|
||||||
| كليات المجموعة العلمية (الطب البشري - طب الأسنان - الطب البيطري - العلوم الطبية التطبيقية - العلاج الطبيعي - الصيدلة - التمريض - العلوم - الزراعة) |
 |
|
|
أدوات الموضوع | انواع عرض الموضوع |
|
|
|
#1
29-08-2010, 09:59 AM
|
|||
|
|||
ملتقى طلبه اولي طب 2011/2010
السلام عليكم ورحمه الله وبركاته
تحيه طيبه لهذا المنتدي الرائع وجميع القائمين عليه وفقهم الله لما يحبه ويرضاه وبعد انا محمود اولي طب المنيا ان شاء الله هذا العام 2010/2011 وقد قرات الكثير والكثير عن هذة الكليه الجميله وقد ذاد شوقي اليها بعد ما كانت بالنسبه لي اضغاث احلام لكن الحمد لله الذي رزقني اياها ولكن بعد ما سعدت بنعمه الله تحولت هذه السعادة الي قلق وتوتر وربما خوف لا تتعجبوا لماذا ؟؟؟ ساخبركم بعد قيل لي ان هذة الكليه صعبه وربما من اصعب الكليات وتحتاج الي جد وكد لا متناهي ((خاصه ونحن ما صدقنا اننا خلصنا ثانوي عام بعنائه وتعبه))قلقت كثيرا خاصه وبعدما قيل لي انها لا تعتمد علي الفهم مطلقا وانها حفظ في حفظ وعلي لسان احدهم ((تحفظهم صم وتدخل تكبهم في الامتحان)) وانا لا استطيع الحفظ الا بعدما افهم ورغم اني مرتفع الذكاء والفهم الا اني سئ الحفظ)) فقد قررت في انشاء هذا الموضوع لاخذ خبرات سابقة من حضراتكم اعزكم الله كما انها فرصه للتعرف علي طلبه اولي طب 2010/2011 لا طب المنيا فقط بل من جميع كليات الطب ((خاصه وانهم الطلبه وانا معهم الذين تعرضنا لهجوم شديد من الكل باننا الدفعه ((للاسف المتخلفه)) وكيف نثبت للكل اننا ليسوا كذلك وربما يخرج الله من بيننا علماء  لنتشاطر الافكار التي تدور ببالهم ولنتحدث عن استعداد كل منهم للكليه ومخاوفه ونتناقش حولها ويطرح كل منا اسألته واستفساراته وان شاء الله ربنا يرزقنا باحد الزملاء الاكبر ممن لديهم الخبره ليجيبوا عنها ونعرف طموحات كل منا واي تخصص يطمح اليه ولماذا ما هو سبب اختيارة وسأبدا بنفسي انا حقيقه لا اعرف اي تخصص اريده لكني متحير بين بعض التخصصات وهي الباطنه والاطفال والمخ والاعصاب والقلب والجراحه (بس شوفتوا انا قنوع ازاي) خصوصا وان هناك تخصصات انا بميل اليها جدا مثل المخ والاعصاب الا ان بعض الاطباء حذروني من ندرا مجال العمل فيهابصراحه محتار جدا (( والغريبه رغم ان هذا التخصص بعد عمر طويل اووووووووووي 7 سنين  الا اني شغوف جدا باختيارة من الان))وعن استفساراتي التي اتمني ان احد الاخوة الطيبين ان يجيبوني عليها هيا العلماء الاجانب ممن يدرسون الامراض الحديثه مثلا كانفلونزا الخنازير ويكتشفوا لها علاج وامصال وادوية ولاي امراض اخري هل ايضا يتخرجوا من كليه الطب وما هو الطريق لنصبح مثلهم ان شاء الله ؟؟ واما عن استعداداتي للكليه لاول مرة في حياتي كالعادة اشتريت لبس جديد كتير اووووي وموبايل جديد ولاب توب  ((ما هو طب يا اخونا ))وجهاز الضغط الالماني وسماعة امريكي مش فاكر اسمها فيه حروف التي والان كدا تيتان او حاجه زي كدا(( بالرغم من ان بائع شركه الادوات الطبيه قال لي -ما هي الاجهزة بتبقي اصليه لكن الدكتور بيبقي صيني-))؟؟!! ولم اعرف ارد عليه  وجهاز السكر علشان تكتمل العده كدا ما ناقص غير حاجه واحده المريض فين ؟؟؟