الفرق بين حاسبات ومعلومات -هندسة قسم حاسب-علوم قسم حاسب-تربية قسم حاسب

[eng.ahmed55]

بسم الله الرحمن الرحيم

طبعا لقيت ناس كتير متلغبطة ومش عارفة الفرق بين الكليات اللى ف مجال الحاسب فانا عملت الموضوع دا عشان احاول اوصلكوا الفرق وكتبت حجات مختصرة عشان متتعبوش ف القراءة

اولا هندسة

دى بتهتم بالسوفتوير والهاردوير بس طبعا الاهتمام الاكتر بالهارد وير
بيدرسوا الكترونيات وشبكات ودواير منطقية
ودى المواد اللى بيدرسوها (ممكن تختلف من كلية لكلية بس اختلاف بسيط)

رياضيات 3
انسانيات في هندسة النظم 2
اساسيات اليكترونيه
دوائر منطقيه ورقميه 1
لغات برمجه 1
هندسة التحكم 1
رياضيات 4
تقارير فنيه في هندسة النظم
هندسة تشغيل حاسب 1
مقدمه في شبكات الحاسب
هندسة التحكم 2

رياضيات 5
إنسانيات في هندسة النظم 3
دوائر منطقية ورقمية 2
لغات برمجة 2
أجهزة قياس ومستشعرات
نمذجة ومحاكاة النظم
تطبيقات إحصائية
هندسة تشغيل حاسب 2
لغات برمجة 3
قوى وآلات كهربية
تمييز مكونات النظم
نظم تحكم رقمى

هندسة معمار الحاسب1
هياكل البيانات والخوارزميات
قواعد بيانات1
نظرية التحكم الحديثة
ذكاء اصطناعي
التحكم المنطقي المبرمج
قواعد بيانات2
تحليل وتصميم نظم الحاسب
رسم بالحاسب
نظم تحكم بالحاسبات1

هندسة معمار الحاسب2
تصميم وبرمجة شبكات
طرق تعلم الآلة
مشروع *
صيانة حاسب
أنظمة الحاسبات الموزعة
نظم تحكم بالحاسبات2
مشروع *

زى ما شوفتوا كدا بيهتم بالسوفتوير والهارد وير بس بيتميز اوى ف الهارد وير يعنى بتحب تتعمق ف اجزار الكمبيوتر الداخالية يبقى هندسة احسن بتحب البرمجة والداتابيز وشغل السوفتوير يبقى حاسبات احسن

بردو فى ناس ممكن متكونش عارفة هندسة الكترونية

قسم حاسب فيها هو هو هندسة قسم حاسب اساسا الكلية دى هيه قسم كهربا كدا اللى ف هندسة

تانى حاجة
تربية قسم حاسب

طبعا القسم دا بيطلع ف الاساس مدرس يعنى بيهتموا اكتر حاجة بالمواد التربوية
بياخدوا فكرة زى ما قلت عن الحجات الاساسية اللى لازم الكل يعرفها بس مش بيتعمقوا فيها خالص
ودى المواد بتاعتهم
مبادئ رياضة
مبادئ الاحصاء
لغة انجليزية (1)
نظم تشغيل الحاسبات (1)
دراسات بيئية
لغة عربية وتطبيقاتها
مبادئ تربية


برمجة (1)
نظم تشغيل الحاسبات (2)
تحليل نظم
معالجة النصوص
لغة انجيليزية وتطبيقاتها(1)
مبادىء تدريس
علم نفس النمو

استخدام الجداول الالكترونية
علم نفس اجتماعى
الاحصاء والحاسب
الحاسب الآلى وامن البيانات
الاصول الاجتماعية للتربية
طرق تدريس (1)
منظومة الحاسب الآلى
تدريب ميدانى

تخطيط البرامج
شبكات الحاسب
النظم المعاونة
البرمجة الشيئية
الاصول الفلسفية
المناهج
صحة نفسية
مشروع
تدريب ميدانى

