خبراء السن عايز حل !!

[ahmed H capo]

انا دلوقتي جايب 48 في الانجليزي وشوفت في الشروط اني لازم اكون جايب 48.5 وانا مخدتش مستوي انجليزي اصلا
وملقتش متاحلي غير عبري وتركي وفارسي وتشيكي وعربي وروسي وصيني
وانا بصراحه مش متفائل باي قسم فيهم حاسسهم حاجات غريبه اوي !!
والايطالي والاسباني لازم اكون جايب ف الفرنساوي 49 وانا كنت جايب 48.5
والفرنساوي كاتبين لازم اكون دارسها لغه تانيه واجيب مستند اني بخدها من ابتدائي بس انا كنت واخدها من اعدادي !!
ومفيش حل غير اني اخد لغه افريقية لغه ثانيه وبكدة انجليزي تنزلي درجه تبقي 47.5 وادخلها
ايه رايكم ؟؟
وايه لغه افريقيه دي حد يعرف عنها حاجة
متعبه يعني او صعبة ؟؟

[shahd.]

بص يا احمد انا سالت حد فى السن وقالى
ان فعلا لو عاوزه ادخل انجلش اكتبها اول رغبه كلغه اولى وفى الوقت دا ممكن ادخلها ودا بقى الالتماس اللى هو بيفرق فى درجه او نص بس هتاخد غصب عنك افريقى لغه تانيه
ودى بقى بتنقسم للغتين تختار واحده فيهم يا اما هيروغليفى او سواحيلى اللى هى تنزانى
وتنزانى دى اسهل انما هيروغليفى صعبه
انا شكلى هعمل كده عشان فرص الشغل بعد كده فى انجلش احسن من اى لغه تانيه
وبالتوفيق ليك ان شاء الله

[smart5533]

مش فاهمه معلش ممكن بس استفسار انا لسه هقدم فى الكليه بس هو يعنى لما اخد لغة افريقيه لفة تانيه فى الكليه احوا انجليزى بعد كده ولا ايه

[doniaanawbs]

https://www.facebook.com/groups/1925..._comment_reply


بصووا انا برضه مكنتش فاهمه حاجه دى جروب طلبه السن وكل الادمنز من اتحاد الطلبه وهيجاوبوا على كل الاسئلة

انا عن نفسى هختار فرست ايطالى وسكند اسبانى او برتغالى

[لوجين 3]

لو سمحتم انا داخله السن ان شاءالله عايزة نختار اللغه ازاى ونظام الدارسه وهى كام سنة ؟؟؟
معلش لان انامش عارفه اى حاجه عن الكليه ولا ازاى لغه اولى وتانيه

[shahd.]

المشاركة الأصلية كتبت بواسطة smart5533

مش فاهمه معلش ممكن بس استفسار انا لسه هقدم فى الكليه بس هو يعنى لما اخد لغة افريقيه لفة تانيه فى الكليه احوا انجليزى بعد كده ولا ايه

لا مينفعش تحولى لانك لما بتعملى الالتماس بتعمليه على القسم اللى انتى عوزاه وبتكتبى التعهد انك هتاخدى افريقى سكند اجبارى وانك مش هتغيريه

[shahd.]

المشاركة الأصلية كتبت بواسطة لوجين 3

لو سمحتم انا داخله السن ان شاءالله عايزة نختار اللغه ازاى ونظام الدارسه وهى كام سنة ؟؟؟
معلش لان انامش عارفه اى حاجه عن الكليه ولا ازاى لغه اولى وتانيه

بصى الدراسه بتبقى اربع سنين وبالنسبه للغه الاولى والتانيه
اللغه الاولى دى اللى بتتخصى فيها الاربع سنين ,,اما اللغه التانيه دى بتبقى اخر سنه بس
وبالنسبه لاختيار اللغه دا بيرجع لرغبتك ومجموعك فى اللغتين اللى اخدتيهم فى ثانوى شوفى فى الصور دا التنسيق الداخلى للكليه ويارب اكون افدتك

[shahd.]

ودا لينك كتاب كليه السن اللي فيه شرح الاقسام

https://www.facebook.com/Alsun.M.KH/app_208195102528120

[ahmed H capo]

يعني ايه اللغه التانيه اخر سنه بس ؟؟