|
#1
|
|||
|
|||
![]() السلام عليكم ورحمة الله وبركاته
الموضوع ده هيبقى لطلبة بنى سويف اللى عندهم امل فى كلية الهندسة واللى طبعا لازم يدخلوا هندسة بنى سويف نعمل ايه بقى فى الوزيع الجعرانى سورى الجغرافى لو حد عايز يستفسر عن اى حاجة عنها انا موجود وشكرررررررا |
#2
|
|||
|
|||
![]()
اهلا ازيك يا درش
اولا حاجة الاقسام اللي في الزفتة دي ايه تاني حاجة صحيح بتاخدوا مع الصنايع ثالث حاجة انا مجموعي باذن الله يجيب هندسة القاهرة ينفع احول ولا ايه ويا ريت ترد عليا وبالذات في ثالثا عشان انا مجنون ولو منفعش احول هندسة القاهرة هاروح محول حاسبات ومعلومات القاهرة او حلوان ويبقي يوروني هايفتحوها في بني سويف امتي دي معلش ع التطويل |
#3
|
|||
|
|||
![]() اقتباس:
هو خلال خبراتى فى التعقيد النفسى والملل اللى جابتهملى الكلية احب اقولك ان انا موجود فى الكلية من ساعة ما فتحت والكلية عاملة زى الحمام
وده طبعا تمثيلا للمثل اللى بيقول دخول الحمام مش زى خروجه يعنى يا باشا انا بصراحة مشوفتش ولا واحد حول بالرغم من ان ناس كتير كانت بتأمل بكده بس ادارة الكلية وعدت بالسماح بالتحويلات الى كليه اخرى بس لحد السنين اللى فاتوا دول محدش حول ده بالنسبة لثالثا بالنسبة لثانيا انا معتقدش انها واخدة صنايع بس م مكن معاهد وبالنسبة بقى لاولا فبلاش تقول اقسام لان هو مفيش غير قسم واحد وهو مدنى ومعلش ع التطويل |
#4
|
|||
|
|||
![]()
ممكن أعرف دى خاص ولا حكومة ؟؟؟ وهاتفتح السنة دى ولا لأ؟؟؟؟؟
|
#5
|
|||
|
|||
![]()
حكومة وفاتحة من 2010
|
#6
|
|||
|
|||
![]() بالنسبة للكلية فهى كلية حكومية مية المية
وبالنبة هى فتحت امتى فهى نزلت تنسيق 2010 بس الكلية واخدة دفعة من سنة 2009 وهتكون مفتوحة على طول ان شاء الله يعنى هو فى كلية بتفتح سنتين وتقفل ؟؟ |
#7
|
|||
|
|||
![]()
طيب حضرتك بتقول ان ما فيش غير قسم واحد
بس علي الموقع بيقولوا كلام تاني اصدق مين http://www.eng.bsu.edu.eg/dc.aspx?pid=87 |
#8
|
|||
|
|||
![]() اعتقد ان حضرتك لازم تصدقنى انا
لان بالفعل هو مفيش غير قسم واحد بس وهو قسم مدنى اما باقى الاقسام فمازلت تحت الانشاء يعنى لسة بيدرس انها تتفتح ونتيجة لكلام العميد الاخير انه مش هيقدر يفتح قسم ومفيش موارد متاحة ليه او معامل او ما الى ذلك احنا كان عندنا امل حتى فى قسم عمارة الى جانب قسم مدنى وعلى فكرة وعدونا بفتح قسم اخر الى جانب قسم مدنى وعملوا استفتاء على 3 اقسام يختاروا منهم قسم واحد بس ولا حاجة حصلت واعتقد ان الكلية هتستمر فترة ليست بالقصيرة على قسم واحد فقط وهو المدنى وبالنسبة للدكاترة اللى حضرتك شايف اسمائهم فى كل قسم فكلهم بيدرسوا مواد فى مدنى لو تحب انا ممكن اقولك كل واحد بيدرس ايه |
#9
|
|||
|
|||
![]() وزى ما توقعنا هندسة بنى سويف اولى الكليات الهندسية مجموعاً
بمجموع 397 بما يعادل 96.83% |
#10
|
|||
|
|||
![]()
السلام عليكم
أنا رايح هندسة بنى سويف السنادى علشان للأسف جايب مجموع عالى 98.2 بس مفيش أقسام هتفتح السنادى ولا إيه وهتروحوا مكان الكليه الجديد ولا هتفضلوا مع التعليم الصناعى |
#11
|
|||
|
|||
![]() بنسبة للاقسام مفيش كلام خالص على ان فى قسم هيتفتح حتى الان
وبالنسبة لمكان الكلية الجديد فاحنا اخر كلام سمعناه ان احنا هنروح هناك ع السنة الجديدة بس بدأنا نسمع ان احنا هننتقل للمكان الجديد ع الترم التانى ان شاء الله والله اعلم يا باشا احنا هنروح امتى لحد دلوقتى لسة مفيش حاجة اكيدة |
#12
|
|||
|
|||
![]()
السلام عليكم انا محمد طه داخل هندسه بني سويف (اعدادى) ممكن اتعرف عليكم
|
#13
|
|||
|
|||
![]()
الهي يا رب تتحرق نفسي اعرف ابن العرس اللي وضع نظام التوزيع الهبابي دة ورمانا الرمية السودة دي في الخرابة دي
|
![]() |
العلامات المرجعية |
أدوات الموضوع | |
انواع عرض الموضوع | |
|
|