تحليل منهج الكيمياء الجديد واراء السادة المدرسين فى المنهج

[الاستاذ محمد الطنطاوى]

السلام عليكم
تحية طيبة الى كبار واساتذة الموقع
شكرا جزيلا للاستاذالفاضل

محمد عبد السلام
على مجهودة الكبيرفى رفع كتاب الكيمياء
مجرد راى فى منهج الكيمياء الجديد
فى راى صعب تدريس بعض الجزئيات لطلبة اولى ثانوى
ازاى ندرس لطالب لسة طالع من اعدادى معلومات درسناها فى الجامعة
حاجة تانية اللى واضع المنهج دة عبقرى فاهم هو بيعمل ايةنتكلم عن ابواب المنج
الباب الاول
غير موفق تماما فى موضوعات الباب الاول لانة خلط ما بين الكيمياء والفيزياء
يعنى ممكن نعتبر الباب الاول عبارة عن كيمياء فيزيائية
انا متفق معكم تماما ان موضعات المنهج جديدة

عبارة عن كيمياء فيزيائية متقدمة درستهافى الجامعة مع الدكتور الكبير محمد بدر الصباح بجامعة الازهر
كان يفترض ان تكون بداية المنهج غير كدا
طلبة كتير يمكن تحول من الثانوى العام لتعليم الفنى لان البداية صعبة
الباب الثانى
ماخوذ من الباب السادس فى كيمياء الثانوية العامة ولكن باختصاروبراعة فى الاداء

خلط مابين منهج اولى ثانى القديم مع منهج الثانوية العامة الباب دة عايز مجهود كبير جدا
فى الفصل الثانى
كان المفروض يبدا بشرح

حساب الصيغة الكيميائية
وبعد كدا
يشرح النسب المؤية الوزنية
ويختم بالناتج الفعلى والنظرى
هو واضح من هذا الباب انة سهل لكن هيكون فية افكار كثيرة جدا ونوعيات مسائل هتكون صعبة على الطالب فى المرحلة دى
الباب الثالث
بدا بشرح المحاليل
بصراحة معلوماتة غير منظمة
يجب تعديل من اول صفحة 54 الى صفحة 57 ( معلومات ولا لها لزمة)
الفصل الثانى

الاحماض والقواعد
شرحة كويس لغاية صفحة 69 فقط
انما صفحة 70 و صفحة 71 عايزة تعديل
الباب الرابع
الفصل الاول

المحتوى الحرارى
عبارة عن كيمياء فيزيائية متقدمة
مزيج ما بين الكيميا والفيزيا
الفصل الثانى
غير موفق فى شرحة
كان فى المنهج القديم افضل كثيرا
الباب الخامس
عبارة عن استعراض عضلات لمؤلف الكتاب على المعلم والطالب
هل من المعقول طالب فى هذا العمر يفهم الشرح بالطريقة دى
الكيمياء النووية

منهج يدرس لطالب فى جامعة
وبعدين اين اسسس الكيمياء النووية
المؤلف غير موفق تماما فى شرح النووية
الباب السادس
(لا تعليق)
خارج نطاق الخدمة
لا يصلح للتدريس فى الكيمياء
الخلاصة
منهج الكيمياء
(غير منظم - فية اجزاء غير مناسبة تماما للتدريس - فية حشو كتير - يركز علىالحفظ - كتاب الانشطة يستحيل تدريسة فى بعض المدارس لعدم وجودامكانيات-المنهج سوف يؤدى الى تسرب الكثير الى التعليم الفنى - المنهج كبيرجدا يستحيل تدريسة فى ترم واحد – المنهج يحتاج تدريسة لمدرس خصوصى بارع طبعا فاهمين كلامى يعنى الدروس الخصوصية اسعارها هتزيد مع المناهج الجديدة)

كل احترامى وتقديرى لمؤلفى الكتاب الغير موفقين وبامانة فى الكتاب الجديد

واضح ان وزارة التربية والتعليم تختار اسواالمناهج لتدريسها

دة مش كويس لمصلحة البلد

كنت اتمنى ان المنهج يتناسب مع عقول الطالب ويتناسب مع ظروفنا الحالية

تحياتى للجميع

منتظر ردودكم وانتقاداتكم

وكل عام وانت بخير

[أ / مجدى العبد]

