يسرىالجمل يجمع متعلقاته استعدادا لمغادرة الوزارة

[توفيق رفعت عجيز]

"إداريو التعليم" يشكرون مبارك على التغيير

يسرىالجمل يجمع متعلقاته استعدادا لمغادرة الوزارة

الأحد، 3 يناير 2010 - 16:32

د.يسرى الجمل، وزير التعليم السابق
كتب حاتم سالم
أرسلت لجنة الدفاع عن حقوق الإداريين رسائل تهنئة، تشكر فيها الرئيس مبارك على إقالة د.يسرى الجمل من منصب وزير التعليم، وتعيين وزير جديد بدلاً منه، واصفين "الجمل" بأنه "عقبة" أمام حصولهم على بدل الكادر.

وعقد وزير التعليم السابق اجتماعا مع سفيرى سلطنة عمان وأيرلندا لدى القاهرة بمكتبه بالرغم من صدور قرار بإقالته، نظرا لتواجد الوزير الجديد د.أحمد زكى بدر بالأراضى السعودية فى مهمة عمل.

فيما سيطرت حالة من الذهول على جميع الموظفين والقيادات فور علمهم بالقرار وأجمعوا على أن الوزير يسرى الجمل الوزير السابق كان مهذباً ودمث الخلق، وأبدوا أسفهم على رحيله فى الوقت الذى كان العاملون بمكتب الوزير السابق يجمعون كل متعلقاته داخل كراتين وحقائب وسط توافد رؤساء القطاعات وخبراء الوزارة عليه لوداعه قبل لحظات من تركه مكتبه.

من جهته أكد د.رضا أبو سريع أن المرحلة لأولى من تطعيمات المدارس وامتحانات منتصف العام بسنوات النقل لن تتأثر بالتعديل الوزارى، مؤكداً لليوم السابع أن كل الخطط العاجلة قصيرة المدى سيستمر تنفيذها بشكل طبيعى حرصاً على مستقبل الطلاب والامتحانات تبدأ فى موعدها المحدد مسبقاً".

فيما رفض عدد من المسئولين البارزين فى الوزارة التعليق كما رفضوا الربط بين رحيله من المنصب وحصوله على المصل.

http://www.youm7.com/News.asp?NewsID=173548

[MOHSEN1960]

اللهم لا شماته
وزير يمسح الحمام
ووزير ياخد المصل
يبقى اللى جاى ها يعمل ايه ؟؟؟؟؟؟؟؟

[النعم]

لاحول ولاقوة الابالله - - - ربنا يستر من الا يام القادمة - - - ياريت اللى جاى يكون افضل من اللى راح

[احمد حسن كشك]

السبت، ٣ نوفمبر، ٢٠٠٧

تاريخ أحمد زكي بدر ....ملئ بالكوسة

أحمد زكي بدر كذاب في أصل وشه

أثناء كلام الدكتور أحمد زكي بدر بالطلاب أمام قصر الزعفران خرج علينا أحمد زكي سنجة " كما يسميه طلاب الجامعة الان " لينكر ما حدث و أنه لم يتم شطب للطلاب اساسا و يبدو أن الدكتور نسي كلامه في برنامج لميس الحديدى " اتكلم" و كانت مستضيفة د/احمد زكى بدر رئيس جامعه عين شمس ورئيس تحرير جريده القاهرة و كان الحوار بيدور ان الانتخابات اتحاد الطلاب دارت فى اطار من الشرعيه و المساواه ان في طلاب غير مستوفين الشروط وهم 81 "طالب " يعني فيه ناس أتشطبوا يا دكتور يبقي بتنكر ليه

