|
||||||
| كليات المجموعة العلمية (الطب البشري - طب الأسنان - الطب البيطري - العلوم الطبية التطبيقية - العلاج الطبيعي - الصيدلة - التمريض - العلوم - الزراعة) |
 |
|
|
أدوات الموضوع | انواع عرض الموضوع |
|
|
|
#1
03-10-2009, 05:11 PM
|
||||
|
||||
يوميات بيطراوي ......بقلم احمد الهواري
انا قريت كام حلقه من اليوميت دي وعجبتني جدااا بجد
هو كاتب اليوميات دكتور احمد الهواري طالب في بيطري القاهره الفرقه الرابعه تقريبا وانا شفتها ع الفيس بوك علي جروب كده وقلت اجيبهالكم تقروها معايا هجيبلكو كل يوم حلقه ان شاء الله الحلقه الاولي كريم وشهرته كيمو طالب زكي ومحترم بس شقي وعنيه زايغه شويه بتاع اشتغالات اصحابه بيحبوه وبيحبهم ملوش شله معينه .. يعنى .. بتاع طنطيط هنا وهناك ومع دول شويه وهناك شوية واهي بتتقضا .. بيموت في حاجه اسمها التهريج وانه يعرف بنات جديده .. عشان كده ربنا كرمه من اوسع ابواابه ودخله كليه طب بيطري  الواد رضي بالي ربنا قسمهولوا وقال توكلنا علي الله وقضي الخمس سنين واهو يتخرج والسلااااااام....... ...كريم خلص الثانويه بسرعه محسش بيها .. أصله كان بيقضي ايامه فيها علي.. اذاعه القراءن شويه .. ونجوم اف ام شويتين.. ومكنش بيذاكر كتير اخره يحل امتحانات ويركز في اجابتها ... ! المهم انه كان زي اي شاب دماغه في الجامعه والبنات والشلل والرحلات والدنيا الي مش بتخلص دى .. !! الميزه في الواد كريم انه كان بيذاكر بمزاجه فكان لما يقعد ساعه بنفس كانه قعد 15 ساعه مذاكره ..ومكنش بيروح المدرسه الا عشان يفطر ويقعد مع اصحابه أويشربله سيجاره ولا حاجه ..  الثانويه خلصت بدروسها .. بسلاطاتها .. ببابا غانوجها .. علي راي دبور ... ومجموعه صفى في الاخر علي 95.2% ... وفرح اوي وقال الحمد لله أصل ساعتها الامتحانات كانت صعبه فكان كله متاكد ان التنسيق هينزل في السنه دي.. وقال انا راشق في صيدله مرتاح ... بس القدر هنا لعب لعبته !! ووزير التربيه والتعليم ضحك علي كل الناس .. وعلي الجرايد .. والتليفزيون وكل الدنيا .. والتنسيق منزلش ... وررشق كيمو في كليه الطب البيطري جامعه القاهرة كيمو مكنش في دماغه بقا.. اهي اي كليه والسلام .. وتكون برا المحافظه الي كان منها.. ان شا الله تكون في الهند.. بلد التكاتك ..عارفين التوكتوك ولا لأ .. الكشف الطبي.. بدا وكيمو نزل البندر ( القاهره يعني ) طبعا اخد انتيمو معاه عشان يتفسحوا شويه .. وبشوفوا الدنيا .. ويتكلمو علي شارع الهرم شويه.. عشان يبقوا يحكوا لصحابهم اللي في محافظته ( شوف سبحان الله يا أخى المحافظه الي منها اصلا ..كانت وجه بحري فكان فيها خير يعني مش عارف ليه جي يبص في شارع الهرم ) المهم نزل الكشف الطبي وراح مستشفي الجامعه لقي نااااااااس كتيييييييير محدش عارف حد ولا حد عارف حاجه .......... دخل كيمو بجنتله علي انسان بشري وقاله .. الكشف الطبي فين لو سمحت ؟ قال .. معرفش حاجه في المكان الزفت ده !! بصله كريم ( بصه الي هيا الواحد بيبتسم بس سنانه باينه تحسس ان اللي ادامك اهبل ) قاله طيب شكرا فرد عليه وساله انت طب بيطري ؟؟ فسرح كريم للحظه كده ...