اوافقك الرأى
المنهج أكثر تعقيدا
وفى أغلبه يعتمد الحفظ

[شادى سلام]

كلامك صح يا ستاذ محمد وتحليل رائع للمنهج المشكلة لو تم تدريسة فى ترم واحد

[أ / أيمن حماد]

مظبوط يا استاذ محمد والمنهج كمان فيه غلطات علمية كتيرة

[شادى سلام]

ياستاذ ايمن خلاص دة المنهج اعتمد بشكل رسمى ولا لسة فى كلام تانى انا سمعت ان فى كلام تانى

[سيد رجب خضيري]

السلام عليكم ورحمة الله وبركاته الي اساتذتي لافاضل شكرا لكم وجزاكم الله خيرا معكم تلميذكم كيميائي سيد خضيري مدرس كيمياء اظن من وجهة نظري المتواضعة ان المؤلف لهذا الكتاب حاول ان يدخل الكيمياء من بابها الصحيح ولكنه لم يوفق
فبدأ ياخذ من كل جزئية قطعة وهذا يؤدي الي تنافر بين زملائي
احدهم يريد ان يفهم الطالب الاسس مثلاللاس الهيدروجيني ومن اين اتت وفوائدها كاملة والاخر يكتفي بالمعلوما الموجودة فتتحول الكيمياء الي مادة حفظ صماء
وهل من الصحيح ان ابدأ بالمعادلة الكيميائية قبل ان افهم الطالب يعني ايه مركب والصيغ ؟

[الاستاذ محمد الطنطاوى]

السلام عليكم
ردودكم على الموضوع اسعدتنى كثيرا
اتمنى كل واحد يقول راية وبصراحة بعد قراءة المنهج جيدا
فية تخبط كبير فى كل مؤسسات الدولة ودة واضح من نتيجة شغلهم العشوائى واتخاذ قرارات فى غير وقها تماما
اعلنت الوزارة عن مسابقة لتاليف مناهج جديدة
واختارت احدى هذة المناهج
وتركت الباقى
لم تعرف ان المنهج الذى اختارتة اكيد فية عيوب
ولم تدرك ان المناهج التى تركها بدون اختيار بها مميزات
ماذا لو خلطنا
بمعنى
نخار الكويس من كل منهج
افضل اجزاء تم شرحها
يعملوا لجنة من كافة التخصصات وضم مدرسين كبار يختاروا من المناهج التى قدمت للمسابقة افضل اسلوب
مش شرط يختاروا منهج واحد يفرضوة علينا
كنت اتمنى كل المناهج الى قدمت يختاروا منها افضل الموضوعات وافضل اسلوب فى عرض المعلومات
و فى الاخر
اكيد هنخرج بمنهج محترم مفيهوش اى عيوب او اخطاء يليق بمصرنا الحبيبة

كل عام وانتم بخير

[الاستاذ محمد الطنطاوى]

المشاركة الأصلية كتبت بواسطة سيد رجب خضيري

السلام عليكم ورحمة الله وبركاته الي اساتذتي لافاضل شكرا لكم وجزاكم الله خيرا معكم تلميذكم كيميائي سيد خضيري مدرس كيمياء اظن من وجهة نظري المتواضعة ان المؤلف لهذا الكتاب حاول ان يدخل الكيمياء من بابها الصحيح ولكنه لم يوفق
فبدأ ياخذ من كل جزئية قطعة وهذا يؤدي الي تنافر بين زملائي
احدهم يريد ان يفهم الطالب الاسس مثلاللاس الهيدروجيني ومن اين اتت وفوائدها كاملة والاخر يكتفي بالمعلوما الموجودة فتتحول الكيمياء الي مادة حفظ صماء
وهل من الصحيح ان ابدأ بالمعادلة الكيميائية قبل ان افهم الطالب يعني ايه مركب والصيغ ؟

ايوة يا استاذ سيد
انا ملاحظ انة بينقل معلومات من مراجع او من كتب الجامعات بدون ما ينظمها او يرتب افكارها بشكل جيد
كمان بيضع عناوين ولا يقوم بشرحها جيدا وكانة بيقول لنا اتصرفوا