*****************************
كوسة في التعيين من الأول

أحمد زكي بدر لم يكن الاول علي دفعته حتي يتعين معيدا و لكنها الكوسة التي تتدخل عند اللزوم فالطالب أحمد زكي بدر كان الـــ23 علي الدفعة و إكراما للست كوســـــة " اللي سنداه وواقفة جنبه " تم تعيين 23 طالب الاوائل علي الدفعة دي عشان يتعين هو .....تخيلوا الكوسة وصلت لفين !!!!!!!؟
و طبعا طالما رئيس جامعة وصل بالطريقة دي عايزينه يعمل ايه لما يوصل ....طبعا لازم يكرم الست كوسة اللي وصلته و يقعدها جنبه علي الكرسي عشان " هما حبوا بعض

تاريخ أسود و مهبب لوالد أحمد زكي بدر
زكي بدر " أشهر وزير داخلية

ووفقا لجريدة الشعب الصادرة في 9 يناير 1990 فإن زكي بدر قد تطاول بالسب والقذف بألفاظ تخدش الحياء على كل القيادات السياسية والمعارضة والصحفية وغيرهم وذلك في المؤتمر الذي عقده في مدينة بنها.. وقد نشرت الجريدة نص الشتائم والألفاظ القبيحة والمتدنية التي أطلقها الوزير في حق جماعة الإخوان المسلمين ومرشدهم المرحوم الشيخ حسن البنا وابنه سيف الإسلام والمستشار مأمون الهضيبي وكذلك زعماء المعارضة إبراهيم شكري.. ومحمد حلمي مراد.. خالد محي الدين.. والصحفيين أحمد بهاء الدين ود. محمد السيد سعيد، ويوسف إدريس، وكذلك بعض قيادات المنظمة المصرية لحقوق الإنسان، والمرحوم فتحي رضوان وآخرين وأبرزت الجريدة قول الوزير السابق إنه يسعى لقتل 530 ألف مصري وإنه أصدر أوامره للعمد والمشايخ والخفراء بقتل ودفن كل من له لحية أو يرتدي جلبابا ..أبيض ...تخيلوا سفاح أزاي !!!!؟

ووفقا لجريدة الأهالي فإن الوزير السابق قد وجه السباب إلى زملائه الوزراء في لقائه بالضباط في المعهد الدبلوماسي وخص بالسباب كلا من عاطف صدقي رئيس الوزراء.. يوسف والي أمين عام الحزب الوطني.. صفوت الشريف وزير الإعلام.. حسب الله الكفراوي.. محمد عبد الوهاب.. يسري مصطفى.. محمد الرزاز.. وفاروق حسني وزير الثقافة، ثم هاجم بنفس الألفاظ كمال حسن علي رئيس الوزراء الأسبق، والدكتور عبد الرازق عبد المجيد، والدكتور مصطفى السعيد وزيري الاقتصاد السابقين، وأشار الوزير بألفاظ نابية للدكتور محمد علي محجوب وزير الأوقاف وغالبية المحافظين، وتراوحت ألفاظ الوزير السابق بين «دلاديل» - «الأهبل» - «الشواذ جنسيا» «الحرامية» «الشيوعيين» «النصابين» «المهربين» الذين يقبضون العمولات.. إلخ.

يعني الراجل مش راحم لا وزراء حكوميين و لا معارضة .....فعلا تاريخ أسود

كل الجامعة موظفين و طلبة تكره أحمد زكي بدر
اسأل اى حد دلوقتى فى جامعه عين شمس .. طلبه او موظفين او حتى اعضاء هيئه تدريس سؤال واحد .. مين مش بيكره د/ احمد زكى بدر؟!! ... مش هتلاقى حد حتى لو سألتم د/ احمد زكى بدر شخصيا لانه واضح بتصرفاته انه بيكره نفسه


من شبه أباه فما ظلم !!!

