قرار تعيين الكل غريب وظالم

[البروفيسير ابو اياد]

ادهشني واصابني ذهول عندما قرأت قرار وزير التعليم الذي كنا ندافع عنة ونطلب مجيئة الي الوزارة ولكنة خيب امالنا للاسباب التالية
1- كيف بحدث تعيين للكل حتي بتوع الاجر انة حط ابو قرش مع ابو قرشين
2- كيف يساوينا ونحن معدين تربوين ومعنا الرخصة الدولية للحاسب الالي بمن لم ياخذوا سوي شهادتهم وتعينوا بالمجاملات والواسطة
3- اين ذهب تعب المذاكرة في الدبلومة او التربوي ومذاكرة الكادر بمن لم يفعلوا شئ
4- كيف تضييع سنوات خبرة عملنا بها اكثر من سبع سنوات بمن هم حديثوا التخرج
5- مافائدة كلية التربية اذا
سيدي الوزير انت لم تصب قرار مخطئ فعلت ذلك من اجل خوفك من المظاهرات
المساواة في الظلم عدل

[alostaztamer1]

ما حدث لمن لم يمتحن بعد الاكاديمية هو تثبيت بمعني ليس فصل ..
اما من اجتاز الاكاديمية فتم تعيينهم علي وظيفة معلم .. وله كل امتيازات الكادر

[المعلم الحزين]

حسبنا الله ونعم الوكيل لما يبقي مدير المدرس دبلوم زراعه ويقود حملة الموهلات العليا يبقي حسبنا الله ونعم الوكيل وكمان الاموهلات العليا ياريت ثابتين لا بالعقد ههههههههههههههههالمميز اللي هيبقي مكيف

[aleman]

المعلمين بالاجر دول فيهم ناس شغالة بقالهم7 سنين على الهوا كده
ودول يستحقوا التعيين
وفيهم من حملة المؤهلات
فلو سمحتم متعمموش

[Rofa2010]

لا حول ولا قوة إلا بالله
يعني احنا بقينا "بقرش" علي العموم ايها العضو المحترم انا في السويس و في مدرستي فقط 10 معلمات بالاجر كلنا معنا الشهادة icdl و كلنا معنا دبلومة علم نفس تربوي و كلنا معنا كورسات لغة انجليزية اما عن سنين الخبرة فكلنا نعمل منذ ست سنوات والمرتب 113 جنيها فقط وبدون حق في اي شئ .
يا تري نستحق التعين ولا لأ
إذا كنت تحس بالظلم فلا تظلمنا

[zead sad]

حرام عليك لية كدة هل انت موكل بتقسيم الارزاق هل تعلم حالى وحال زملائى

[رمضان5]

يا جماعة مع احترامنا للمعلمين بكل فئاتهم لاكن الراجل مغلطش مطلوب التعيين للكل لاكن حسب قانون الكادر .
يعنى العاملين بالاجر المفروض يبقى ليهم عقود معلم مساعد فورا ويخلصوا الشروط المطلوبة وبعدين يتعينوا وهو دة العدل.واللى اجتازوا الاختبارات وحصلوا على الدبلومة والرخصة الدولية فدول يتعينوا فورا .

[zead sad]

نحن ايضا معنا تربوى وicdl

[Rafael.Nadal]

والله الواحد يتمنى الخير للجميع وربنا يرزق الجميع بس فى البلد دى بجد الانسان اتخنق نتعب وبنتساوى بالجميع ازاكر واتفوق وبتعين زى اللى نجح بدور تانى ناخد كادر ورخصه دوليه وبرضه زينا زى الكل بس الواحد بيسكت عشان ميزعلش حد بس هقول ايه بقا اللهم لا اعتراض ع حكمك
مش انانيه مننا بس دا ليه ديما التعب يروح فى الهوا ونتساوى بالكل

[Rafael.Nadal]

ياجماعه الارزاق على الله بس اثبتو مقلناش حاجه دا يفرحنا بس بنفش الشروط اللى اتطبقت علينا اظن العدل مايزعلش
نتمنى للكل التوفيق وربنا يوسع ارزاقكم ويحفظ مصر

[طه حسين رأفت]

يا أخواني قولوا الحمد لله علي كل شيء ان التعيين بقي لكل الناس وده اللي كنا بنادي بيه

[mhegazi]

ياسيدي الفاضل سوف يتم تثبيت الاخوة كمعلم مساعد ولم يتغير مسماهم ويحصولوا على الكادر الا بعد اجتيازهم لاختبار الكادر وحصولهم على الرخصة الدولية لقيادة الكمبيوتر

[حازم الهنتش]

انا من وجهة نظرى ان من حق اى انسان داخل المدرسة انه يكون معين ومثبت واحنا مش هنخسر حاجة لما يتثبتوا

[samiro]

انا شايف ان التعيين يكون للجميع ويكون الفرق بين القديم والجديد فى المرتب كدة الصح مش القديم عاوز يتعين والجديد لا منه اتعين ولا خد مرتب عدل مع احترامى للاستاذ للى كاتب الموضوع مش متفق معاك

[الاستاذ محمود حميد]

فيهم ناس بيشتغلوا قبل انتا ما تشتغل في التدريس وهما مواطنين في البلد دي زيك يعني ليهم حقوق في البلد دي ومن حقهم يعيشوا حياة كريمة بعيد عن الاجحاف ولا حضرتك بس الي ليك حق تعيش والباقيين يشربوا من البحر !!!!!!! وبعدين انتا مش تعرف ظروف الناس دي وليه هما كده مش يمكن في ظروف خلتهم مش يكملوا؟؟؟؟ وحضرتك عمال تقول ذاكرت وتعبت بتحسسني انك بتشتغل في هيئة الطاقة الذرية ولا مفاعل نووي ( يعم المهم تقبض اخر الشهر وتقدر تصرف علي الناس المسئولة منك ) بلاش تعيش الدور اوي خلي الناس كلها تفرح ولا يفرحك ان حضرتك بس تتعين والباقيين مش مهم ومتنساش حديث الرسول صلي الله عليه وسلم (( حب لاخيك ما تحبه لنفسك ))