|
#1
02-08-2008, 10:40 AM
|
||||
|
||||
الحياة هندسة ......... ايه رأيك تهندسها معانا ؟؟؟
السلام عليكم ورحمة الله وبركاته اهلا بيكم ياجماعة ... الحياه هندسة .... فهندسها معنا ..؟؟ عاوزين نعرف اي حاجة عن كلية الهندسة وايه اهم اقسام فيها وايه مجالات العمل لكل قسم وايه النصائح اللازم العمل بها لتحقيق النجاح وايه والسنة الاعدادي بتمثل ايه وبندرس فيها ايه وازاي نتعامل مع المواد وازاي نحدد ميولنا واتجاهتنا في السنة ده يعني من الاخر عاوزين مهندسين او اي حد في كليه هندسة يدخل يهندس معانا ويقولنا اللي عنده؟؟؟؟؟
|
|
#2
02-08-2008, 11:47 AM
|
||||
|
||||
|
السلام عليكم ................ ان شاء الله هاحاول ابحث واعرفلكم كل شئ عن الهندسة علشان نهندس مع بعضنا وياريت اللي عنده حاجة يعني يدخل ويقولنا .......
اللي عنده معلومات لابد وان ينقلها لمن يحب وانا احبكم جميعا وهاحاول اجمع اكبر قدر من المعلومات وياريت برضه كلنا نحب بعض واي حد عنده معلومة ياريت يقولها ويصرح بيها ........
|
|
#4
02-08-2008, 12:10 PM
|
||||
|
||||
|
الهندسة
أااااااااااااااااااااااااااااااااااااااااااااه حأموت بس أدخلها أنا أزهر بس فشلت (مجموعى 94 ) مظنش أنى حألحقها ولو فى الصعيد يا رب ألحقها ولو فى الصومال مع المتمردين
|
|
#5
02-08-2008, 12:13 PM
|
||||
|
||||
|
انا باحب انى اوجه شويه نصايح لكل طلاب اعدادى هندسه لان اول سنه فى هندسه بتكون احيانا صعبه على كثير من الطلاب
وعلشان كده احب اوجهلهم رساله صادقه من القلب لانى مريت بالمرحله دى وعانيت فيها كتيييييييييييييييييييييييييييييييييييير ومش عاوز اى حد يتعب.المهم كل طالب مستجد فى اعدادى هندسه لازم يكون دخل الكليه دى اصلا فى الاول برغبته والكليه دى بالذات لازم تكون حاببها ومتشوق ليها وطبعا اول ما هاتدخل هاتسمع اشاعات عن ان الهندسه الوصفيه صعبه وان الرسم الهندسى معقد وكلام فاضى مالهوش اى لازمه مفيش اى حاجه صعبه احنا اللى بنصنع الاوهام دى اهم حاجه انك تجتهد وتعمل اللى عليك واكيد هاتكون من المتفوقين وبعدين ان الله لا يضيع اجر من احسن عملا واخر حاجه احب اقولها ليكم ان الواحد فيكم لو فاهم درس كويس مايتاخرش عن ان يفهمه لاى حد مش فاهم وكمان لو اى حد مش فاهم فى اى ماده كويس لازم مايسيبش نفسه ويتعقد من الماده لا يسال كذا شخص ويشوف ناس اكبر منه تعرفه ازاى يذاكر الماده دى كويس ومايتكسفش من انه يقول انه مش فاهم ده بالعكس دى بدايه انه يفهم بجد لان الكليه دى اساسا بتعتمد على الفهم مش الحفظ وربنا يوفقكم جميعا منقوووووووول
|
|
#6
02-08-2008, 12:15 PM
|
||||
|
||||
|
(1)
مشكلة....  ما علينا.... بص يا سيدى اسأل فى اللى انت عاوزه ما عدا مجالات العمل الله يخليك. انا هكلمك عن اعدادى نفسها... اخلص من اعدادى الاول وبعدين فكر فى الشغل او القسم.. لانك هتغير رأيك كتير لما تخش...وفى الاخر تحول تجارة....(بهزر طبعا) عامة هندسة كلية حلوة اوى.... مش صعبة للدرجة يعنى... وانا بتكلم عن اعدادى بس ما تفهمنيش غلط. عندك مواد هتاخدهم حسب الجامعة عندك بس عامة المنهج موحد... فى جامعات بتاخد مواد فى التيرم الاول...ونفس المواد جامعات تانية بتاخدها فى التيرم التانى فى شوية زيادات فى بعض الجامعات...ونقص فى بعض الجامعات... لكن المنهج واحد... عندك حوالى تسع مواد او عشرة...حسب يعنى 1) الفيزياء وهى 1 heat & properties حرارة وخواص مادة 2 electricity & ( optics or sound& waves) كهربية و ( بصريات او صوت وموجات..واضح يعنى) 2) الكيمياء تيرم واحد 3) الانتاج او تكنولوجيا الورش...تيرم واحد 4) الميكانيكا...مستمرة معاك طول السنة 5) الانجليزى..تيرم واحد 6) الرسم الهندسى والاسقاط...