بسرعة قبل التنسيق حاسبات عين شمس ولا حلوان ولا قاهرة

ROMEOOOO · #1 31-07-2011, 08:19 PM

أنا امبارح دخلت موقع الاستاذ و شفت حاسبات القاهرة لقيت فيها لحد دلوقتي 230 طالب اتقبلو و عين شمس لقيت 312 اتقبلو و حاسبات حلوان 19 طالب فقط اتقبلو أما بنها فخلصت في التنسيق الاول و قبلت 73 طالب

سؤالي هو مين أحسن حاسبات عين شمس ولا قاهرة ولا حلوان؟

أنا سمعت ان حلوان شغالة بنظام الساعات المعتمدة و ده ميزة و سمعت ان عين شمس فيها اقسم كتير كويسة ياريت حد يقولي ازاي حلوان قبلت 19 طالب بس في التنسيق الاول؟ و هي نازلة تنسيق تاني عاوز اعرف عدد دفعة حاسبات حلوان بيبقى كام بعد التنسيق التاني كل سنة و برده عين شمس نازلة تنسيق تاني و عدد اللي دخلوها 312 طالب فعاوز اعرف هي عين شمس بـتقبل لحد عدد كام ؟

و ياريت حد يقولي دون التحيز لي جامعة إيه أحسن حاسبات من ال تلاتة اللي ذكرتهم؟

أنا عموما إن شاء الله ممكن ادخل أي واحدة من التلاتة لأن أنا أول حاجة في التنسيق التاني و كل الحاسبات نزلت تنسيق تاني ما عدا بنها فقط .

هل دفعة حلوان بتبقي في الاخر صغيرة قوي اد دفعة بنها و لو كده تقريبا ده ميزة صح؟

بس محتار بين عين شمس و حلوان , أنا عاوز أعرف مين الافضل من حيث الاقسام و نظام الساعات المعتمدة و الدكاترة و النظام و الكلية ككل ؟

ahmed abobakr · #2 31-07-2011, 11:22 PM

والله انا رايح 4 حاسبات القاهرة وشايف انها ممتازة جدا وهيا كمان ساعات معتمدة

بس لو بتقارن بين عين شمس وحلوان اعتقد عين شمس افضل

abdallah hassan · #3 01-08-2011, 05:43 AM

انا عن نفسى دخلت حاسبات عين شمس واعتقد انها الافضل ولازم برضه تحط ف الاعتبار مكان السكن لان المواصلات هاتفرق معاك بعد كدة

amkmm · #4 01-08-2011, 05:43 PM

طب بالنسبة للاعداد؟ يريد حد يرد
انا جايب 382 وخايف

احمد محمود22 · #5 01-08-2011, 06:57 PM

اقتباس:

المشاركة الأصلية كتبت بواسطة amkmm

طب بالنسبة للاعداد؟ يريد حد يرد
انا جايب 382 وخايف

hانا جايب نفس مجموعك 382 يعنى 93.1
ياريت حد يرد علينا
و ياريت ترتبوا الاماكن من حيث كفائة التعليم
يعنى ايه هى الكلية الافضل

ananoo · #6 02-08-2011, 06:59 AM

السلام عليكم

بصراحة مش عاوزة افتي بس انا في حاسبات عين شمس الكلية بجد جميلة جدا ومستوى الدكاترة والمعيدين اغلبهم يعني كويسين جدا وبيسعدوا جامد
هية درستها تعتبر صعبة بالنسبة لباقي الكليات بس انا شيفاها ممتعة جدا
الكلية لسة مطبقتش نظام الساعات المعتمدة بس بيقولوا هيطبقوه قريب (همة مطبقينه في قسم واحد بس )
عدد الطلبة بيبقى في الطبيعي 400 بس احنا دفعتنا كانت في حدود 600 بس عامتا بيقسموا كل دفعة نصين والسكشن بيبقى فيه حوالي 30 طالب
عموما هوة جو الكلية جميل اوي وبتلاقي الناس كلها متعاونة مع بعض سواء طلبة في سنين مختلفة او معدين او دكاترة

بالتوفيق ان شاء الله لو في اي استفسار عن الكلية هحاول ارد ان شاء الله