سؤال للمدرسين فى مركز الواسطى

[دعاء 24]

يا جماعة لو سمحتم عايزة حد يساعدنى
انا جالى نقل لمدرسة يوسف صديق الاعدادية اللى فى زاوية المصلوب وانا من بوش بس فيه ناس حذرتنى منها وقالتلى انها بعيدة ومحتاجة انى امشى نصف ساعة وناس تانية قالتلى انها قريبة وانا عندى فرصة انى اظل فى مدرستى وانا مترددة مش عارفة انفذالنقل ولا لأ ؟ هل هى مدرسة كويسة اتكل على الله واروحها ولا ايه رأيكم ؟ ياريت حد يهتم ويرد عليا ضرورى ويا ريت اللى يعرف حاجة عنها يقولى وما يبخلش عليا بالمعلومة . ولكم جزيل الشكر .

[ابوحمزة على]

انا من الواسطى وشغال فى مدرسة الدعوة الاسلامية ومدرسة يوسف الصديق قريبة مش بعيدة بس مش عارف اى حاجة عن المدرسة

[سياد القاضي]

استاذتي سلام الله عليكم
انا من الواسطي
بجد المدرسه غير لائقه
لان اهل البلد معاودين ابائهم علي الشجاعه و الفتونه بسبب مراكزهم بداخل البلد يعني اي مشاكل عندهم حلها حياه انسان
بجد
عن رائي البلد مش كويسه ناسها مش كويسيين
و كمان يكفي يا فندم
التبهدله في المواصلات
و بالنسبه الي مكانها هي تبعد بالظبط عن الطريق بحوالي 10 دقائق

[دعاء 24]

شكرا على مروركم الكريم

[سامى حماد محمود]

احسن لا تنفذى هذا النقل

[سامى حماد محمود]

اوعى تنفذى هذا النقل

[ممدوح مصطفى الانصارى]

شكرا لحضراتكم لتواصلكم الكريم
مع زميلتنا وتقديمك ما يفيدها من معلومات

[osamaabdsalam]

الدين النصيحة

[دعاء 24]

ألف شكر لكل من قدم لى النصيحة وربنا يجعله فى ميزان حسناتكم
الحمدلله انا ما نفذتش النقل ورحت لمدرسة تانية هى صحيح بعيدة شويتين وباركب لها مواصلتين بس الحمد لله مرتاحة فيها واهل البلد ناس طيبين
انا كنت كل ما اسأل حد عن المدرسة اللى فى الزاوية يقوللى اوعى وانتم كان ليكم اكبر دور فى عدم ذهابى اليها وأشكركم مرة اخري

[جحخهع]

هذى البلد سيئة للغاية حيث يكثر بها العصبيات وكل واحد فيها فاكر انة كبير ومن عيلة

[mr_moh55555]

باراك الله في الجميع ...انتابني احساس الاخوة و العائلة عند قراءة هذا الموضوع