دراسات عليا كليه التربيه طنطا

[صدفه المنتديات]

السلام عليكم ورحمه الله


كان فيه موضوع خاص بالدبلومه والدرسات داخل التربيه طنطا

وناس كتيره سالتنى عن الخطوات والمواد - وللاسف انا حدود رسايلي الخاصه لا تسمح بارسال رسايل خاصه

فانا ان شاء الله هكتب كل معلوماتى الخاصه بيها



وبالنسبه للاخت ال سالتنى على خطوات التقديم للدبلوم التربوى

اولا نروح نروح ناخد من شئون الطلاب للدراسات اذن صرف للمظروف والمصاريف ولدوره الحاسبات كله كله هتدهولك والست بجد محترمه وطيبه وخدومه جدا جدا بس مش فكره اسمها بصراحه


وبعد كدا تروحى الخزن وتديهم 50+ 574 جنيه وتديهم ورقه ال فيها مبلغ المظروف ومبلغ الدبلومه
واحده بتكون ب50 جنيه والتانيه 574.35 قرش

تديه الوصل وتروحى الشباك ال جنبه وتستنى تستلمى الوصولات


وبعد كدا ترجعى الشؤن تستلمى المظروف وتقعدى على جنب تمليه براحه بس خالى بالك فيه ورقه هتروحى بيها مقابله شخصيه

لرئيس القسم وغالبا بيكون رئيس قسم التربيه في الدور التانى

ووالورقه يكون عليها اسمك وصورتك مختومه من الشؤؤن وهوة هيوقع بس


وبعد ما تملى الورقه -- تروح بقه اداره الجامعه تدفعى 180 جنيه رسوم انك هتاخدى icdl

وترجعى تحطى الورق دا كله ف المظروف وتقدميه للشؤن تانى وهيه هتفرد قدامك الورق وتقولك انه مظبوط ولاه لسه فيه شئ ناقصك

مع العلم ان الاوراق المطلوبه انها تتحط ف المظروف

1- اصل شهاده الميلاد كمبيوتر

2/ اصل شهاده التخرج

3/ صوره البطاقه

4/ 4 صور شخصيه


وشكرا - اتمنى اكون ساعدت ف المساله دى - واعتذر للاخوات ال بعتولى على الخاص لان عدد موضوعاتى لا يكفي لارسال رسائل خاصه





وبالنسبه للاخت رباب ال سالتنى على الدبلومه الخاصه

هيه هتدفعى كل المبلغ على بعضه 725 جنيه تقريبا وبنفس طبعا خطوات العامه




وبالنسبه للمدرسين او الموظفين وبيعملوا دبلوم تربوى - يكون معاهم موافقه من جهه العمل بالحصول على الدبلومه دى يعنى من المدرسه وسعتها هيبقه فيه تنسيق

وكدا كدا الدبلومات مواعيد الحضور فيها بعد الظهر - انا كمان مدرسه وقدمت عليها بس المشكله هتبقه في التدريب الميدانى الاسبوعى لان كدا فيه يوم طاير من المدرسه

وفعلا تخصص طرق التدريس غبي جدا


وتقيل





وبالنسبه للدراسه باذن الله هتنتظم من نص 11 اول 12 كدا وبتكون لحد شهر 5 بالكتير

ومصاريف الكتب هتبقه تقريبا طول السنه هتعملها 700 جنيه


وبالنسبه للدبلومه الخاصه جدولها بيبقه كالاتى

مناهج بحث ------------------ احصاء تربوى ---------------------------- قراءات في التخصص بالانجليزيه

حلقه بحث في التخصص -------------------- مقرر تخصصى 1 --------------- مقرر تخصصى 2

مقرر اختيارى 1 -------------------- مقرر اختيارى 2



بالنسبه للمواد --- انا مقدرش اختيار الانسب للاقسام

بس ممكن اكتبلك الاقسام ايه وانتى تختارى - والله اعلم

1/ اداره مدرسيه - تربيه خاصه - ارشاد نفسي - تعليم الكبار -- تخطيط تربوى واقتصاديات التعليم - رياض اطفال