المعلومات الاثرائية نادرة فى الكتاب
مش شايف تشويق فى المنهج
مش شايف كيمياء اصلا فى المنهج
مفيش معادلات كثيرة او اجهزة لتحضير مركبات وحتى القوانين مفيش عليها امثلة ومسائل كثيرة

[الاستاذ محمد الطنطاوى]

المشاركة الأصلية كتبت بواسطة أ / أيمن حماد

مظبوط يا استاذ محمد والمنهج كمان فيه غلطات علمية كتيرة

لك كل الشكر والقدير استاذ / ايمن
نعلم انك عمل فى كتاب الامتحان
واكيد حضرتك تعرف الاخطاء الموجوة فى شرح الكتاب
انا والله كل ما اقرا صفحة ابحث فى المراجع الموجودة معى للتاكد من صحتها او ابحث فى شبكات الانترنت لمعرفة معلومات اخرى عنها
وان شاء الله نخصص صفحة على المنتدى لابراز الاخطاء العلمية فى الكتاب

وارجو من الجميع
الا تبخلوا علينا بتلك المعلومات الفنية
لو فية اخطاء يجب ابرازها للجميع


ورجاء من اساتذتى بالموقع
المساهمة فى رفع اعمالكم الجميلة
حتى يستفيد منها الجميع باذن الله
وجزاكم الله خيرا

[الاستاذ محمد الطنطاوى]

الى كل من يريد تحميل كتب ف الكيمياء
مهمة جدا للمناهج الجديدة
من هنا
http://www.noorsa.net/browse.php?c=63&p=1

[سيد رجب خضيري]

السلام عليكم ورحمة الله وبركاته
اريد من اساتذتي الافاضل ان ننظر ماذا نفعل مع الطلاب نأسسهم ولا نحفظهم يب لو هتأسس الطالب بالمنهج ده
هتحتاج فوق 5 محاضرات خارج المنهج ده وان الطالب اقتنع الطلاب نسبة قليلة منهم اللي هاتعرف وهتحب المحاضرات دي والطلبة الاخرين هيكرهو المنهج بتوع ملتزمين بكتاب المدرسة
فارجوا التوصيات لهذه النقطة
-ثانيا عندي فكرة نعمل منهج كيمياء محترم مرتب منظم علي اسس قوية ونسعي لرفعه في الوزارة

[سعد مشعل]

انا عايز اعلق على الدكتور بدر الصبار ده رجل كان محترم جدا انا احبه لانى ازهرى اسال الله ان يعطى له كل خير

[طارق السيد احمد]

المنهج غير مناسب للطالب المصرى
المنهج يعتمد بدرجة كبيرة على الحفظ ا
المنهج اجزائة غير متكاملة لا يوجد ارتباط بين اجزاءة وغير مرتبط باى دراسة سبق للطالب ان سمع بها فى المرحلة الاعدادية

اين المعادلات الكيميائية فى المنهج


اين التحضيرات التى يمكن للطالب او للمعلم اجرائها فى المعمل

[طارق السيد احمد]

اضم صوتى الى صوت الاستاذ سيد الخضيرى بان نقوم باعداد منهج مناسب للطالب فى هذة المرحلة ورفعة للوزارة
تحياتى الى الاستاذ سيد الخضيرى وهو رجل نشط زو كفاءة علمية عالية

[الاستاذ محمد الطنطاوى]

ياربى
بالله عليكم تقروا صفحة 84
عايز تعليق على اول سطرين فى الصفحة
بالله عليكم تقولوا لى اية علاقة صفحتى 88و89 بالتغير فى المحتوى الحرارى
اقرا المقدمة على الفصل الثانى فى الكيمياء الحرارية
صفحة 90
بعد ما تقول المقدمة لو طالب سالك فيها وقالك ازاى يا مستر .... هترد تقول اية؟
المؤلف اختار مثال من الواقع لكن تفسيرة صعب
بالله عليكم
عايز تعليق على المعلومة الاثرائية اللى ف صفحة 92
للاسف الفصل دة بالكامل المؤلف فشل فى شرحة وصياغتة
ارجو تعليقاتكم على الكيمياءالحرارية
وجزاكم الله خيرا