كل ما يتعلق بنظام القبول فى قسم حقوق انجليزى جامعة عين شمس

[rehabu]

لازم يكون حاصل على درجة عالية في اللغة الإنجليزية.
و يكون مجموعة أكثر من 90% ..
وبيقدم طلب للشعبة فوق في الدور الخامس. بعد مايكون اتقبل في كلية الحقوق العادية أولا.
وبعدها بيقوم بـسداد المصروفات الخاصة بالكلية زائد مصروفات الشعبة.
مصروفات الشعبة قدرها 5400 جنيه تقريبا.
وبعدها بينزل على لائحة الإنتظار. يا اما بيتم قبوله أو رفضه.
و لو اترفض .. هـتسترد المصروفات مخصوم منها 150 ثمن تقديم الطلب



لائحة الشعبة تقول ألا يقل المجموع عن 84% .. لكن عشان أكون صريح معاك .. معظم الطلبة إذا ماكانش كلهم بيكون مجموعهم في الثانوية العامة أكتر من 90% .. و بـما إن الشعبة بـتختار الطلبة على نظام لائحة الانتظار .. يعني بـنظام الأكفأ و ليس نظام اسبقية التقديم, فـإللي مجموعه بيقل بتكون فرصته في الدخول أقل.
مجلس إدارة الشعبة كل سنة بيقرر هو محتاج عدد قد إيه ,, فـالرقم مش ثابت كل سنة.
لكن بيكون العدد تقريبا بين 200 و 250 بالكتير.
ثالثا: مفيش نظام أعمال سنة. لكن فيه نظام حضور و غياب.
فيما معناه ,, إن الطالب اللي يقل نسبة حضوره للمحاضرات عن 75% بيكون معرض للحرمان من المادة اللي غاب فيها, ما لم يقدم عذر لشئون الطلبة.
زائد إن حضور مادة السكشن إلزامي. و الحضور فيه عليه درجات. و كذلك التفاعل مع الدكتور. و أحيانا في بعض المواد بيكون الطالب ملزم بـتقديم بحث و عرضه أثناء المحاضرة اللي يحددها الدكتور.



كتب الشعبة غير مخصصة للبيع منفردة .. بل يدفع الطالب مصروفات السنة شاملة الدراسة و الكتب.
ثانيًا: ما أقدرش أقولك الدراسة أصعب أو أسهل ,, لإن دي مسألة نسبية.
لإن لو الطالب قوي في اللغة الإنجليزية و عنده مهارات التواصل باللغات .. زي السمع والتحدث بالإنجليزي و الفرنسي .. و هو مثلا حابب الكلية أو مش داخلها غصب أو كارهها. فـأكيد هيكون الموضوع بسيط والكلية هتبقى سهلة والدراسة ممتعة. أما لو العكس ,, فـما تنتظرش غير سقوط أكيد.
ثالثا: ميعاد التقديم للشعبة مقترن بـميعاد فتح باب التنسيق للكلية والشعبة العربي .. ما إن يتم قبول الطالب بالكلية ,, حتى يمكن للطالب رفع طلب للشعبة بالدور الخامس.
رابعا: الشعبة محددة حد أدنى 43 في اللغة الإنجليزي. لكن تذكر ما قد قلته بـخصوص المتقدمين الآخرين. لإن أكتر من 60% من طلبة الشعبة مدارس النظام الأمريكي والبريطاني ,, 35% مدارس لغات. 4% تقريبا مدارس لغات تجريبي ,, و 1% مدارس عربي.
أتمنى ماكنتش أحبطتك بالأرقام دي.
خامسا: خريج الشعبة يحمل كافة احتمالات للوظائف المفتوحة للشعبة العربية زي النيابة والمحاماة. لكن فرصته في النيابة أكبر بـكتير.
زائد الفرصة أكبر من 5 إلى 6 أضعاف للشئون القانونية بالشركات متعددة الجنسيات.
إلى جانب المحاماة الدولية والأمم المتحدة والمنظمات و الشئون القانونية للبنوك الخاصة. مجال الترجمة القانونية .. و مجال الملكية الفكرية.
خامسا: مفيش أي معايير خاصة لقبول الطالب أو رفضه. ومفيش محاباة لمتقدم على حساب متقدم آخر.
فيما معناه ,, إن غالبا مفيش دكتور ممكن يكون ليه دخل بقبول أو رفض متقدم

[amrmohmd]

ربنا يسمع منك انشاء الله هندخل

[Ma7moud101]

مش عارف انت طمنتى ولا قلقتنى بس عالعموم انا جايب فى الانجليزى 43والمجموع 89,5 فمش عارف ايه نظامى وبعدان هو مفيش غير حقوق انجليزى الا فى عين شمس؟

[ميدو ماجيك]

لا فى فى كل الجامعات تقريبا

[romyo999]

أقسام اللغات بكليات الجامعات المختلفة والتي ستقبل كرغبات مستقلة وشروط القبول بها في العام الجامعي 2011/2012 عن طريق التنسيق الالكتروني:-


يتم ترشيح الطلاب لأقسام اللغات بكليات (التجارة – الحقوق – الإقتصاد والعلوم السياسية –الإعلام- السياحة والفنادق) وفقاَ للشروط التالية:-
· تطبق نفس القواعد و شروط القبول المطبقة علي الطلبة المنتظمين في نفس الكلية والجامعة التي تقبل هذه الفئة من الطلاب بما في ذلك قواعد التوزيع الجغرافي والإقليمي.

· يشترط الحصول على حد أدنى 80% فى درجة اللغة الأجنبية الأولى (إنجليزي- فرنسي حسب البرنامج) .
· ويتم حساب المجموع الاعتبارى كما يلى:
· المجموع الكلى للطالب بدون المستوى الرفيع + درجة اللغة الأجنبية للبرنامج + درجة المستوى الرفيع فى اللغة الاجنبية (اللغة الاجنبية انجليزى – فرنسى طبقا للبرنامج).
· بعض البرامج تتطلب اجتياز امتحان قبول فى اللغة بعد الترشيح.

اما بقى بالنسبه للتنسيق فده اللى احنا لسه منعرفوش
و الكليه موجوده فى جامعة القاهره والاسكندريه و عين شمس و الزقازيق و المنصوره