الحجاب الـ ـspanish ـ و الحجاب اليهودي !!

[اوركيديا]

السلام عليكم ,


طبعا عندكم نت .. صح ؟؟

طبعا , أمال انتوا دخلتوا هنا إزاي ؟؟

طيب معلش كل واحد يفتح جوجل أو ياهوو على " بحث الصور " و يكتب الكلمة دي :

Jewish scarf

و يقول لي على اللي شافه ..

أكيد هتلاقوا حاجة زي كده :

إيه ده بقى ؟؟

هو البحث ( خرّف ) و لا إيه ؟؟

هو مش دي الطُرَح الـspanish اللي بيقولوا عليها ؟؟

و ده الي بيقولوا عليه حجاب ( إسلامي ) ؟؟

أمال إزاي يطلع في البحث عن حجاب ( يهودي ) ؟؟

و الجواب بكل بساطة إن ده مش حجاب إسلامي و لا دياولو !!

ده حجاب يهودي ( صِرف ) !!

و جناب ( الكروديات ) المسلمات بياخدوا أي موضة بدون تفكير !!

,,,,,

حاسس إن فيه ناس لسه شاكه في الأمر ,

إزاي يعني الحجاب ده بتاع اليهود ؟؟

و هم اليهود بيتحجبوا أصلا ؟؟

طيب ادخلوا على الموقع ده كده :

http://www.tznius.com/cgi-bin/tying.pl

بيبين أنواع و طرق ربط ( الحجاب ) المزعوم ,

بس ادخلوا ( برجلكم الشمال )
و خلوا بالكم من الإعلان اللي فوق اللي مكتوب فيه :




و من الإعلان اللي تحت :



- يا عيني عليهم , الدمعة هـ( تفط ) من عيني -

أظنكم اتأكدتم إنه موقع يهودي , و إن اليهود بيلبسوا الحجاب ده ,

و في الموقع نفسه طريقة ربط ( البتاع ) !! :

http://www.tznius.com/cgi-bin/rapunzel.pl

.
.
.


و و أنا ( بدعبس ) عن الموضوع لقيت مدونة فيها موديلات تانية :

http://veiledglory.wordpress.com/200...-worn-scarves/

و خلوا بالكم من الجملة المكتوبة في آخر السطر الثالث :

The company sells Jewish modest clothing

علشان برضه تتأكدوا إنه يهودي
.
.
.
.
.

أظن أكيد بقى اتأكدتم إنه حجاب يهودي ,

و إن نساء المسلمين ( واخدين بمبة ) جامدة قوي ,

و الي يغيظ إن فيه نساء في قنوات تُسمى ( إسلامية ) بيطلعوا لابسينه !!

المهم اللي عاوز أقوله إن :

الحجاب ليس ( غطاء الشعر )
و لا حتى ( غطاء البدن ) !!

بل أكثر من ذلك , كما يقول الدكتور محمد إسماعيل المقدم :

" ليس الحجاب الذي نعنيه مجرد ستر لبدن المرأة ..
إن الحجاب عنوان تلك المجموعة من الأحكام الاجتماعية المتعلقة بوضع المرأة في النظام الإسلامي ،
والتي شرعها الله سبحانه وتعالى لتكون الحصن الحصين الذي يحمي المرأة ،
والسياج الواقي الذي يعصم المجتمع من الافتتان بها ،
والإطار المنضبط الذي تؤدي المرأة من خلاله وظيفة صناعة الأجيال ،
وصياغة مستقبل الأمة وبالتالي المساهمة في نصر الإسلام والتمكين له ."

من كتاب الشيخ / محمد بن أحمد بن إسماعيل المقدم " عودة الحجاب "


خلاص مش هطول عليكم ,
بس زوروا المواقع دي :

http://www.al-hejab.com/

http://www.saaid.net/female/h43.htm

و ده فلاش جامد جدا :
http://www.saaid.net/flash/Thabaat.htm

خلاص بقى ,

جزاكم الله خيرا ,

تحيتي


......................
منقول من مدونة تظبيط

......................