كان زكي بدر أشهر وزير للداخلية و لسانه متبري منه ..." و هكذا خرج لنا أحمد زكي بدر " من هذا المنبع اللي الناس فيه زوق زوق زوق الصراحة .....فقد كان زكي بدر أشهر وزير للداخلية و كان عهده عهد أعتقال و تجبر و سطوة أمنية و كان يكره بشدة كل ملتحي وكذلك كل واحد بيصلى و وتنسب له مقولة (اى واحد بذقن وجلبية اضربوه بالنار ............ ) وبالتالى العقدة اللى عايش فيها ابو حميد ذكى بدر عرفنا بعض اسبابها
و يفضل أحمد زكي سنجة " و هذا اللقب الذي أطلقه عليه الطلاب بعد حادث البلطجة بالجامعة عامين متتالين و كأنها صدف " يعني أشمعني لما اتعين البلطجية ظهروا " .....و يحب أحمد زكي التعامل بنفس طريقة ابوه في الوزارة فعمل علي نقل ضباط الحرس و الاكثار منهم بالجامعة و أدخال البلطجية لحمايته و علي رأي المثل من شبه أباه فما ظلم


هل يفعلها الرئيس مبارك

لم يكن أحمد زكي بدر معينا لكفاءته و لكنه معين بقرارا رئيس جمهورية .....و هكذا كان أبوه " زكي بدر " ..و لكن نظرا لأن الشعب قد كره أباه جراء ما فعله بالناس من انتهاكات و ****** و قتل و تشريد فقد كان ذلك دافعا قويا لأن يصدر الرئيس مبارك قرارا تاريخيا بإقالة زكي بدر وزير الداخلية الذي جثم علي أنفاس الشعب المصري طوال 3 سنوات و11 شهرا، واستقبلت الجماهير المصرية قرار طرد زكي بدر بفرحة غامرة ...و ها هي الايام تعيد نفسها و علي رأي المثل " اقلب القدرة علي فمها يطلع الواد لأبوه " فها هي جامعة عين شمس منذ تولي أحمد زكي سنجة رئيسا لها و هي تشهد أعمال بلطجة و قنابل مولوتوف و ساحات للقتال و الضرب و أصبح أحمد زكي بدر رمزا مكروها من الجميع فهل يفعلها الرئيس مبارك و يخرج قرارا بأقالته و يقف بجانب الطلاب
أم سننتظر حتي يفوت الوقت و نسمع عن قتلي و جرحي في جامعة عين شمس بعد أن تخرج فضيحتنا علي الفضائيات .

مرسلة بواسطة دعبس في ٥:٢١ ص




21 التعليقات:


غير معرف يقول... كوسة كوسة
أكيد هو واحد زي ده لازم يبقي وراه كوسة برده
٣ نوفمبر، ٢٠٠٧ ٦:٣٨ ص
العاقل يقول... احمد ذكي بدر كان يسبقني بعام دراسي وكان مستواه علميا ضعيف بصينا بقدرة قادر اتعين معيد كيف حصل هذا ؟
٣ أبريل، ٢٠٠٨ ٤:٣٩ م
غير معرف يقول... احمد زكى بدر مش مهتم الا بالحفلات وهامل التعليم انا انتردت قيل لما ادخل المكتبه علشان الهوات بيفطروا ويشربوا شاى
١ يوليو، ٢٠٠٨ ١١:٥١ ص
غير معرف يقول... عندما يعامل عضو هيئة التدريس كمشبوه فى امن الدوله ...
التدخل الامنى الهائل فى جامعات مصر و الذى تعدى القبض على طلبة المحظوره وتعذيبهم داخل الحرم الجامعى وادخال المشبوهين والمخبرين فى ثياب مدنى للتحرش بالطالبات المنتميات للمحظوره و التوصيه على ولاد اللواءات ... كان احتكاكى الاول بهم فى اول سنه استلمت مدرس. لم يحضر ابن اللواء الامتحان الشفوى ... وجدته قادم بعدها بيومين يقول لى كان عندى ظروف وعيد الامتحان ... سالته ما هى الظروف ... المهم لقيت نفسى عند رئيس الحرس الاول بالاحضان وده ابننا لاخر اللقاء احنا اللى بنجح ونسقط وانت دكتور طرطور...ده رئيس الامن ... كان رئيس الدوله استكتر علينا التهزييء مره فى موسم الامتحانات اواذا زعلنا ابن اللواء... فاحضراللواء امن الدوله رئيس جامعة عين شمس و الذى يحيط نفسه بالشرطه وحرس الجامعه كانوا داخل قسم شرطه وليس جامعه علميه ... سعادة الباشا يعاملك كانك متهم مقبوض عليك وليس عضو تدريس المفروض محترم ... كيف نستنجد بمبارك وهو اللى جاب هذا الدكتور المحترم للجامعه اللى كانت محترمه ... الحل هو الخلع او الخلع مع تغيير التشكيل قبل مالاقى نفسى عريان بلبوص فى امن الدوله علشان سالت ابن اللواء سؤال فى المنهج ومعجبوش... واسفاه
٣٠ مارس، ٢٠٠٩ ١:٥٣ م
غير معرف يقول... دة كمان بيحارب الأساتذة العلماء

