علوم فضاء

[Egyptain 2012]

بسم الله الرحمن الرحيم

كنت محتاج اعرف هو فى اساسا حاجة فى مصر اسمها علوم فضاء ولا مفيش اصل واحد يقولى مووجود وواحد يقولى مفيش ؟؟؟؟؟؟؟؟؟

ولو فيه فين فى مصر

وايه هى العلوم الطبيعية

على فكرة علوم رياضة

شكرا جدا

[Egyptain 2012]

جرا ايه يا جماعة هو انا سالت سؤال ملهوش قيمة ولا مش محترم

يا ريت لو حد عارف حاجة يقول
شكرا جدا

[bondosh]

اه قسم فلك قصدك

اه علمى رياضة ليه شعبة علوم طبيعية او جيولوجيا
يعنى من سنة اولى انت بتدخل شعبة علوم طبيعية او جيولوجيا
وعلمى علوم بيدخل شعبة بيولوجى

[Egyptain 2012]

طبعا شكرا لحضرتك جدا على ردك

انا سامع انى فى فلك بس انا بردو سامع ان فى علوم فضاء والله اعلم هل هى فلك لا دى حاجة ودى حاجة

[bondosh]

لاو والله معنديش فكرة بس قسم الفلك والارصاد يعنى اعتقد هو الفضاء

[comboy]

اقسم ده كان موجود فى اسكندرية واتفقل وكان سبب القفل ان ملوش شغل فى مصر وبيقولك سيبك فالمضمون

[جنــة]

انت جامعة اييييه ؟؟
بالنسبة للفضاء لو انت حابب المجال ده
اقرب حاجه ليه ( قسم جيو فيزياء ) وده موجود في علوم عين شمس
مش متأكده موجود في جامعات ايه تاني
بس مفيش في عين شمس حاجه اسمها علوم فلك او علوم فضاء

هتلاقي لما حد قالك والتاني قالك مش موجود
كل واحد فيهم بيتكلم عن جامعة غير التاني

العلوم الطبيعية عبارة عن مجموعة العلوم البحته زي : الفزياء والكيمياء والرياضة
ولو اتخصصت في سنة أولى علوم طبيعية .. هتتخصص في تانيه في حاجه من التلاته دول او قسم مشترك ( كيمياء فيزياء ) او ( فيزياء رياضة )

اقسام سنة أولى : علوم طبيعية .. علوم بيولوجية .. جيولوجيا .. جيوفيزياء
اللي بيتفرعوا أكتر وبيتخصصوا في سنين بعد كده هم علوم طبيعية وبيولوجية فقط
لكن جيولوجيا وجيوفيزياء بيستمروا في تخصصهم

وده برضو بيرجع لنظام الجامعة .. عشان كده لما تسأل
أسأل على نظام الجامعة اللي انت فيها عشان اللي بيرد عليك مايقولكش معلومة تكتشف بعد كده انها مش صحيحة لأن ده مش عندك

[Hesham Shafek]

شكرا جدا ليكى يا جنة
هو فعلا فى علوم فضاء فى جامعة القاهرة تبع قسم فلك
انا حابب الموضوع جدا بس فى كمية احباط حوليا تخلينى ان اكره التعليم كله وكمان مش عاوز اخش القاهرة لان اكيد تعليمها هيبقى مش اللى هو لان فى ناس بتقول مش شغاله بيه اساسا

بس ان شاء الله لو جامعة زويل فتحت السنادى هقدم فيها هى فيها قسم علوم فضاء بس يا رب اقبل لونى مش عارف هتبقى اختباراتها ازاى ولا شروطها ايه

انا جامعة المنصورة وهى مفيهاش اللى جولوجيا بشعبها المختلفة اللى فيها جيوفزياء وبردو فيها فزياء و رياضيات

بس هل ممكن من الجولوجيا ادخل مجال الفضاء ؟

[جنــة]

سيبك من الاحباط وكلام الناس
اللي عايز يوصل لحاجه هيوصلها بتوفيق ربنا وبإرادته
وعلوم القاهرة على فكرة متميزة جدا .. بس لو القسم دلوقتي مش متاح فيها هتشوف مجال تاني
بس كون ان حد يتخرج منها ومايشتغلش ده عيبه هو مش عيب الكلية
الكلية مش مسؤلة انها تسعى له وتوظفه .. انتهى دورها عند التعليم والباقي دوره هو وسعيه
د/ عصام حجي اتعلم في مصر .. وبقى في وكالة ناسا
لأنه اشتغل وسعى وما اكتفاش بدراسته وماسمعش لحد بيقوله استحالة تشتغل في ناسا

وربنا يوفقك في موضوع مدينة زويل .. حاول تسأل عشان ماتفوتكش الفرصة والوقت
لأن دي فرصة صعب تتعوض

بالنسبة لقسم الجيولوجيا اعتقد هيكون قريب برضو في مجال الدراسة
لكن جيوفيزياء أقرب للتخصص اللي انت عايزه
لكن لو مفيش غير جيولوجيا اللي متاحه قدامك .. توكل على الله وشد حيلك فيها

بالتوفيق ..

[Hesham Shafek]

شكرا جدا على النصائح دى وبجد استفد منها

فعلا علوم المنصورة فيها جيوفيزياء
وان شاء الله خير

وبالتوفيق للجميع يا رب