بس كفايه مش حزود انا حاجه
و حتى الاموشنز عساسيل اوى مش عايزه اغيرهم
ربنا يتوب علينا من التانيين دول اللى مش راضيين حتى يظهروا


فى رعايه الله

[Mr. Medhat Salah]

مشكووووووووووووووووووووووووور

[marwa.m]

السلام عليكم ورحمة الله وبركاتة

فعلا ظاهرة من الظواهر الغريبة الى انتتشرت الحجاب بالطريقة دى
وكا انها الموضة واحدة زميلتى لسة من يومين بتقولى انتى لفة الحجاب كدة لية قلتلها يعنى اية مش فاهمة قلتلى البنات السبور دلوقتى بيلفوا سبانش

قلتلهاكل واحد حر

حتى الارياف السبانش دخل فيها وكل البنات ماشين فية
بس دلوقتى المحجبات بيبرروة فى الافراح واعياد الميلاد والمناسبات
ويخرجوا شوية من شعرهم من تحتية
ولما تيجى تكلمى حد يقولك احسن ما اقلعة خالص


بس بصراحة انا اول مرة اعرف انة يهودى

وفعلا عيب قوى على المسلمات انهم يتشبهوا باليهود الى ***وا فى جدودنا وبي***وا فى اخواتنا

موضوع مفيد جدا
وقميتة عالية

جزاك الله خيرا يا ولاء

تقبلى مرورى

[Free Mind]

موضوع جميل فعلا لازم كل الناس تشوف الموضوع ده

هههههههههه طيب والصبيان تشوفه ليه

علشان يقولوا لاخواتهم يا ناصح


يا جماعة قال رسول الله صلى الله عليه وسلم : صلوا عليه

-- " لا تكن امعة --- ان احسن الناس احسنوا وان اساءوا اساءت -


شوفوا انتو بتلبسوا اية الاول قبل ما تلبسوه
ولا احنا مش عندنا مخ خالص
فاتحها انا تريقة صح هههههههههههه

[مسيواحمدشعبان]

جزاكم الله خيرا على هذه الافاده

[الضوء الشارد]

والله كنت حاسس انا الحجاب دى مش كويس وكنت بحتقر البنت اللى بتلبسه كده . أصل الحجاب مش محتاج موضة لأنه يبقى كده لجذب الأنتباه للولاد ودى مش هدفه خالص . بس اللى بيضحكنى البنات اللى بيلبسوه ومفكرينه موضة ومايعرفوش ههههه. حتى اليهود بيحاربونا فى الحجاب

[..Just Stop]

ال يعنى نساء المسلمين مش عارفين الحجاب الاسلامى
كلهم بيجرو ورا الموضة بس
مش فارقة معاهم يههودى مش يهودى عادى وخلاص
بس حلوة فكرة الحجاب اليهودى ده
كمان يومين يطلعو نقاب يهودى
هيبقا عبارة عن نظارة خش محلاة بالاحجار الكريمة
ياريت الناس تعرف يعنى ايه حجاب مش يلبسو وخلاص
المشكلة بقا لو جيتى تتكلمى هيقولو
يعنى البس ده واللا اسيب وجهى وشعرى للبشر كدا
بجاحة بعيد عنك
ربنا يهديهم ويهدينا
شكرا على الموضوع
جزاكى الله خير
دمتى فى رعاية الله
ومبروك الاسم الجديد هههههههه

[**تسابيح**]

بجد موضوع هايل جدا
أول مرة أعرف ان التركيبة دي يهودية
ربنا يهدي المسلمات كلهم
شكرا ع الموضوع

[Dr/Fatma]

مشكور على الموضوع

جزاك الله خيرا

بس أنا عندى سؤال : فى الموقع قالوا أحدث موضة للملابس اليهودية

يعنى مثلا الحجاب ده كان موجود من زمان فى مصر وعندى صور لأقاربى

بالأبيض والأسود لابسينه وهو ظهرموضة تانى دلوقتى

ازاى بقى يبقى أحدث موضة لليهود!!!

