مفيش حد يستاهل زعلك

السلام عليكم ورحمة الله وبركاته

كتير اوى بنزعل ونحزن وممكن نعيط ونشيل فى قلبنا او نفضفض او نبوح لحد

والسبب اننا زعلنا على حد او على حاجة بس عمرك فكرت ان اللى انتا زعلت علية يستحق زعلك

عمرك فكرت ان اللى مزعلك واللى انتا حزنان علية وقلبك واجعك عشانة

ممكن يكون هو فرحان وبيهيس ومش همو اى حاجة من دية خالص ولا يهمة انك تعبان عشانة

وانك ممكن تكون بتعيط ودموعك نازلة علشانة تفتكر هو بيعمل اية دلوقتى(فى الوقت اللى انتا زعلان فية) فرحان - زعلان - بيعيط عشانك


اولا انا اعتقد ان مش كل الناس ذى بعضها يعنى هتلاقى اللى زعلان وهتلاقى اللى فرحان عشان زعلك وهتلاقى اللى الامر مايهموش ولا يفيدة بشىء

تفتكر بقى دلوقتى ان فى حاجة تستاهل انك تزعل عشانها وتضايق نفسك علشانها

حتى لو الطرف التانى زعلان ماتزعلش انتا لأنة لو كان باقى عليك ماكنش زعلك من الاول







*******وهديكوا مثال وطبقوه على نفسكوا*******

لو مثلا ليك حبيب او حبيبة وجه فى يوم سابك بدون اي مقدمات ولا اسباب من غير ما يقول حتي جود باي

او جه قالك احنا ماننفعش لبعض وانة مش متصور انكوا اكتر من الاخوات

لأ وبعد ماعيشك حب خيالى ورسمتوا قصور فى العلالى وعيشتوا احلى مافى اللياليى وياما سمعك شعر واغانى

مش شرط حبيب لو كان صديق ليك ولاقيته اتغير معاك وبيحاول يبعد عنك


هتعمل ايه بقي ؟؟؟؟؟؟؟؟؟؟؟

اكيد هتزعل

بس المفروض انك ماتزعلش اوى او لفترة طويلة ( بس اكيد هتزعل دة لو كنت بتحبة اصلا)

لكن المفروض انك تكمل حياتك عادى زى م أكيد هو هيكملها

وهو يعنى لو كان بيحبك او انت غالى عنده كان فكر ف كده من الاول لا هو اصلا مش باقى عليك ولا على الحب اللى كان بينكوا انتا تزعل علية لية بصراحة ومن الاخر مايستهلش اى دمعة حزن منك ولا يستاهل حتى انك تفكر فيه

ولازم انك تكمل حياتك عادى ومسيرك هتقابل الشخص اللى يحبك ويقدرك يبقى مافيش اى حاجة تستاهل دموعك وزعلك ولا حتى انك تفكر فى الزعل عشان خاطرة طالما الشخص ده مش يستاهل



لا تبكى على من باعك ولكن اجعله يبكى على ضياعك