وقال في باله احنا هنبتدي غباء ولا ايه .... اومال انا بساله ليه يعنى .. !! المهم.. ضحكله ضحكه الغباء... وقال: اه يا ( .... ) قاله: عمرو اسمي عمرو فرد كريم: اهلا يا مان وانا كريم المهم مشيوا مع بعض عشان يسالوا أي حد... لقيوا بتاع بنتين وتلات ولاد ... بيقولوهم في صوت واحد اهلا بيكم في الكليه احنا سنه تانيه وجايين نقولكم ايه النظام في الكليه ... ( في خيال كريم... بيقول اششششطه اهي بدات تندع وجم كام بنت اهو وانا لسه مدخلتش الكليه شكلي هبقا هارون الرشيد يا معلم وطار من الفرح ) ولحسن حظه كانت البنات مقبوله ولبسهم مقبول ( انثي يعني ) بابتسامه امل كريم سال بنت من البنتين .. انتي سنه تانيه ؟؟ فنط عمرو في الكلام بسرعه ( ماهو كان قرد بردوا ) :: ياعم ماهو قالولك كلهم سنه تانيه ( وبص للبنت قال ايه الواد جامد وبتاع ) وقلها معلش اصله مستجد فبصله كيمو وقاله .. بجديه .. ماشي يا عم المخضرم ضحكت البنات ضحكه لذيذه ...ومن هنا بدات صداقه عمرو وكريم بحكم التهريج الي مكنوش مجهزين ليه ده ... راحت بنت اتكلمت باسلوب رقيق في نوع من الوجاهه اهلا بيكم يا جماعه في كليه الطب البيطري اسمي بسنت في اللجنه الفنيه وجايين النهارده عشان نستقبلكم ونقولكم هتعملوا ايه في الكشف الطبي ... فنط عمرو _ كالعاده بابتسامه عريضه .. وقال .. ................... . بقولكوا ايه .. ما تيجوا نكمل الحلقه الجايه ان شاء الله ..
__________________
Veterinarian and proud to be so Veteriner ve gurur kadar olmak Vétérinaire et fier de l'être Veterinario e fieri di esserlo
|
|
#2
03-10-2009, 05:25 PM
|
||||
|
||||
ههههههههه
لذيذة الحكاية دي  وهو والحمد لله مقضيها تنفيض ومش فارقة معاه  ...... بس في حاجة انا مش مصدقاها في الموضوع دا ازاى جاب 95 %
__________________
 يوجد دائما ً من هو اشقى منك ....... فابتسم
|
|
#3
03-10-2009, 05:35 PM
|
||||
|
||||
|
اقتباس:
نورتي التوبيك يا بنوته
موضوع 95 بقي هو ممكن يكون كاتب اليوميات علي اساس السنه اللي احنا دخلنا فيها لان اليوميات مكتوبه ع الفيس اغسطس 2009 اعتقد كده يعني
__________________
Veterinarian and proud to be so Veteriner ve gurur kadar olmak Vétérinaire et fier de l'être Veterinario e fieri di esserlo
|
|
#4
03-10-2009, 05:42 PM
|
||||
|
||||
اقتباس:
يلا يمكن هو برضو عمل الي عليه مش هنظلمه هههههههه
__________________
يوجد دائما ً من هو اشقى منك ....... فابتسم
|
|
#5
03-10-2009, 05:48 PM
|
||||
|
||||
|
اقتباس:
لا فعلا هو زي ماقلتلك كده
لاني عرفت انه لسه بيكمل اليوميات دي حتي يعني هو عاملها علي اساس السنه اللي دخلنا فيها احنا الكليه بس بج هتعجبكو اوي ان شاء الله 
__________________
Veterinarian and proud to be so Veteriner ve gurur kadar olmak Vétérinaire et fier de l'être Veterinario e fieri di esserlo
|
|
#7
04-10-2009, 01:32 PM
|
||||
|
||||
دكتورة سمراء ممكن اعرف اسمك لوو سمحتي لان عندي واحدة صاحبتي جالها بيطرى بنها
 مش يمكن نطلع صحاب ........ هو اكيد لو مطلعناش احنا صح اكيد يعني
__________________
يوجد دائما ً من هو اشقى منك ....... فابتسم
|
|
#8
05-10-2009, 11:15 PM
|
||||
|
||||
|
دي الحلقه التانيه يا شباب