ده انا كمان اتعلمت اشتغل ع الاجهزة دي ومسافر اشتغل في السعوديه ((ببطاقه الترشيح)) حد عاوز يجي معايا اللي عاوز يجيب بطاقه الترشيح فقط شكرا وجزاكم الله خيرا ونتمني مشاركتكم وتواصلكم شكرا وجزاكم الله خيرا 
|
|
#2
29-08-2010, 09:59 PM
|
|||
|
|||
|
أهلا وسهلا ً أخويا دكتور محمود أنا داخل سنة اولى ان شاء الله طب عين شمس
طبعا كلنا تعبنا في ثانوية عامة و عانينا عناء كبير جدا عشان نوصل لكلية الطلب .... اعذرني ... كذب من قال إن الطب كله حفظ ... بكل بساطة العقل البشري لا يستطيع أن يحفظ شيء وهو غريب عليه و غير مفهوم ..لذلك من قال لك ان دراسة الطب كلها حفظ فهو مخطئ ...... وعشان تطلع دكتور ناجح يبقى لازم تكون جايب تقدير حلو ولو انت عايز تجيب تقدير حلو يبقى لازم تذاكر صح .. والي قالك إنك هتحفظ وتكب في الامتحان ده غلطاان جدا حرااام .. ده انت دكتور .. يعني مفيش حاجة اسمها ثانوية عامة لما اخلص الامتحان يبقى خلاص انسي كل حاجة متعلقة بالمادة الي امتحنتها .. لالا ده معلومات هتستمر معانا طوال ايام حياتنا ...... ^^ الطب لعبة جميلة جدا وممتعة والله لو احنا شوفنها كدة هيا هتبقى كدة وطبعا ساعات هنتعب ونتوتر و تسود الدنيا في وشنا ونلاقي نفسنا مش فاهمين لكن بالهدوء و اخد راي الأكبر منا كل حاجة هتبقى تمام خالص ان شاء الله ..... ... كل الطلبة اولى الدراسة هيلاقوا نفسهم ضايعين وده شعور عادي وطبيعي كل الطلبة اتعرضوا ليه واحنا كمان هنتعرض له يعني مفيش قلق خالص .. والشعور ده ممكن يستمر لمدة شهر أو أكتر لكن بعد كدة هنلاقي نفسنا أحسن إن شاء الله ... بالنسبة لأننا الدفعة الفاضية و المتخلفة كما قيل عنا ... فاكبر دليل .. على اننا عكس ذلك هو ان هناك طلبة كثيرون دخلوا كليات قمة ... والحمد لله يعني الامر ده مفروغ منه وان شاء الله المتميز منا هيثبت نفسه للناس ........... بالنسبة للمواد الي هندرسها سنة اولى ان شاء الله : anatomy انتومي يعني تشريح histoligy هيستولوجي وده علم الانسجه physiology فيسيولوجي علم وظائف الأعضاء biochemistry بيو كميستري وده الكيمياء الحيوية و فيها كل التفاعلات الكيمياية الي بتحصل في الجسم و التركيب الكيميائي لمواد الجسم وكدة ... طبعا انت هتقولي انا جبت المعلومات ده منين ^^ أنا أخويا في سنة رابعة طب وهو قالي الكلام ده ..... ^^ نصيحة لوجه الله .. لا تستمع لقول أي شخص يقلقك او ما شابه ذلك توكل على الله ووان شاء الله ربنا يوفقنا ............ أنا نفسي بجد كل طلبة سنة اولى الي معانا يدخلوا هنا وكله يقول هو قلقان من ايه و كلنا نساعد بعض ^ __^ ويكون ده ملتقى لينا هنا والموضوع ده يتثبت عشان يكون امام عيون الكل .....