تخيلوا اوقف عن العمل الأستاذ محمد بدوى عبد الناصر أحد علماء مصر فى علم الأمراض الجلدية بتهمة ـاخرة عن أمتحان اعمال السنة و ذلك حتى تتبسط زوجتة الأستاذة فى نفس التخصص. من الواضح انة مش همة حد و يستخدم السياسة لاغراضة الشخصية و تنفيذ اوامر المدام. عرفتوا لية ترتيب جامعة عين شمس بدون ترتيب.
١٠ ديسمبر، ٢٠٠٩ ٢:٢٢ ص
غير معرف يقول... دة كمان بيحارب الأساتذة العلماء

تخيلوا اوقف عن العمل الأستاذ محمد بدوى عبد الناصر أحد علماء مصر فى علم الأمراض الجلدية بتهمة ـاخرة عن أمتحان اعمال السنة و ذلك حتى تتبسط زوجتة الأستاذة فى نفس التخصص. من الواضح انة مش همة حد و يستخدم السياسة لاغراضة الشخصية و تنفيذ اوامر المدام. عرفتوا لية ترتيب جامعة عين شمس بدون ترتيب.
١٠ ديسمبر، ٢٠٠٩ ٢:٢٩ ص
غير معرف يقول... للأسف اليوم تم تعيين السيد أحمد زكى بدر وزيرا للتربية والتعليم.
لى عتاب على الأب السيد حستى مبارك . ليه بعد كل الفضايح بتاعته دى عينته وزير للتربية ؟ والتعليم؟
ما اعرفش السيد رئيس الجمهورية يقصد بها إيه؟ وأى رسالة يريد توجيهها لنا بهذا التعيين؟؟؟؟
٣ يناير، ٢٠١٠ ٤:٣٩ ص
غير معرف يقول... اهو الريس استجاب لك و شاله من الجامعة
بس ركبه على وزارة التعليم
بنحبك يا ريس!!
٣ يناير، ٢٠١٠ ٩:٣٥ ص
غير معرف يقول... أضحكني تعليق الأخ الذي يصف وش النحس بالأب . يا أخي ده لو جابوا شارون ولا بيجين اللى كانوا بيدبحوا الأطفال الرضع و مسكوهم البلد دي مش حيعملوا أبشع من اللى عمله بابا زفت . بعد إختيار هذا المخبر لوزارة التعليم تبين بالدليل القاطع مدى كراهية " مناحس " لمصر و رغبته في تدميرها . لا عجب بعد اليوم فقد طاب الضراب و بان من هو عدو الشعب
٣ يناير، ٢٠١٠ ١٠:٠٨ ص
غير معرف يقول... مش عاجبكم رئيس جامعه اهو بقه وزير
٣ يناير، ٢٠١٠ ١١:٤٦ ص
EHAB يقول... حسبي الله ونعم الوكيل فيك يا ......