طبعا الكلام دا بيدرسوه على خفيف مش بيتعمقوا بيه مفيش عندهم هندسة برمجة ولا ذكاء اصطناعى يعنى عاملين حسابهم ان اللى يتخرج من الكلية يبقى مدرس فيه بقى بينمى نفسه بس بردو تلاقيهم داخلين ف مجال الديزين مثلا مش بيتعمقوا ف الشبكات ولا البرمجة ولا الداتابيز على فكرة متفتكروش ان عشان بياخدوا داتابيز 1 و 2 يبقوا كدا بياخدوها على تقيل لااااا دا فيه مواد زى ما تقولوا كدا تطبيقات عليها وحجات كتير خاصة بيها دا بيبقى فى قسم اى اس ف حاسبات ومعلومات

نيجى على علوم

قبل ما اتكلم عن الكلية
علوم المفروض دى بتاخد كل حاجة زى تربية بس على اعلى شوية ازاى؟؟
اقولك يا سيدى
هما عندهم 4 سنين من غير تخصص التخصص من الاول حاسب فبيضطروا ياخدوا كل حاجة مش زى حاسبات بتاخد سنتين وبعدين تخصص فبتبقى عارف حجات كتيييييييير عنه
وكمان زى ما انا شوفت ف المواد بتاعتهم بياخدوا نفس الحجات بتاعت تربية بس بدل مواد علم النفس والكلام دا بياخدوا رياضة واحصاء وفيزياء(علوم بقى!!)

واخيرا ......حاسبات ومعلومات

حاسبات دى اساس السوفت وير
يعنى لو مثلا فكرت ف البرمجة هتلاقى البرمجة من اول ما اتخلقت لحد الاخر بس طبعا مش هيديك كل حاجة
انت لازم تقرا مع نفسك ...هو بس بيديلك الاساسيات
دا مش معناه ان الاساسيات سهلة دا بالعكس اصعب حاجة الاساسيات بعد كدا انت بتحاول وتجتهد مع نفسك
بتاخد ف اول سنتين فكرة عامة عن كل حاجة
وبعد كدا بتتخصص ف المجال اللى بتحبه
وفى الاخر خالص بتعمل مشروع تخرج
ودا بقى ملهمش دعوة انت اخدت ولا ماخدتش انت لازم تبحث وتعرف حجات كتير ومتعتمدش على الكلية بس لان المشروع دا ليه معانى كتير وكمان لما تقدم السى فى بتاعك لشركة بيبصوا ع المشروع ولو كويس بغض النظر عن التقدير هياخدوك هياخدوك
بس ارجع واقولك بردو التقدير بيفرق وبيديلك قدرة عالية انك تكون واثق من نفسك
هنا بقى الرياضة والفيزياء بيركزوا عليها اول سنتين بعد كدا سنتين طحن بتدرس فيها مواد القسم اللى انت داخله

يعنى من الاخر

تربية (اساسيات سوفتوير+مواد تربوى)
هندسة (اساسيات السوفتوير + تعمق ف الهاردوير)
علوم (اساسيات السوفتوير +مواد رياضية وفيزيائية)
حاسبات ومعلومات (تعمق سوفوير +تعمق شبكات فقط ف الهاردوير+اساسيات الهاردوير)
.................................................. .......................................
ف الاخر بتمنى انى اكون وصلتلكوا الفرق بينهم انا محبتش اتقل عليكوا ..كان ممكن اكتب ف كل واحد فيهم كتير بس قولت اكتب حاجة مختصرة تعرفكوا الفرق

[badnamef4]

شكرااااااااااااً جداً
و أستأذن حضرتك تعمل رد تتعمق فيه في الشرح و تكتب أكتر من كده ، الكلام ده ممكن يكون مفيد أوي في وقت اختيار السنة الجاية إن شاء الله
و عشان كده نفسي الموضوع يتضاف له شوية معلومات كده و ينتسق و يتثبت
و أكرر شكري مرة تانية
السلام عليكم و رحمة الله و بركاته

[Eng.Mo'men]

مشكووووووووووووووووووووووووووور

[Mr.MiROo]

عاوز شرح اكتر عن كلية علوم قسم حاسب لو سمحت

[Eng.Mo'men]

علوم قسم رياضة وحاسب , دا مزيج بين الرياضيات والحاسب الآلي بياخدوا مواد كتير زي حاسبات ومعلومات ومواد تانية فى الاحصا والرياضيات المهم ان خريج علوم شهادته غير خريج حاسبات بس ممكن كفائتهم زي بعض اما يتخرجوا بس بتاع حاسبات أعلى حاجات بسيطة