش اى تعليم الغش الله ينور
والروتين الغبى اللى اتصنع من سنين طويلة
وعدم رفع مستوى المعلم
كل ده بيرجعنا للخلف
وياريت مفيش معلم يجادل ادارى لان الجدل معهم نقصان من العقل

[ايثار حسن]

هو لسه عايزنا نستنا لما هو يكسب عشان يحققلنا مطالبنا


انسا يا عمرو


وبعدين هو مش ليه سلطة عشان يطلب من المعلمين تعليق الاضراب
اللي يهمة الامر والوضع يجب للمعلمين حقهم

مش يقولهم بلاش والنبي دلوقتي خلوها بعدين وانا اظبطكوووووووووو



شبعنا كلام عايزن افعال

[استاذ مظلوم]

من اولها يا عووووووووووو

راجل هلهلي عايز يحكم من علي المسطبة ومستعجل المريسة


اسكت اسكت احسن

[أحمد على فارس]

المشاركة الأصلية كتبت بواسطة zezo2007

وحول مشكلة الديون أوضح العوا أنه على الرغم من أن مصر مدينة بمبلغ ترليون و200 مليون جنيه، وخدمة هذا الدين سنويا 80 مليار جنيه ، إلا أنه يمكن التخلص من هذه الديون فى فترة وجيزة تتراوح بين أربع وست سنوات فقط لو أحسنت إدارة موارد الدولة .

شوفوا العوا ومكره بيقولك من 4 إلى 6 سنوات هيحل مشاكل مصر يعنى أنتخبونى لمدة أولى وبعدين مدة ثانية عشان يكمل الإصلاح المزعوم
مرشح للإخوان وبيقولوا ملناش مرشحين للرئاسة وبعدين يكرشوه من الحزب كده وكده عشان يضحكوا على الشعب وبعدين يعلقوا صوره على عربياتهم
مفكرين الناس هبل

[samaabdo]

نريد عدالة اجتماعية

[Mr...Ahmed]

دانا كنت من اشد مؤيديك..طب وحياة امك مانا منتخبك

[أحمد على فارس]

أنا كمان كنت من أشد المعجبين بالراجل ده وبأحترمه وبقدره جامد جدا
دلوقتى ........... ولا بلاش أقول خلينا مؤدبين أحسن