رجاء خبير فيزيائي مصحح يجيب علي هذا الاستفسار

[أحمد سلاقوس]

بالنسبة لمسألة السؤال الثاني في امتحان الفيزياء
اجابتي كانت كالتالي
جبت المحصلة الكلية لكثافة فيض السلكين عند المركز
وبعد كده قولت لازم يتولد كثافة فيض للملف تساوي المحصلة للسلكين
والناتج طلع صحيح 0.6 امبير
لكن انا استخدمت قيمة (ميو ) معامل النفاذية . بس هو في النموذج ما استخدمهاش معتمدا علي انها هتتشطب من الجانبين
ففي مدرس قال لي اني هنقص نص درجة او درجة علي دي لانه ما قالش قيمتها في المسألة وانا استخدمتها .
فهل اجابتي صحيحة 4/4 ولا هنقص فيها . اتمني الاجابة

[الموجه الاول]

اجابتك صحيحة 100% وستأخذ الدرجة كاملة ان شاء الله وخطواتك سليمة ومطلوبة ولا تقلق .... فى نموذج الاجابة بعد حل المسألة يكتب " او اى حل آخر صحيح " بشير عبد الستار - موجه اول فيزياء - حاليا مدير التعليم الثانوى

[adel badawy]

كويس انك تستخدم اي ثابت فيزيائي حتي ولو غير معطي في المسألة علميا ورياضيا صحيح بالرغم من عدم المطالبة بحفظ الثوابت لكن واضع السؤال يثير ذهن الطالب لكي يتعامل رياضيا بالحذف من الجانبين واستخدامك للثابت لانك حافظه من كتر حل المسائل صحيح تماما

[وحيد عطاالله]

حلك صحيح و كده تاخد 3 / 4 و لوذكرت اتجاه التيار فى الملف مع عقارب الساعة تاخد درجة تبقى تاخد 4 من 4