سؤال في امتحان الدقهلية أرجو المشاركة

[اسماعيل سودان]

السؤال هو : اكتب الكود لتخصيص القيمة " مصر " للمتغير C_Name ؟
الاجابة النموذجية هي : " مصر " = C_Name

فإذا قام طالب بالاجابة التالية :
" مصر " = Dim C_Name as string

هل هذه الاجابة صحيحة أم لا أي تشمل الاجابة المطلوبة ؟

[إبراهيم عبدالغفار]

الإجابة صحيحة

[hazemmoustafa]

اجابة ممتازة كمان

[سيف سالم]

المشاركة الأصلية كتبت بواسطة اسماعيل سودان

السؤال هو : اكتب الكود لتخصيص القيمة " مصر " للمتغير c_name ؟
الاجابة النموذجية هي : " مصر " = c_name

فإذا قام طالب بالاجابة التالية :
" مصر " = dim c_name as string

هل هذه الاجابة صحيحة أم لا أي تشمل الاجابة المطلوبة ؟

اجابة خطأ
لانها اعلان وتخصيص وليست تخصيص
كمثل اي مادة اخري
مثال عربي
اعرب كلمة الطالب في الجملة التالية
نجح الطالب
هل الاجابة دي صحيحة نجح فعل ماضى مبنى على الفنح والفاعل هو الطالب
طبعا لاء

[metwally174]

والله إنتم ناس فاضيين ( احنا فى الامتحان مبنصدق تكون ريحة إجابة ) دا الإجابة ده كل حاجة

[winter4444]

إجابة صحيحة والتجربة خير برهان ، جربها على البرنامج وشوف النتيجة .

[gody mohamed]

اجابة صحيحة

[memo_tosson]

السؤال يطلب أمر تخصيص
وأنت قمت بعمل أمر إعلان متغير مع تخصيص قيمة داخل أمر الإعلان عن هذا المتغير
أنا أعتبرها صحيحة وأى مدرس حاسب ألى يعتبرها صحيحة
حيث أن النتيجة واحدة فى النهاية وهى أنه تم تخصيص القيمة المطلوبة للمتغير المطلوب
وعمليا أيضا تعتبر صحيحة

[عاشق الأقمار]

الناس بقت فاضية وبتدور على اي حاجة تختلف عليها. الاجابتين صح واتعودوا انكم تتلككوا على اي حاجة للطالب تكون فيها ريحة الاجابة الصحيحة علشان ربنا يكرمنا ويكرمكم مرة واحدة بوزير يتلكك لنا على اي حاجة صح

[hanykhirala]

فى السؤال طالب منك تخصيص وليس اعلان فالاجابة تكون c_ name="مصر"

[haneen wael]

Dim c_name As string
c_name="Egypt
الاجابة الاخرة صحيحة

[konso5050]

علمونا لما تكون مع dim فى =
تكون قيمة بداية افتراضية وليست غامر تخصيص
وجرب وشوف وقول

[eng_adonia]

الإجابتين صح وكما قال الاستاذ الفاضل أ/ سيف سالم هى جملة إعلان وتخصيص معاً
بس الاجابة دى صحيحة مائة بالمائة وعلى فكرة تأتى فى نموذج الإجابة بالحل الأول والثانى
وزى ما قال الأخوة الأفاضل احنا بس نشوف اجابة قريبة من الصح بنتعتبر الإجابة صحيحة

[Abdo14121972]

أنا أرى إن الإجابة صحيحة لأنها تشمل المطلوب وهو التخصيص إذا حضرتك قلت لإبنك روح هات الكشكول الأحمر فجاب لك الأحمر والأزرق ..بهذا ألم يأت بالمطلوب . ؟؟؟؟؟ ولكن نستطيع أن نقول التخصيص فقط تكون إجابة أدق وأصح .

[تامر سيد احمد محمد]

اجابة خطأ اجابة خطأاجابة خطأ