الحل السحرى للمتعاقدين فى الارض

[جاد شويرى]

عندى بعض الاقتراحات:
1- أن نلجا الى الاب الفاضل السيد الرئيس الذى تدخل فى العديد من المشاكل وأستطاع ان يرفع الظلم عن أبناء وطنه.يعنى نحاول نرسل اميلات الى رئاسة الجمهوريه ونشرح لسيادته حجم المعاناه التى نعانيها والت تتمثل فى:
-انا عايز اتزوج ومش عارف أأخذ قرض من البنك لانى متعاقد ومثلى الالاف.
- أهانات يوميه من الأداره وكل ما تكلم حد يرد عليك باستخفاف "أنت متعاقد اسمك بالقلم الرصاص" حتى العمال "مع احترامى ليهم:بيهزقونا ...والله والطلبه بدؤ يقولوا "أوعى تزعلنا علشان لو زعلتنا هنشتكيك وانت متعاقد"
- الحق فى أجازه بدون راتب.
2- نحاول نوصل صوتنا للسيد جمال مبارك وأنا أعرف ان سيادته بيتابع دائما مشاكل الشباب .....واناعرفت انه بيتابع face bookفيا ريت حد يعمل لنا جروب على فاس بوك.
3- نلجا الى القضاء ونقوم برفع قضيه من أجل الخصم.
4- نلجا الى أحد أعضاء مجلس الشعب ونحاول على الاقل نحدد شكل التعاقد مثل:
- تحديد 3 سنوات ثم تثبيت.
- الغاء البند الظالم اللى فى العقد "يحق للطرف الاول فسخ العقد فى اى وقت ودون ابداء اسباب"
- تحديد شكل التعامل مع التعاقد يعنى حرام يتعامل ذى العبد الابق.
5- نوصل صوتنا لاحد كبار الكتاب حتى يتبنا قضيتنا:أمثال الاستاذ احمد سلامه-محمد المسلمانى-السباعى- مرسى عطا الله-مجدى الجلاد....
6- ننشر مشكلتنا فى كل ارجاء النت و المنتديات.
7- نتكاتف لانى سمعت انهم هيهددوا المتعاقدين بفسخ العقد اذا لم نصمت يعنى لو واحد بس انضر نقف كلنا بجواره.
8- نريد ممثل لكل محافظه يجمع توقيعات المتعاقدين لرفع القضيه.
انا فى انتظار الردود والمشاركات..........

الحديث القدسي : ( يا عبادي اني حرمت الظلم على نفسي وجعلته بينكم محرما فلا تظالموا)
قال تعالى ( وعنت الوجوه للحي القيوم وقد خاب من حمل ظلما ) طه

اللهم فارج الهم فرج هم المظلومين من عبادك اللهمآمين

[تامر الرفاعى]

فكره رائعه

[(هند)]

السلام عليكم
ياجماعه لازم ننظم خطواتنا واى خطوة لازم نكون متفقين عليها ونبدا الى عملناه من الاول مش عايزين تشتت وياريت كلنا نكمل فى الحملة مع بعض وجزاك الله كل خير على افكاركم

[torajail]

فكره رائعه يارت نتفق عليها لننا نعامل اسؤ معامله

[mr_maro]

طيب ما توصل فكرتك ديه للاستاذ ممتعاقد وهو يشوف هيعمل ايه

[أ/ هشام العيسوى]

كلامنا لازم يكون فى مكان واحد هو الحملة
ودى كانت مشاركة لك هناك

اونا سالتك سؤال ياريت تجاوبنى عليه

اللى كسبوا القضايا مدرسين ولا ايه؟
وياترى اخدوا وقت قد ايه لما اتحكم لهم؟

[magda9910]

فكر رائعة بس ياريت حد عندة فكر منظم يقود

[amiraeltr]

يا استاذ كله بيخاف و اسالنى انا عن تجربه

[MUSTAFAEGYPT]

والله خطوات لابد أن تأخذ فى الإعتبار

[تامر الرفاعى]

يا جماعه لازم نعترف بحاجه:
-الحمله مش نجحه زى محنا فاكرين...كتير جدا من المتعاقدين لا يعرفوا شئ عن الحمله وخاصتا الاقاليم وذى عندنا فى دمياط لأن كتير جدا ما يعرفوش حاجه عن موقع الثانويه العامه.
لازم يكون فى حل تانى لكن اللى بيحصل ان كل مدرس يدخل يقول كلام تشجيع وخلاص وان دخل وقال كلام جد أكيد بيكون داخل باسم تانى .
لازم نوصل صوتنا للسيد جمال مبارك انا عارف انه بيوقف بجوار الشباب لازم يعرف ان مكانة المدرس اتهزت.
-ازاى هشرح قدام طلاب بيقولولى انك مدرس متعاقد بشكوه نطردك ده غير تناكة اولياء الامور.
-نفس حد يرد عليا: لو واحد هاجر هجره غير شرعيه كلنا بنهاجمه ونقول عليه مغفل ولو واحد اصبح جاسوس لاسرائيل نقول عليه خاين عميل.
ولو واحد معملش كل ده وسمع كلام الحكومه وقدم فى مسابقه واشتغل مدرس وأستحمل كل الاهانات من الساده الاقدم منه ثم بعد كده مشوه/طردوه ياترى هيبقه حالته ايه يا جماعه نفسنا ما نكرهش مصر
لازم نوصل صوتنا لاكتر من مكان لازم ننقل خطوره الموقف لازم نحمى أجيال من انها تكره مصر
-ابوس ايد كل مسئول بلاش تعاملوا المتعاقدين على انهم نجس سيبوهم يشتغلوا بضمير
لازم ننقل رسالتنا على كل المنتديات لازم نحاول نقابل بعض الاعلامين والدور الاكبر يقع على عاتق سكان القاهره لانهم اكثر قرب من صناع القرار
لازم نغير حملتنا ونخلى عنوانها

"حتى لا نكره مصر"

لازم يكون فى ترابط اكثر بين كل المحافظات لازم ناخد ارقام مبويلات بعض ونتواصل لازم نلاقى حد مهم وكبير مكانتا فى المجتمع يراس الحمله لازم نتحرك قبل ما نكره مصر .
لازم نوصل افكارنا للسيد الرئيس اللى اكيد وسط مشاغله هيحللنا مشاكلنا

بنحبك يا مصر مهما تعملى فينا