انا استأذنت من د.احمد وهو رحب اني اكمل نقل اليوميات انا عارفه اني اتأخرت عليكو بس كنت مستنيه رده ع الفيس يعني اليكم بالحلقه الثانيه .... فنط عمرو كالعاده بابتسامه عريضه .. وقالها .. ليه هوا احنا جايين من السف وهنا المطار ولا ايه .. وضحك لوحدوا والبنت ابتسمت عشان مش تكسفه ( بيحط نفسه فى مواقف بااااااااااااااااايخة ) .... فكريم لحق الحوار وقاله ...ماتهدي يا موره خلي الدكتوره تكمل فضحكله عمرو وقاله :حلوه دكتوره دي ... دي زميله يابني وقالها بابتسامه عريضه انتي مش زميله بردوا ولا ايه؟؟ (بصوت خافت فيه صياعه ومعاكسه ) قضحكت وقالته هكون معيده يعني .. زميلة يا سيدى كيمو_ بالحاسه السادسه بتاعته_ حس ان الحوار طول وبقا دمه تقيل بسبب عمرو فقال عشان منخسرش البنت بردوا اكيد هشوفها في الكليه تاني .. فسالها يعني الكشف الطبي من فين ؟؟ قالت من هنا قالها شكرا يا بسنت ااقصد يا كتوره بسنت فضحكتله وقالته العفو وهوا ماشي ندهت عليه ببسبسه وقالته لو احتجت حاجه انا هنا قالها اشطه (ومشي وهوا مبسوط من نفسه وحس ان البنت حست انه حد جامد ودماغه تقيله) ......فعمرو _بصوت عالي_ بيقوله يابني رايح فين ماهو كانوا هيفهمونا ...فرد كريم وقاله يابني خلاص احنا عرفنا من فين .. وكمان اصلك بتهرج ومش وقته يعني .. فرد عمرو يا عم انت لسه شوفت حاجه دا انا واد اعجبك اووووي كريم هههههه المهم خلصوا الكشف وبعد كده ???غمرو سال كريم:: هتركب ايه قاله: طنطا هركب رمسيس الاول وانت ؟؟ فرد عمرو قاله: فيصل قاله: اشطه عمرو :قاله لما تنزل تاني ابقا كلميني كريم;اشطه ومشي كريم وراح المترو كان تاني او تالت مره يركبوا فعشان ينزل محطه حسني مبارك قعد ينزل ويغير وينزل ويغير وينسي ويسال مع انه راكب من فيصل يعنى فالطريق مش محتاج تغيير بس كانت الدنيا زحمه وعادي يعني بتحصل مع !!!......المغتربين المستجدين وهوا مروح قعد يفتكر بسنت ويقول لنفسه المفروض اني اوطد العلاقه شويه يعنى انا لما اشوفها تاني هسلم عليها ولا مسلمش وياخدوا تفكير تاني ويقول لنفسه انا المفروض كنت اخدت رقم موبايلها اكيد هحتجلها في يوم كتب او ورق او اي حاجه تقوم نفسه تنتعش وتقوله يا عم متستعجلش دا انت هتهييييييييييييييييييييييييص وبينما كيمو بينتعش واذا بعمرو بيتصل بكريم كريم: الو عمرو: ايه ياباشا وصلت ولا لسه كريم: يا عم وصلت ايه انا لسه سايبك من ربع ساعه !!عمرو :هههههه ببهرج كريم: هههههههه يخرب بيتك يا عفريت ??!!عمرو: هتنزل تاني امتا بقا كريم في دماغه ( الواد ده عبيط ده ولا ايه )فقاله : لسه مش عارف بس خلاص بقا اول بوم الدراسه بقا ان شاء الله عمرو :يااااااه دا لسه بدري كريم : اصل هنزل اعمل ايه يعني !!!عمرو :تشوفني كريم ههههههههه عمرو ههههههههه كريم لو نزلت هكلمك عمرو اشطه كريم سلام وصل كيمو بالسلامه بلده وامه من البلكونه شافته ففرحت بيه وبصتله بصه امل بابنسامه !!!!قال ايه يعني ابنها كبير وبقا وبتاع والدكتور رايح والدكتور جاى طمن كريم مامته علي الكشف الطبي وقالها انه هيسافر كمان اسبوع يدور علي شقه للايجار عشان مجموعه مكنش جايب المدينه الجامعيه هوا في الحقيقه كان طايل المدينه بس اصل كيمو لو كان قعد فيها كان اتطرد وقتي عشان هيا نظام وبتاع وكريم بيحب الحريه والذي منه وبدأ كيمو يدور علي شقه عشان السكن ... ! يتبع ..
