الموضوع للى عايزين يدخلوا طب وكمان لطلبة طب

[رضاك ربى مرادى]

السلام عليكم :

حبيت اطرح الموضوع ده علشان اشوف الطلبه الى نفسها تدخل طب وكمان طلبة طب نفسهم ليه فكرتوا فى طب علشان تبقى دكتور/ه وتمسكوا البالطوا ونتمنظر بيه فى الشارع ولا علشان المجموع دخلك طب ولا علشان مساعدة الناس او انك تنال دعوه حلوه منمريض وشوف بقى دعوة المريض ديه يااااااااه جميله اوى
وكمان فى حاجه نفسى اسال فيها واعتقد ان فيه طلبة امتياز هنا كتيير او حتى خلص طب ليه الدكتور
بيترسم على المرض بتوعه او مش يبريحهم فى الكلام

[احمد ميدو ميدو ميدو]

اولا الموضوع جميل جدا وبالنسبة لية انا نفسى ادخل طب علشان المساهمة ومساعدة المرضى اللى هما ابائى وامهاتى واصدقائى والله يعلم ما فى نية عبده

[يا الهي]

المشاركة الأصلية كتبت بواسطة رضاك ربى مرادى

السلام عليكم :

حبيت اطرح الموضوع ده علشان اشوف الطلبه الى نفسها تدخل طب وكمان طلبة طب نفسهم ليه فكرتوا فى طب علشان تبقى دكتور/ه وتمسكوا البالطوا ونتمنظر بيه فى الشارع ولا علشان المجموع دخلك طب ولا علشان مساعدة الناس او انك تنال دعوه حلوه منمريض وشوف بقى دعوة المريض ديه يااااااااه جميله اوى
وكمان فى حاجه نفسى اسال فيها واعتقد ان فيه طلبة امتياز هنا كتيير او حتى خلص طب ليه الدكتور
بيترسم على المرض بتوعه او مش يبريحهم فى الكلام

السلام عليكم ورحمة الله وبركاته

كل عام وانتم بخير بمناسبة رمضان الكريم

بصي يا دكتورة لو الفكرة فكرة مجموع عالي فيه كليات تانية برضه اسيمها كليات قمة ودي بتحتاج مجموع عالي زي مثلا هندسة بترول

ولو الفكرة فكرة اننا نمسك البالطو ونتمنظر بيه ده بداية طريق الغرور اللي نتيجته المنطقية والطبيعية الفشل

( من تواضع لله رفعه )

وبعدين المهندس برضه بيشتال ادواته وهو رايح الكلية وممكن يتمنظر بيها

انا شخصيا عمري ما فكرت بالشكل ده ونفسي في كلية طب بشري المنصورة ان شاء الله علشان انا اولا بحب ادرس جسم الانسان والامراض والحاجات دي

كمان من صغري واهلي زرعوا فيا حب طب البشري خاصة ان مفيش حد من عيلتي او اقاربي في طب المنصورة

واكيد عايزة اعمل خير واساعد الناس وربنا يكتبهالي ويقدرني يارب

تحياتي وادعولي امانة

طبيبة ان شاء الله

[وليد رسلان 12]

نتبلاهغباموزك

[ArabianPDA]

دخلتها عشان نفسي ابقي دكتور فاهم
ومشفتش ام الفهم من ساعه ما دخلت المخروبه بصراحه

بالنسبه للمنظره..مهي دي الحاجه الوحيده الي نقدر نحس بنفسنا بيها احنا بنتمرمط دلوقتي مش عايزني متفشخرش شويه

[dr/sherief]

بصي انزلي الطوارئ مرة واتفرجي و بعدها احكمي المفروض التعامل يبقي ازاي

يوم واحد بس احد او تلات او خميس
وروحي الباطنة مش هقولك حوادث ولا خيتطة عشان العيان ميشتمكيش من اول مرة كده

نجرب..و نحكم ومتنسيش تبقي تقوليلي عملتي ايه لما نزلتي..انا موجود هناك ع طول..بالتوفيق

بالنسبة للبالطو كنت هنسي
مبحبش اشيله ولا بحب البسه..وانتي بتشتشتغلي بقي بايدك هتلاقي نفسك بتقلعي البالطو لوحدك

هتجربي امتي بقي عشان تيجي تعرفي الناس ال هنا

[رضاك ربى مرادى]

المشاركة الأصلية كتبت بواسطة dr/sherief

بصي انزلي الطوارئ مرة واتفرجي و بعدها احكمي المفروض التعامل يبقي ازاي

يوم واحد بس احد او تلات او خميس
وروحي الباطنة مش هقولك حوادث ولا خيتطة عشان العيان ميشتمكيش من اول مرة كده

نجرب..و نحكم ومتنسيش تبقي تقوليلي عملتي ايه لما نزلتي..انا موجود هناك ع طول..بالتوفيق

بالنسبة للبالطو كنت هنسي
مبحبش اشيله ولا بحب البسه..وانتي بتشتشتغلي بقي بايدك هتلاقي نفسك بتقلعي البالطو لوحدك

هتجربي امتي بقي عشان تيجي تعرفي الناس ال هنا

اوكى انا موافقك فى الراى بس لما تروح لدكتور فى عيادته ليه برده مش بيريح فى الكلام

وياريت ادخل طب بس مستحيل احنا عندنا متفوقين فى عليتنا مادخلوش طب يبقى انا بقى هادخل طب يعنى انا الرنج بتاعى فى حدود 93% هادخل طب ازاى بس الواحد بيقنع نفسه

[meto_6120]

امووووووووووووووووووووووووووووووت وادخل طب بس الظاهر كدة مش هلحق غيبر بيطرى او هندسة ( انا شهادة معادلة )

[shrok200]

انا نفسى ادخلها عشان اساعد فى علاج الناس الغلابه واعاملهم كبنى ادمين
(بس للاسف مش هلحقها خالص )

[almesery95]

بالتوفيق للجميع

[shimaa nageh]

المشاركة الأصلية كتبت بواسطة رضاك ربى مرادى

اوكى انا موافقك فى الراى بس لما تروح لدكتور فى عيادته ليه برده مش بيريح فى الكلام

وياريت ادخل طب بس مستحيل احنا عندنا متفوقين فى عليتنا مادخلوش طب يبقى انا بقى هادخل طب يعنى انا الرنج بتاعى فى حدود 93% هادخل طب ازاى بس الواحد بيقنع نفسه

الرنج بتاعك 93% عشان ما حاولتيش تعلى الرنج ده .. يمكن حاولتى بس فشلتى واستسلمتى للفشل .. ما تقلليش من نفسك انتى تقدرى لو عملتى شوية مجهود واقرى كتب لابراهيم الفقى لو بجد عايزة تبقى متفوقة اكيد هتستفيدى ان شاء الله