قياس نفسي وتربوى - تكنولوجيا تعليم - تدريس ماده اكاديميه - علم نفس مدرسي - تخطيط وتطوير مناهج



( ملحوظه اخيره اخواتى في الله ) في قسم الارشاد النفسي او الصحه النفسيه سمعت ان العدد محدود القبول جدا
والله اعلم


السلام عليكم ورحمه الله وبركاته

[luisito_suares7]

لا اله الا الله محمد رسول الله

[MAYSAKASSEM]

شكرا علي مجهودك جعلة الله في ميزان حسناتك الدبلومة الخاصة 625 جنية بس فية اختبار انجليزي الا يعرف عنة حاجة ياريت يخبرنا

[rroma]

طب لو سمحتى اداب جامعه طنطا التقديم امتى والمصاريف قداايه كلها

[مسترسمير إبراهيم]

خالص التقدير لجهدكم الكبير
وربنا يبارك فيكم

[صدفه المنتديات]

جزاكم الله خير - ووفقنا جميعا

دعواتــــــــكم

[بنت الأزهـر]

وعليكم السلام ورحمة الله وبركاته

شكرا جزيلا أستاذة.

سؤالي عن الدبلومة الخاصة مفهمتش الجزء دا:

وبالنسبه للدبلومه الخاصه جدولها بيبقه كالاتى

مناهج بحث ------------------ احصاء تربوى ---------------------------- قراءات في التخصص بالانجليزيه

حلقه بحث في التخصص -------------------- مقرر تخصصى 1 --------------- مقرر تخصصى 2

مقرر اختيارى 1 -------------------- مقرر اختيارى 2



بالنسبه للمواد --- انا مقدرش اختيار الانسب للاقسام

بس ممكن اكتبلك الاقسام ايه وانتى تختارى - والله اعلم

1/ اداره مدرسيه - تربيه خاصه - ارشاد نفسي - تعليم الكبار -- تخطيط تربوى واقتصاديات التعليم - رياض اطفال

قياس نفسي وتربوى - تكنولوجيا تعليم - تدريس ماده اكاديميه - علم نفس مدرسي - تخطيط وتطوير مناهج

هل أختار راحتي بعيدا عن القسم اللي عملت فيه دبلوم مهني؟
يعني انا مثلا عملت دبلوم مهني علم نفس مدرسي.
عاوزة اعمل دبلومة خاصة هل لي حق الاختيار في أي قسم؟

وسؤال اخير التقديم في نص 8؟ يعني اخر اسبوع من رمضان ولا هيكون بعد العيد؟

وجزاك الله كل خير.

[وليد الجاحر]

السلام عليكم ورحمة الله
أرجو من سيادتكم الافادة
أنا حاصل على دبلومة مهنية في تطوير وتخطيط المناهج بتقدير جيد جدا نظام العام الواحد من جامعة أسيوط وعايز أكمل تربية خاصة فهل الدراسة سنة واحدة ولا اثنين وبعده الماجستير الرجاء الافادة

[Mr_Ahmed Ghanem]

ياريت حد يأكدلنا على معاد التقديم على الدبلومة ؟؟؟؟

[mervat_serag]

شكرا جدا ع المجهود بس ياريت اعرف مواعيد التقديم

[طارق القصاص]

السلام عليكم
بالنسبة لشخص مزور شهادة لحصولة على دبلوم خاص فى الصحة النفسية كيف يتم التأكد من ذلك نرجو الرد لانه بسبب الشهادة تقلد مناصب ادارية وحصل على امتيازات مادية 01110551407

[د.شريف]

من الممكن التاكد من ذلك من عرض الامر على مسجل الكلية او ما يعرف مدير عام الكلية ولو امكن الحصول على صورة منها يبقى الامر اسهل وتذكر له الامر بالضبط حتى يكون على دراية به ............ وربنا يصلح الحال وينتقم من هؤلاء المزوريين الذين اخذوا حقوق غيرهم بغير حق

[elsayedabdelattyelmetwaly]

السلام عليكم ورحمه الله وبركاته
أرجوا من سيادتكم أفادتى بشروط القيد للماجستير بكلية التربية جامعة طنطا للعام الدراسى 2015 - 2016
ولسيادتكم جزيل الشكر