__________________
Veterinarian and proud to be so Veteriner ve gurur kadar olmak Vétérinaire et fier de l'être Veterinario e fieri di esserlo
|
|
#10
10-10-2009, 12:21 AM
|
||||
|
||||
|
دي الحلقه التالته يا دكاتره
الحلقه الثالته هوا في الحقيقه كان طايل المدينه بس اصل كيمو لو كان قعد فيها كان اتطرد وقتي عشان هيا نظام وبتاع وكريم بيحب الحريه والذي منه سافر كيمو ونزل القاهره في دماغه بيسال نفسه اتصل بعمرو ولا المهم قال لنفسه خليني انا الصديق الصدوق وابدا بالخير واتصل ماهو بينا 150 ميسد في اليوم قال يعني كنا متربين مع بعض وكمات هوا من فيصل وعارف المنطقه هيفيدني يعني كريم الو ازيك يا عمرو باشااااااااا عمرو (كان شاب زياط شويه) حبيب هارتي ازيك يا كيمو كريم بضحك استهزاء نايس يا مان انت فين يا صاحبي؟؟ قالوا في الهوم بلعب جميز علي البي سي كريم فري جود عمرو وانت يا شقيق؟؟ كريم في الطريق لكايرو عمرو اووووووووه بيبي اتس جود نيوس هاشوفك يعني يا مااان كريم اه عشان عايز ااجر شقه هتنزل معايا ولا اشوفك بعد مادور عمرو اشوفك ونتكلم كريم اشطه بعد ساعه عند الكليه عمرو لا بعيده الكليه يا مان انزل فيصل واركب التعاون وانزل قهوه العبد عند حلواني العبد كيمو هتوه يا مان عمرو التوهان للجدعان كريم ههههههههههه مش بهرج يا خفه عمرو لا بس اسال عنوان مش يتوه يعني كريم اشطه بينا تليفونات سلام عمرو سلام اتقابلو الحمد لله مش بعد ساعه بس بعد 4 ساعات وخساره 10 جنيه رصيد هههههههههههههههههههههه عمرو واحشتني يا معلم كريم هنمثل بقا عمرو هههههههههههههه يابا عيب عليك دا انت حته من كلاويا الشمال كريم هههههههههههههههه فكك بقا من الهرج والمرج ده وفديني ببقك الي عامل زي مزلقان القطر الي عندنا في البلد عمرو ههههههههههههههههههه هوا كبير اوي كده كيمو ههههههههههههههههههه كنت عايز شقه للايجار وعايزها في فيصل قريبه او الهرم شارع الصياعه والبنات المترببه صح عمرو هههههههههههههههههههههه ايه يا عم الخلبوص مش زي مانت فاكر عندكوا في البلد شارع الهرم عادي يعني ومش فيه الي انت بتقول عليه وبناته محترمه هوا بس فيه كام وعشرين كباريه بس اشطه يعني كريم هههههههههههههه ياصاحبي انا بمرح بس معاك بصوت واطي ... طبعا هوا فيه زي بنات شارع الهرم ولا حلاوه شارع الهرم ولا جمال ورقه شارع الهرم كريم ههههههههههههههههههههههههههههههههههه هااااااااااا فديني بقا وقولي علي سمسار بن حلال عمرو ياصاحبي انت جيت للشاب الصح في الوقت الصح دا شارع الهرم وفيصل ملعبي يا صاحبي كريم ماشي يا عم اللعيب اظبطني بقا عمرو تعالا نروح لابو نسمه كريم مين نسمه؟؟ ااقصد مين ابو نسمه ده عمرو اظبط يا عم الحرمجي هتتقطع هنا لو قليت عقلك كريم هههههههههههههههههههه المهم راحو قهوه كده عمرو لصبي القهوه فين ابو نسمه؟؟ صبي القهوه في مصلحه وجاي عمرو طب احنا هنستناه وبص لكريم وقاله نزل المشاريب علي حساب صاحبي كريم كريم هههههههههههههههههههه يا صاحبي دا انت لو جيت علي عيل من العيال مش مشاريب بردوا عمرو وددا العشم بردوا ههههههههههههههههههههههههههه ابو نسمه بصوت حشرجه صوت الواحد يحس انه طالع بترابه متكلمش من 15 سنه مثلا الاحبال الصوتيه تحس انها مصديه ابو نسمه السلام عليكم عمرو وكريم اتخضوا ومبرقين وعليكم السلام عمرو يا ابو نسمه انا من طرف محمد الكمثري وكنا قاصدينك في حوار ابو نسمه بيسمع مبيتكلمش الا للشديد الاوي عشان شكل الكلام بياخد منه مجهود في طلوع الصوت من احباله الي عملت زي الاسنك بتاع الفلوس عمرو عايزين شقه في الحنين لصاحبي تكون اوضين او اوضه بس تكون حنينه وحلوه ابو نسمه في شقه 3 اوض وريسبشن كبييير 3 قطع ومطبخ وحمامين ب 1200 جنيه قبصله كريم وقاله يا ابو نسمه انا طالب ولوحدي ومحدش هيسكن معايا ابونسمه مش باكل من الكلام ده بعد كده بلاقيكوا 15 واحد في الشقه وبيحصل مشاكل وتعاكسوا الجيران وبتعملوا بلاوي عمرو لا يا ابو نسمه عايزين حاجه حنينه ولصاحبي لوحدوا قال في حاجه علي 500 حلوه راحوا شافوها كانت عباره عن ترعه مش شقه ومكان بيئه اذنابي عمرو يا ابو نسمه لا متنفعش عايزين حاجه كويسه هوا انا جايبلك كلب تسكنه ابو نسمه الي انت طالبه غالي فو ق 700 فكريم حس ان الدنيا مش هتبقي تمام فقال يقعد مؤقتا في اي حاجه شهر ويدور علي حاجه تانيه كريم همس لعمرو وقاله نشوف حاجه من الي بيقول عليهم دول ابو نسمه في واحده ب 800 فيها تكييف وفرش حلو واوضتين ومطبخ وحمام وام انور عمرو ايه؟؟ مين ام انور دي ابو نسمه ... دي الداده بتاع البيت هتظتكوا راحو الشقه واخدوها وراضو السمسار ب 150 جنيه بعد معاناه وازلال ام انور مثال يحتذي بيه فعلا كميه متحركه علي الارض من الاسفاف والكلام الكتييييير التافه والحكاوي الي مالكش فيها وعليها ولدين اولاد بنتها ( اللى كانت بتقعد من غير هدوم اغلب الوقت) بس ايه يشرحوا القلب طفلين احداث الولدين تحسوا انها مولعه فيهم عشان كده مش بيسكتوا ولا بيفصلوا وشتيمه وقله ادب ... ولا عبود ده ده طفل فضائي شكله عجيب هوا شكله مش طفل الصراحه لابس الترنك الصح هوا كان يقصد طبعا الترنج المقطوع من مكان صح الطفل الفضائي اول ماشاف كريم بالشنطه خدها وجري يفتحها تحت السرير وخلص البريفم ورمي علبه الكريم عشان مش بيحط فازلين هههههههههههههههه المهم بعد ماتبهدولو ام انور ربططت الطفلين ااقصد سكتتهم وجه اول يوم في الكليه يوووووووووووووووووم ناااااااااااااااااااااااار وعجيييييييييييب اخر حاجه
__________________
Veterinarian and proud to be so Veteriner ve gurur kadar olmak Vétérinaire et fier de l'être Veterinario e fieri di esserlo
|
|
#12
26-10-2009, 11:09 PM
|
||||
|
||||
|
الرد
جاااااااااااااااامد اخر حاجه
استمرى
|
|
#15
04-04-2010, 03:09 PM
|
|||
|
|||
|
بجد جامدة أوي يا سندريلا ...
أنا أول يوم ليا في المنتدى و عاجبتني اوي اليوميات دية .. مستني الجديد ... تحياتي ...........
|
|
| العلامات المرجعية |
«
الموضوع السابق
|
الموضوع التالي
»
| أدوات الموضوع | |
| انواع عرض الموضوع | |
العرض المتطور
|
|
جميع الأوقات بتوقيت GMT +2. الساعة الآن 07:10 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
