مجدى الكردى

[حميد بدوى]

مجدى الكردى

باع عفش بيتة

علشان يصرف على ائتلاف

لدعم جمال مبارك

ومصر باعت عفشها وعفشتها

في عهد مبارك

ياترى ياعم مجدى

فية اية تانى ينباع

بما ان كل واحد له نصيب

ف اسمة انا بسألك؟؟

انت مصرى مصرى

ولا كردى كردى

ولا حتة بتاع

وبتقول مبارك يبقى مرجعية

بأمارة اية؟؟؟؟؟؟؟؟؟

الفساد ولا الخيبة القوية ولا الضياع

وقاعد تتكلم عن الامن والامان

امن المواطن المصرى انه يكون له كيان

طيب انا راضى ذمتك

فى حد مصرى

فى الدنيا له كيان

ما عدا الاعب والمنافق والفنان

المصرى الوحيد

اللى بقى لا بينشرى ولا بينباع


والفضل كله يرجع للاب الحنون

اللى همش تمانين مليون

مش كدا ولا انا غلطان

وبتقول جمال المستقبل

الله الله اكبر

والله لو المستقبل فى جمال

مش عايزين مستقبل

هو فية حد بيحكم غير جمال

ما بلاش عبط هو احنا شوية عيال

ما الدولة كلها تحت طوعة

والوزرا الخدمين بتوعة

من اول رئيسهم لحد

وزير الدفاع

ولا انت عامل مش واخد بالك

يا حضرة البتاع

انا فية حاجة محيرانى

ازاى انت بتحب مصر وف نفس الوقت

بتحب جمال

وهى فين مصر ياولاد الحلال

بتقول السادات هو السبب

الاول والاخير فى الفساد

فعلا لان سيادة الريس

كان مشغول تلاتين سنة

بيحضر ابنه علشان

يرفع راية البلاد

ياراجل بلاش خيبة

دا انت صداع



الشاعر
عبد الحميد بدوى