__________________
|
|
#3
30-08-2010, 10:56 AM
|
|||
|
|||
|
اقتباس:
ثانيا والله اللي قالي ان الطب حفظ جامد دول كذا واحد وفيهم دكاتره متخرجين وفيهم في 5 طب ما علينا ع فكره كمان مش كل حاجه المزاكره والتقديرات لان صدقني والله والله انا بن عمتي متخرج من طب من سنتين تقريبا وكان جايب تقدير عام جيد جدا وما كان بيعرف يركب محلول ومش هتصدق اتعلمه منين من ممرض كبير في السن الدكتور بيتعلم من الممرض كمان خالي والله قالي ان فيه دكتور مشهور اوي عندنا في المنيا وعيادته ماشاء الله مليانه ع الاخر وشاطر جدا وقال انه كان معاه في الدفعه وعلي لسانه ((كان ابلد الدفعه)) الطب برده العملي فيه مهم جدا مش كل حاجه نظري وحفظ ده ما يمنع برده ان المزاكره مهمه نصيحه كمان انا زمايلي الاكبر مني في طب قالولي لازم تجيب عظم لان كل حاجه بتشوفها قي المشرحه كتير لحد ما تزهق منها الا العظم بتشوفه مرة واحده وبيجي في الامتحان العملي في الاناتومي غالبا العظم علشان كدا ممكن تشتريه او تاجره من الكليه او لو عندك اخوك او اي حد كبير في طب ممكن تاخده منه المهم تجيب عظم ضروري وطبعا لازم تجيب فورسبس وعده تشريح انت اول ما تدخل الكليه هيقولولك كدا وممكن لو عاوز تجيب مش لازم جهاز ضغط وسماعه ان اجبتهم (فرحان بقي) (ههههههه ) وطبعا ما ننسي علامه الطب الرئيسيه ( البالطو الابيض )ربنا يارب يوفقنا جميعا ويعدي اول سنه علي خير شكرا علي مشاركتك ونتمني المزيد والمزيد من الكل
__________________
((كلا ان معي ربي سيهدين))
|
|
#5
30-08-2010, 11:10 AM
|
|||
|
|||
|
اقتباس:
فعلا انتوا نظامك جميل جدا وهوا علي ما اعتقد مطبق في جامعه قناه السويس والمنصوره شكرا علي مرورك الكريم وكل عام وانت بخير
__________________
((كلا ان معي ربي سيهدين))
|
|
#7
30-08-2010, 07:21 AM
|
|||
|
|||
|
اقتباس:
حضرتك انا في تانيه بشري اسماعيليه وبدرس بالنظام ده واقدر افيدك اولااا النظام ده بيطبق في العالم كله ...بالنسبه لمصر بيطبق في اسماعيليه بطريقه رائعه زي اي كليه بره مصر السنه دي بدأوا يطبقوه في اليكس ..مش عارف نجحو يطبقوه ولا لأ المهم ده نظام بيعتمد علي problem solving بمعني ان احنا معندناش كتب بنذاكر فيها ....الدكاتره عندنا مش بينزلوا كتب فيه حاجه اسمها classes كل كلاس 8 طلاب يوم الاربع كنا بناخد بروبلم ...ونتناقش فيها ونحاول نحلها ومعانا معيد ..دوره ان يدير الجلسه بس ومش بيدينا اي معلومات الا لو لقانا بنبعد.. المهم في الاخر بنحدد اهداف معينه نشتغل عليها عشان نحل المشكله طول الاسبوع بنحاول نجمع في الاهداف دي ..والكليه بتبقي منظمه الاسبوع حسب المشكله يعني هتلاقي محاضرات بتساعد في حل المشكله (بمعني انك لو غطيت الهدف اللي الدكتور هيتكلم عنه في المحاضره مش لازم تحضر ) وفي خلال الاسبوع بيبقي عندنا يوم في الوحدات الصحيه ..بنتوزع ..كل وحده 8 طلاب ..والدكاتره بتوع الوحده بيبقوا عارفين المشكله ..بيحاولوا يساعدوك ..يعني يوروك حالات ليها علاقه بالمشكله..ده غير معامل الكليه اللي بيبقي ليها علاقه بالمشكله بردو من الاخر تغطي اهدافك من اي مكان انت ترتاح ليه ..في ناس بتذاكر من كتب اجنبي (تيكست بوك) بس حد الله بيني وبينها يا جدع ساعات بشتري كتب مصري ..بفتحها احيانا وبعد كده بأسبوع بنروح الكلاس ونحل المشكله وكده يبقي تمام ..والمعيد يقيم شغل كل واحد في الاسبوع كل بلوك بيبقي خمس مشاكل ...مثلا زي بلوك الاطفال ..بيبقي 5 اسابيع وبلوك المراهقه وكده يعني والمشكله بيبقي فيها كل المواد ..يعني بندرس حاجه واحده من وجهه نظر جميع المواد ..يعني كل المواد ماشيه مع بعضها مش كل حاجه لوحدها وفيه كل اسبوعين حاجه في الكليه اسمها معمل مهارات ..بتتعلم كل مره مهاره جديده ...زي قياس الضغط والحقن وhearing test و cpr والامتحان بيبقي علي هيئه مشاكل يعني بنمتحن كل المواد في ورقه واحده ...بمعني ان لكل بلوك امتحان وعلي فكره معندناش كورسات لأن صعب اوي عشان النظام بتاعنا غير عندكو اللي هو نظام عادي ..كتب ومواد وكده وامتحانات لوحدها لكل ماده
|
|
#8
30-08-2010, 11:09 AM
|
|||
|
|||
|
اقتباس:
مبروك علينا جميعا شكرا علي مرورك ونتمني مشاركتك دائما
__________________
((كلا ان معي ربي سيهدين))
|
|
#9
30-08-2010, 05:16 PM
|
||||
|
||||
|
السلام عليكمم ورحمة الله وبركاتة
يا دكاترة لو سمحت حد يقولى الجامعات هتبدأ امتة
__________________
طب اية اللى انت جاى تقول عليية..!! انت عارف قبله معنى الطب اية..!!  