بقي دا حيبقي مسؤول عن التعليم في مصر

لاإله إلا الله

شكلها كده بداية النهايه
٣ يناير، ٢٠١٠ ١٢:٠٠ م
غير معرف يقول... هههههههههه اهو بقا وزير
مش عارف ليه افتكرت فيلم القاهره 30 ؟! يمكن عشان مش بحب سعاد حسني
٣ يناير، ٢٠١٠ ١٢:١٧ م
غير معرف يقول... حسبنا الله و نعم الوكيل
٣ يناير، ٢٠١٠ ١٢:٣٠ م
غير معرف يقول... أهو بابا حسنى الحونين عمل البرئ إبن المحترم وزير على العيال يا ولداه علشان يوريهم شغل أمنا الغولة تأطئى الفولة ... روح الله ينتقم منك يا عوكل
٣ يناير، ٢٠١٠ ٢:٠١ م
غير معرف يقول... والله يا اخوانا انا مش قادرة ابطل ضحك من ساعة ما عرفت هذا الخبر الغريب..... ابوه كان بيكهرب المساجين و المشبوههين.....و هو هيكهرب 70 مليون مواطن على الاقل.....و سمعنى سلام ايها الراقدون تحت التراب....و ابقوا كلكوا تفوا على تربتى ان حال البلد دى انصلح!!!
٣ يناير، ٢٠١٠ ٢:٣٢ م
غير معرف يقول... وبكده كملت مسيرة انهيار التعليم كخيار قومى .. راحت عليكى يا مصر ..
٣ يناير، ٢٠١٠ ٤:١١ م
غير معرف يقول... التوريث قادم لا محاله .. ابن الوزير يبقى وزير .. ابن وزير الداخليه بقى وزير تعليم وابن رئيس الوزراء فؤاد محى الدين بقى وزير وابن بطرس غالى بقى وزير واشمعنى رئيس الجمهوريه لازم ابنه يبقى رئيس.........دى مش دوله ولا حكومه .. احنا بنتخلص من الماضى و ندفن كل ذكرياته ليه بتفكونا و تعيدونا لمرحله الصفر من جديد..
كنا عايزين دم جديد بجينات مختلفه ؟ فاين الجديد ؟؟؟؟
راحت مصر ضحيه عصابه تدعى انها حكومه.
٣ يناير، ٢٠١٠ ٤:٢٢ م
غير معرف يقول... هما بيعملوا توكيلات البرادعي ازاي ؟؟؟
٣ يناير، ٢٠١٠ ٩:٥٣ م
غير معرف يقول... أبشرواياجامعة عين شمس لأن المصيبة حتعم على مصر كلها..
ولكم الله يا طلاب مصر ووداعا يا تعليم مصر..

وكمان حاتم الجبلي ابوه كان وزير الزراعة في مسلسل التوريث..
٣ يناير، ٢٠١٠ ١٠:٥٠ م
غير معرف يقول... انتوا كنتوا عايزينة يقيلة من الجامعة اهو خلاه وزير التربية والتعليم كلها ........ربنا يسترها معانا ونشوف هايهبب اية تانى ....ربنا يولع فيهم كلهم ونخلص بقى
٤ يناير، ٢٠١٠ ١٢:٥١ ص
غير معرف يقول... والله انا كنت ضد الرادعى بس بالشكل دة مبارك بيخرف وعايز يخرب البلد اكتر ما هى حرام عليك والله يا راجل عايزها تبوظ اكتر من كدة اية دة احنا ماشيين بالعافية .....ربنا يرحمنا احنا فى اخر الزمن والله بكرة يطلع قرار ان مفيش محجبات يدخلوا متحانات مش المنقبات بقى ....هما عايزينا كدة مش عايزين ولا مسلمة تعرف دينها تتقدم وتبقى حاجة كويسة....حسبى الله ونعم الوكيل
٤ يناير، ٢٠١٠ ١٢:٥٥ ص إرسال تعليق
روابط هذه الرسالة