[BaNZeR]

يعني دلوقتي الناس مقتضية في الدين باليهود

بصراحة حاجة عجيبة
انا كنت بتغاظ اوي من انواع الطرح الغريبة ده اللى ملهاش لازمة تقريباً

واعتقد اللى بيلبسوها دول بيبقوا مستنيين اليوم اللى يخلعوه بس حيبقى المنظر مش ولابد قدام الناس
فبيحاولو يقلصوا الحجاب لأقرب قيمة ممكنة

وربنا يهدي الناس

جزاكي الله خيراً على نقل تلك المعلومة المفيدة

[vampire1188]

اصلا هوا حجاب شكله عجيب .. وغريب ..

ومن الاخر كدا .. بيبقي شكله بيئة وغبي .. ومابيعجبنيش انا شخصياً

وفيه بنات كتيرة تتلاقيها دايما بتلبسه في الأفراح .. سواءا كانت هيا العروسة او حتى كانت معزومة

بس تقولوا ايه بقي .. ربنا يهدي الجميع !!

[اوركيديا]

شكرا يا جماعه لكل اللى ردوا
و انا عارفه ان كل اللى حيدخل حيكون معترض على نوعيه الحجاب دى
ده لو جاز لينا اننا نغلط و نقول عنها حجاب
بس اهو على طول بشوفه
لازم يوميا على الاقل تلاته اربعه فى الجامعه من الدفعه بس اشوفهم لابسينه
و طبيعى لو قعدت تهاتى من هنا لبكره ان كده غلط محدش حيسمع

ده غير ان فى الخطوبه او الفرح لااااازم كله بلا استثناء بيه

طيب يبقى فين بقى
ليه ما دام عارفين الغلط و بيتعمل
و نقول هنا لاء
و نبقى بردو احنا اللى بنعمله
مش عارفه


على العموم شكرا تانى لكل اللى ردوا

المشاركة الأصلية كتبت بواسطة نورا مهدى

بس أنا عندى سؤال : فى الموقع قالوا أحدث موضة للملابس اليهودية

يعنى مثلا الحجاب ده كان موجود من زمان فى مصر وعندى صور لأقاربى

بالأبيض والأسود لابسينه وهو ظهرموضة تانى دلوقتى

ازاى بقى يبقى أحدث موضة لليهود!!!

بصى اللى انتى بتتكلمى عليه ده مش هو الاسبانش بتاع الموضه ده
لاء
دى ربطه عاديه كانوا بيربطوها زمان
و مش كانت موضه و لا حاجه
دى حاجه كده ربطه سهله للحجاب
و مش بتبقى يتخرج بيها
بتبقى فى الاغلب للبيت بس

اما اللى احنا بنتكلم عنها
دى اللى هى بيقعدوا ساعتين و ساعه الا تلت يربطوا فيها
و ياه لو طلعتى مع واحده عملاها
كل ثانيتين و نص لازم تروح تظبط الطرحه
و دى هى الموضه اللى بنتكلم عنها مش اللى هى بتاعت زمان

المشاركة الأصلية كتبت بواسطة MAHMOUD_TAHA

ال يعنى نساء المسلمين مش عارفين الحجاب الاسلامى
كلهم بيجرو ورا الموضة بس

و الله اعرف ناس منهم مش يعرفوا اى حاجه عن اى حاجه
و فى نظرهم ان الاسبانش ده هو قمه التدين اللى ممكن يوصلوله
بس مش عارفه هما غلطانين عشان فاكرين كده
و لا هما فاكرين كده عشان هما اساسا غلطانين
مش عارفه انا بقول ايه شكلى

ومبروك الاسم الجديد هههههههه

اها الله يبارك فيك
التغيير حلو
بس بتضحك ليه


فى رعايه الله

[Dr.love ferdos paradise]

موضوع جميل اووووي والله
جزاكي الله خيرااا

[monii_noni]

بجد موضوع حلو اوووى
جزاكى الله كل خير
انا كنت سمعت الموضوع دة قبل كدا ومش صدقت لانه مكنش فية مصدر للكلام
دلوقتى انتى اكدتيلى
بس الحمد لله سواء كدا ولا كدا انا مش بحب السبانش
سبحان الله حاجة بالفطرة كدا

[أسيل رزق]

وربنا انتى عسل يا ولاء

هو ده الكلام ولا بلاش

موضوع رائع بجد

وربنا يهدى الجميع