الى من محافظة كفر الشيخ يدخل ضرورى

[ام ملك 55]

النهارده زميلتى راحت الادارة ببيلا
بيقولوا ان المحافظ عندنا نزل قرار بتعيين الكل
مميز ومؤقت ومكافأة
وزميلتى صورة القرار وقرأته لى فى التليفون
والقرار بتاريخ امبارح
فى اى ادارة فى كفر الشيخ حصل فيها كده؟؟؟؟؟؟؟؟

[alirahim]

انا سمعت الكلام ده من المدريه النهاردة ولمل قلته الناس ردت عليا وفالوا ده كلام مايدخلشى دماغ العيال الصغيرة والله الكلام ده من مدير الشئون الماليه والاداريه فى المدريه

[ام ملك 55]

من مدرية كفر الشيخ
اصل والله زميلتى بتحلف لى ان صورة القرار معاها
ومحدش فاهم حاجه
يعنى احنا هنقدم ورقنا علشان ندخل امتحان كادر ام لا

[سيلفانو]

المشاركة الأصلية كتبت بواسطة ام ملك 55

من مدرية كفر الشيخ
اصل والله زميلتى بتحلف لى ان صورة القرار معاها
ومحدش فاهم حاجه
يعنى احنا هنقدم ورقنا علشان ندخل امتحان كادر ام لا

اختى فالله
انا لا اشكك فى صحة كلامك
انما اذا كان صحيحا لماذا يطلبون الان من الغير مجتازين لامتحان الكادر بتقديم اوراقهم للامتحان

ممكن حضرتك ترفعى صورة القرار اللى مع زميلتك فاقرب وقت
للاطمئنان وزيادة التوضيح
وجزاك الله خيرا فينا

[ام ملك 55]

هو مفيش حد فى المنتدى من كفر الشيخ غيرى ولا اية؟؟؟؟؟؟؟؟؟؟؟

[mmagdy_81]

ياجماعه بطلوا تاليف ارحمونا بقى هو كل واحد بيريح دما غه وخلاص احنا بنلف حولين بعضنا كلنا عارفين مين اللى هيتعين وشكرا

[ام ملك 55]

المشاركة الأصلية كتبت بواسطة adam-marim

ياجماعه بطلوا تاليف ارحمونا بقى هو كل واحد بيريح دما غه وخلاص احنا بنلف حولين بعضنا كلنا عارفين مين اللى هيتعين وشكرا

مفيش داعى انك تهاجمنى كده انا كتبت الى من كفر الشيخ
يعنى عايزة اتاكد مش داخله اقول كلام وخلاص
وعموما واضح ان الهجوم بقه هو ده العادى اليومين دول
فعلا الشعب المصرى اتغير لل............... بعد 25 يناير

[اميمة طه]

المشاركة الأصلية كتبت بواسطة ام ملك 55

مفيش داعى انك تهاجمنى كده انا كتبت الى من كفر الشيخ
يعنى عايزة اتاكد مش داخله اقول كلام وخلاص
وعموما واضح ان الهجوم بقه هو ده العادى اليومين دول
فعلا الشعب المصرى اتغير لل............... بعد 25 يناير

متزعليش .... النهارده واحدة صاحبتى من كفر الشيخ مكلمانى وقايلة نفس الكلام وان الورق معدش فى الاكاديمية وانها بعتت الكشوف للمديرية واللى عاوز يتاكد من اسمه يروح المديرية وهى اللى هتصعدها للمحافظ وبعدين ترجع تانى للتوزيع على الادارات

[ام ملك 55]

والله انا مش مقتنعه زيكم بالضبط
وكمان ازاى المحافظ يصدلر قرار غير قرار الوزير
المحافظ جهه تنفيذيه انا عارفه
وعلى فكرة انا لسه ممتحنتش كادر ومصممه على دخول الامتحان
زينا زى الناس الى تعبوا
انا كتبت الموضوع علشان اتاكد هل كل ادارات كفر الشيخ فيها نفس القرار
ام ادارتنا بس

[ام ملك 55]

يعنى المحافظ اصدر قرار من نفسة كده
بتعيين كل الناس المؤقتين
وهو ده ينفع
هو المحافظ بتاعنا كده ماشى بمزاجه

[اميمة طه]

المشاركة الأصلية كتبت بواسطة ام ملك 55

يعنى المحافظ اصدر قرار من نفسة كده
بتعيين كل الناس المؤقتين
وهو ده ينفع
هو المحافظ بتاعنا كده ماشى بمزاجه

يا ام ملك محافظ كفر الشيخ وان كان فى مشاكل انما هو من افضل المحافظين على مستوى الجمهورية بالاضافة انه لسه ممضاش القرار كمان الامضاء على حسب الصورة اللى اسلام نزلها النهارده وكلنا شفناها

[ام ملك 55]

يعنى ان شاء الله هنقدم اورقنا ونمتحن
بس يا ريت الى يعرف التقديم هيكون ازاى يقولنا على طول
وكمان ايه الورق المطلوب

[اميمة طه]

المشاركة الأصلية كتبت بواسطة ام ملك 55

يعنى ان شاء الله هنقدم اورقنا ونمتحن
بس يا ريت الى يعرف التقديم هيكون ازاى يقولنا على طول
وكمان ايه الورق المطلوب

1- روحى قسم الاحصاء فى الادارة وحدثى بياناتك واساليه على الباسوورد
2- حضرى ورقك ... الشهادة - التربوى - icdl- الفيش ( ويا ريت تعمليه دلوقتى )- تقرير الموجه - تقرير مدير المدرسة- شهادة ميلاد كمبيوتر ...... هم دول اللى فكراهم
3- ادخلى على موقع الاكاديمية وتابعى لحد ما ينزل التسجيل وسجلى

[ام ملك 55]

المشاركة الأصلية كتبت بواسطة اميمة طه

1- روحى قسم الاحصاء فى الادارة وحدثى بياناتك واساليه على الباسوورد
2- حضرى ورقك ... الشهادة - التربوى - icdl- الفيش ( ويا ريت تعمليه دلوقتى )- تقرير الموجه - تقرير مدير المدرسة- شهادة ميلاد كمبيوتر ...... هم دول اللى فكراهم
3- ادخلى على موقع الاكاديمية وتابعى لحد ما ينزل التسجيل وسجلى

جزاكى الله خيرا
ان شاء الله بكرة هروح اعمل الفيش والتشبيه
وكمان اسال فى الاحصاء
ولو فى اى جديد هعرفكم

[emy142005]

والله انا عارفة ان كان فى مظاهرات هناك وانا من كفر الشيخ لللى بالاجر جايز حب يريح نفسه ويعينهم بس ازاى والقرار والامتحان الله اعلم؟؟؟؟؟؟؟؟؟