مستمرة طول السنة 7) مدخل علوم هندسة ....وده حسب ممكن ما تاخدوش زيى كده 8) رياضة 1 تفاضل وتكامل...وده تيرم 2 جبر ووهندسة تحليلة وفراغية...تيرم تانى 9) حقوق انسان !10) الحاسبات...ودى انت وحظك فى العمل اللى بتاخده...ادعى انك تاخد برمجة لانى مخدتهاش.. متقسمين على التيرمين وانت وحظك برضو عندى كنت باخد فيزيا 1 ورياضة 1 وكيميا تيرم واحد بس و حاسبات..تيرم واحد بس وطبعا الرسم والميكانيكا اللى هم مستمرين معاك و بتمتحن فيهم فاينل واحد بس فى مايو والباقى فى التيرم التانى ..ز رياضة 2 وفيزيا 2 وباقى الميكانيكا والرسم والتكنولوجيا...والانجليزى وحقوق الانسان ده بالنسبة للمواد.... كل مادة لو عاوزنى اكلمك فيها على حدة انا تحت امرك ما علينا....بس هى دى المواد... وفى رد كنت كتبته هنا قبل كده...زى ما تقول نصيحة احتمال انقله.... واسأل زى ما انت عاوز مش عارف ايه الطيبة اللى انا فيها دى:D انتظرونا
__________________
 آخر تعديل بواسطة The_Relativistic200 ، 02-08-2008 الساعة 12:32 PM
|
|
#7
02-08-2008, 12:18 PM
|
||||
|
||||
|
اقتباس:
|
|
#8
02-08-2008, 12:21 PM
|
||||
|
||||
|
اقتباس:
ان شاء الله تلحقها وتبقي مهندس كبير اوي ............... وحتي لو مادخلتش هندسة ممكن يكون ربنا كاتبلك حاجة احسن منها والحمد لله علي كل شئ ............. وربنا معاك ومعانا وشكرا علي مرورك وتشرفنا دايما بمرورك
|
|
#9
02-08-2008, 12:32 PM
|
||||
|
||||
|
اقتباس:
|
|
#10
02-08-2008, 12:50 PM
|
||||
|
||||
|
اقتباس:
شكرا علي مرورك ......... وشكرا علي مساعدتك لينا ........ عالعموم ياريت تشرفنا وتفضل معاناكده علشان هنحتاج لخدماتك ومساعدتك وبرضه شوف اسئلة الاعضاء وحاول تشوفلنا اجابة
|
|
#11
02-08-2008, 01:04 PM
|
||||
|
||||
|
ماشى
لو عندك اسئلة اسأل... اى حاجة مضايقاك  اصل انا فاضى النهاردة على غير العادة
__________________
|
|
#12
02-08-2008, 01:09 PM
|
||||
|
||||
|
س: ليه اللي بيدخل هندسة مابيذاكرش كويس طبعا مش كله المعظم ؟؟
هل ده استهبال من الطلبه؟؟ والا المواد صعبة ؟؟ والا بعض الدكاترة مابيعرفوش يشرحوا كويس ؟؟ والا علشان مذاكرتنا محتاجة لمكتب وجلوس عليه لمدة طويلة مش بس كتاب وبيتقري ؟؟ والا سبب اخر ؟؟؟ ياريت تشاركونا بالردود ..........
|
|
#13
02-08-2008, 01:23 PM
|
||||
|
||||
|
كليه الهندسة في جميع الدول المتقدمة هي من اهم الكليات ولها مكانة خاصة وراعية خاصة في اي دولة متقدمة وكانها كما يمكن ان نقول انها كوزارة الدفاع هناك
وللسنة الاولي في كليه الهندسة لها اهمية خاصة ففي بعد الدول يكون التخصص مباشرة نظرا للاعداد الجيد في المراحل الدراسية السابقة واما ان يكون هناك سنة اعدادية ولكن تختلف عننا فهم معظم الاوقات يكونون في معامل ويقومون بتجارب و ذلك لتنمية المنطق داخل اذهانهم واعتمادهم علي الواقع والتجربة والبرهان اما عن الاقسام التي لها مكانة كبيرة هناك وغير موجودة عندنا او غير معترف بها الهندسة النووية والفضائية و الوراثية الايدولوجينية والهندسة التركيبية بالاضافة الي قسم هندسة البيئة من المعلوم ان طالب كلية الهندسة هناك يحقق لذاته الكثير ولمجتمعة وذا مكانة اجتماعية كبيرة ربنا يوفقنا كلنا ونكون مهندسين جامدييييييييييييين
|
|
#14
02-08-2008, 01:32 PM
|
||||
|
||||
|
اهلا بيكم ياجماعة ........... عايزين نتكلم عن الاقسام بكلية الهندسة ........... ياريت لو حد عنده سؤال عن اي قسم يدخل ويكتبه وان شاء الله نساعده ......... وخليك معانا يا مستر relative علشان برضه تهندس معانا ............... وربنا يوفقك
|
|
#15
02-08-2008, 02:00 PM
|
||||
|
||||
|
مستر!