|
|
#11
31-08-2010, 10:57 AM
|
|||
|
|||
|
اقتباس:
الدراسه في جميع الجامعات والمدارس السبت 18/9 ان شاء الله وفقنا الله واياكم لما يحبه ويرضاه
__________________
((كلا ان معي ربي سيهدين))
|
|
#12
30-08-2010, 06:39 PM
|
|||
|
|||
|
السلام عليكم
اهلا بكم يا دكترة اليوم وعلماء المستقبل ان نتيجة تنسيقي لسا مظهرتش لاني من المغتربي...ادعولي اني ادخل طب وانضم ليكم وبهنيكم على دخولكم كلية الطب وعقبالي ياااارب انا كنت عايزا اسال عن حكاية الامركان سيستم ده ...صراحه انا اول مره اسمع عنه بس شكله جميل ..زلاني برده مش بحب الحفظ خالص عيزا اعرف هوا موجوده في كلية قناة السويس بس ولا ايه؟؟؟ وده ادخله ازاي؟؟ لازم شروط معينه ولا عادي...؟؟ ربنا يوفقكم يارب
|
|
#13
30-08-2010, 07:23 PM
|
|||
|
|||
|
اقتباس:
وطب المنصوره نظام عادي زي اي كليه في مصر ...هما بس عندهم حاجه اسمها طب مانشستر وده قسم خاص يعني بيدفعوا مصاريف فيه وبيبقي اختياري مش اجباري اقتباس:
|
|
#14
31-08-2010, 11:00 AM
|
|||
|
|||
|
اقتباس:
ومين سمعك انا اكره الحفظ موووت اما بالنسه للامريكان سيستم نظام حلو جدا واظن الدكتوره افادتك وفقك الله لما يحبه ويرضاه
__________________
((كلا ان معي ربي سيهدين))
|
|
#15
30-08-2010, 10:15 PM
|
|||
|
|||
|
احنا الدراسة هتبدا عندنا 18 - 9 .. واول اسبوع هيكون تمهيدي .. يعني هيعرفونا على كل حاجة وايه هو النظام وكدة يعني ده طبعا في طب عين شمس وجدولنا نزل وانا نزلته في مشاركة هنا ..... ....
_________________________________- أخويا : magic sword طبعا العملي ده أهم حاجة ولازم طالب الطب انه مش يلتزم بمنهج أو كتاب .. ع فكرة انا الحمد لله بقيت ادي حقن واتعلمت ازاي بيركبوا الكانيولا .... و لازم الواحد منا يعمل الحاجة بإيده عشان النظري ده لا يسوى شيء بدون العملي ^^ الحمد لله انا عندي السكيليتون كامل .. ( طبعا بتاع اخويا ) وعندي جهاز الضغط والبالطو ^__^ ..... وكل الي ناقص اني ادخل الكلية بقا ^^ أهلا بيكم كلكم في الموضوع ده وعايزين ناس أكتر تدخل هنا وتتفاعل .... وليا رجاء نفسي بجد المنتدي بتاع طب بشري إنه يكون فعال ومش ميت لان هنا الواحد بيعمل مشاركة وممكن يدخل بعد اسبوعين ومش يلاقي ولا حتى مشاهدة واحدة للموضوع ^^
__________________
|
|
| العلامات المرجعية |
«
الموضوع السابق
|
الموضوع التالي
»
| أدوات الموضوع | |
| انواع عرض الموضوع | |
العرض المتطور
|
|
جميع الأوقات بتوقيت GMT +2. الساعة الآن 10:56 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