احمد وزكى بدر.. هذا الشبل وذاك الاسد حصل الدكتور أحمد زكي بدر في استفتاء عام بمؤتمر القاهرة الدولي المنعقد منذ ايام علي لقب اسوأ رئيس جامعة من بين 17 جامعة مصرية وهذا نتيجة لما تشهده الجامعة من تردي للأوضاع منذ أن تم تعينه رئيسا لها. ويفتخر الرئيس الحالى لجامعة عين شمس ... مرسلة بواسطةتعذيب في٣ أبريل، ٢٠٠٨ ١٠:٣١ ص
إنشاء رابط




رسالة أحدث رسالة أقدم الصفحة الرئيسية

الاشتراك في: تعليقات الرسالة (Atom)










أنشروها











مش هأعيش يا بلادي إلا بين عيون بتخاف عليكي





جيل العزة و الحرية ...قادم





مدونات صديقة


مدونة رابطة حقي



أحداث جامعة عين شمس 2006 الجزء الاول





أحداث البلطجة عام بجامعة عين شمس 2006 الجزء الثاني





أحداث البلطجة عام 2006 الجزء الثالث





انشروها

[IMG]http://bp0.blogger.com/_ktfKICDrX8w/Rw_***xvoiI/AAAAAAAAAP0/FnV0hvDpfRs/S240/77.jpg[/IMG]

[ابراهيم حافظ]

يارب أستر حاجة تخوف............................

[أمجد حلواني 9]

سبحان من له الدوام

[توفيق رفعت عجيز]

يا جماعة علينا ان نتفائل خير

[BaNZeR]

التغيير في حد ذاته مفيد طبعاً

كفاية إننا مع يسري الجمل يطلع يقولك يعد بكره اجازة
وبكره بالليل يقولك خلاص دراسة

حنطبق الكادر
وبعد شوية يقولك بقت 10% على معرفش ايه

يقولك التطعيم اجباري على كل الطلبة
وبعد شوية يقولك خلاص اختياري

والتطعيم حيبقى لطلاب المدارس الحكومية فقط
وبعدين يقولك خلاص ومعاها التطعيم

ده مش حنتكلم في محتوى القرارات دي وفحواها كمان

فأيا كان اللى بعده حيبقى اوحش ولا أحسن
بس في اللحظة دي اعتقد التغيير مطلوب

[السيد صابر]

يااااااااااااااااااااارب

انت عالم بالحال وغني عن السؤال

[توفيق رفعت عجيز]

كلنا بنقول معاك يا استاذ السيد صابر
يار رب

[اشرف المصرى]

استاذ توفيق
لا تستبشر خيرا بالوزير الجديد فموضوع الاداريين منتهى بقرار من مجلس الدوله والجهاز المركزى للتنظيم والادارة
والحل فى كادر خاص لهم اشبه بكادر المعلم
ولان الوزير الجديد معروف عنه الشدة والقسوة
فلا اعتقد ان الاداريين هينالوا حاجة منه
وانا اصلا اعتقد انه جاى علشان يخلص عالمشكله من جذورها بدون اضرابات او اعتصامات
هيعتقلهم وخلاص ههههههه

[توفيق رفعت عجيز]

المشاركة الأصلية كتبت بواسطة اشرف المصرى

استاذ توفيق
لا تستبشر خيرا بالوزير الجديد فموضوع الاداريين منتهى بقرار من مجلس الدوله والجهاز المركزى للتنظيم والادارة
والحل فى كادر خاص لهم اشبه بكادر المعلم
ولان الوزير الجديد معروف عنه الشدة والقسوة
فلا اعتقد ان الاداريين هينالوا حاجة منه
وانا اصلا اعتقد انه جاى علشان يخلص عالمشكله من جذورها بدون اضرابات او اعتصامات
هيعتقلهم وخلاص ههههههه

علي خلفية تعليق حضرتك ذات مرة قيل لاعرابية زوجك مات في الحرب فقالت والله ما فرحت بزواجة ولا حزنت بموته فهكذا نحن لن نفرح بوزير ولن نحزن علي وزير كلهم مثل بعضهم ووزارة التربية والتعليم معروف عنها التفريق من زمان وعموما الارزاق بيد الله ولا حتي 100% تعمل حاجة البركة من الله