ههههههههههههههههههههههه الله يجازيك ما علينا انا هجاوبك...مانا فاضى بقى نصيحة منى سيبك من الكلام الحلو اللى انت جايبه....وعيش الواقع حنا دولة متخلفة فى كل حاجة... ففأنت تركز ومش تحاول تبص لقدام... لانك عبال ما تروح للى قدام هتلاقيه اتغير...زى الالكترون كده...لو انت درست هايزنبرج زيه بالظبط ================== اقتباس:
انه سهل انك تجيب تقدير فى هندسة بربع مذاكرة الثانوية العامة؟؟!!! وانا بكلمك عن الواقع كمان.. انا اقوللك...اولا انك بتخش عايش الدور الى حد ما....شاب بقى وداخل الجامعة وحاسس انك هتنطلق بعد الكبت بتاع الثانوى الا ان الكلية هتكبتك اكتر.. لو ما عرفتش تتدارك نفسك بسرعة.. عدم المذاكرة بييجى من الزهق....والقرف.... والخنقة مش اكتر... والتسويف فى المذاكرة....لاحساسك ان بعض المواد سهلة...فبتقول...ما علينا دى سهلة فنفضلها دلوقتى...وتلبس فى الاخر فيها .. الكلية هتحملك المسئولية الى حد ما....انك بتذاكر لواحدك...مفيش حد يوجهك... ولا يقوللك دى ايه...ولا ازاى.. هتتعلم الفهلوة اكتر فى الامتحانات والاجابات والمذاكرة كمان ماهو عشان كده سموها اعدادى... :D:D:D بالنسبة للدكاترة... عادى انهم يطلعوا حمير عادى انهم ما بشرحوش.... عادى امتحاناتهم تيجى رخمة... ممكن ان الاساسى ان الدكتور ما تفهمش منه حاجة ونصيحتى ساعتها...اعرف اللى اتاخد حتى لو مش فاهمه....بس اعرف منهجك فيه ايه واتصراف بعد كده...وهقوللك ازاى ما تستعجلش اهم حاجة فى هندسة ....العلم ...والعلم بيجيب التقدير وراه.. وبعد كده بقى مستقبلا....ال money   بالنسبة للوقت كفاية ساعة فى اليوم وتجيب امتياز.....بس لو عرفت تسترجل وتذاكرها:D وده بجد يعنى مش ببالغ...لانك فى الاول بتكون عايش اللحظة زى ما قولت وبتهمل الساعة دى ....وبالتالى بتتزنق...والطالب الللى فيه خير..هو اللى بيعرف يلم فى الاخر بس انا بكلمك عشان تكون مستريح...وما تنضغطش نفسيا يعنى مش قعدة وشاى وقهوة وسهر وشد فى شعر حد انت بس ساعة فى اليوم...وصدقنى هتجيب امتياز كمان بالنسبة للمواد مش هتلاقيها صعبة خالص...لو ذاكرتها... بس انت ذاكرها....واهتم باللى بيتقالى فى المحاضرة لو الدكتور بيشرح... لان الدكتور اللى بيشرح بيجيب الامتحان من اللى شرحه فى المحاضرة.. انما ممكن تتقرف من حاجة زى الانتاج لانه حفظها كتير ومقفر وملهاش لزمة فى الحياة.. بس كده...لو فى حاجة غامضة فى الرد قول ================================================ حاجة ممكن تشوفها وتتخنق منها وتحس انك حقير:- انت فى محاضرة والدكتور بيشرح حاجة ولتكن فيزيا...وانت مش فاهم ولا كلمة....ولا عارف الراجل بيقول ايه... وبتحاول تفهم ......ما تعرفش...وووصلت لدرجة ما يعلم بيها الا ربنا... وفى وسط الكلام ده تلاقى واحد او واحدة قايمة فى المحاضرة( غلبا بتبقى واحدة )وبتسال....يعنى هو كذا كذا كذا...وتبدا تسأل الدكتور تقول ايه ده ..دى فاهمه وبتسأل فى حاجة واحدة بس...ان مش فاهم كلمه وفعلا هتحس انك الحمار الوحيد فى المكان لكن بعد التجربة....عرفت ان الناس دى كلها حمير اللى بتقوم وتسأل ممكن عاوزين يعملوا جوا فى المحاضرة واخدله كورس ثقة بالنفس فبيجربوا.... . انما فاهمين....مستحيل لان العالم دى فى الامتحانات ما بتحلش....ولو سالتهم بعد المحاضرة... هيقولولك هجص ما انزل الله به من سلطان بس دى حاجة موجودة فى كل الكليات المحترمة.. يالالا هناخد بريك
__________________
|
 |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 10:58 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
