عقد الرعاية الحراق ..... و اللي مالهمش فيها ..... و الـ nut

[Golden Eagle]

بسم الله الرحمن الرحيم
أولا ً كدا علشان الناس تفهم العنوان
nut دي يعني بندق ( أو لاسع برضو لو حطينالها s تمشي المعنيين )
شوفوا كدا قبل ما نبدأ

شوف السكوت و الزفير بعدها و شوية و كان هايفرش الملايه و يسب الدين زي ما عملها زمان
يلا ما علينا
نبدأ

اللي مالهمش فيها بينخفسوا ..... و إحنا هانروقهم
طلع كام واحد من نادي كدا
هم بيقولوا التاني ف الشعبية مع إن شعبيته ما تزيدش عن الاسماعيلي ولا الاتحاد ولا المصري
و بيقولوا التاني ف البطولات و ما بيقولوش رقم البطولات علشان ما يتكسفوش
المهم الكام واحد دول أجمعوا علي إن وكالة الأهرام جاملت الأهلي و قالوا نفس الكلمة
" لما نشوف وكالة الأهرام هاتدينا كام "
الناس دول لو تعبوا نفسهم و بصوا علي الاسم هايلاقوه " وكالة الأهرام للإعلان "
يعني مش جمعية القلوب الرحيمة للمحتاجين
يعني مش بتدي
دي بتشتري علشان تبيع و تكسب
ما علينا
قصة إنها بتجامل الأهلي دي هارد عليها ف النص التاني من الموضوع بالارقام ع لسان الراجل المختص بتاع الأهلي ( إسمه سعد شلبي تقريبا ً )
شكل الناس دي مش فاهمه يعني إيه شراء حقوق الرعاية أصلا ً
شراء حقوق الرعاية يعني وكالة الأهرام تحط إعلانات ف ماتشات الأهلي لفودافون و موبينيل و الكلام دا
و ع تيشيرتات الأهلي ( الشراب و الموقع برا الليله دي علشان اللي متغاظ يتغاظ أكتر )
يعني إعلانات ف ماتشات الأهلي ف الدوري + الكاس + أفريقيا ( اللي الدنيا كلها صيفت منها )
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــ
إتعمل ف مزاد ..... نعمل إيه تاني
بيع عقد الرعاية للأهلي إتعمل ف مزاد علني
إترفع السعر من بداية المزاد لغاية 140 مليون جنيه من شركة ليد ( شركه أجنبية )
الأهرام زودت مليون و كسبت عقد الرعياة بـ 141 مليون جندي ع الترابيزه الدفعه الأولي و في 2 غيرها كل فترة
دا غير الـ 3 معسكرات ف المكان اللي يطلبه النادي و غير إعلانات الموقع الالكتروني و إعلان الشراب
نتكلم واحده واحده ( الكلام مش علشان اللي مش عايز يفهم ..... الكلام علشان لو في أهلاوي مش فاهم يفهم )
لما شركة ليد وصلت لـ 140 مليون
هل الشركة داخلة كدا و هاتلم قد اللي دفعته ؟؟؟
يعني هاتلم 140 مليون بالتيله ف لما الأهرام زودت مليون لقيوا نفسهم هايخسروا و إنسحبوا ؟؟؟
أكيد دا تهريج لسبب بسيط
لو فرضنا إنك يا عم القرير سلفت واحد 1000 جنه لوكشة واحده
هاترضي يديهملك100 جنيه كل شهر ؟؟؟
هايتبعزقوا يا برنجي
و لكن و إن كان الوضع مختلف ف الأهرام بس برضو المكسب مش هايكون مليون واحد
يعني القصة إن شركة الأهرام جاملت حسن حمدي ( لو فرضنا إنها جاملته ) بمليون جنيه ع 3 سنين
يعني 333333.333333333333333333333333333333333333 جنيه ف السنه ( 333 ألف و 333 جنيه و 30 قرش تقريبا ً )
و أظن دي مش فلوس أصلا ً بالنسبة للأهلي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ
مكسب وكالة الأهرام من عقد رعاية الأهلي
العقد الماضي إتباع لوكالة الأهرام بـ 67.5 مليون
الأهرام كسبت فيه 139 مليون ( كلام الراجل اللي مع بندق و هو صحفي ف الأهرام )
يعني مش مجاملة
طيب
حج مش عارف مين عطا الله لما كان رئيس الزمالك ما كانت الوكالة بتدفع برضو أرقام كبيرة للأهلي

حج سعد شلبي بتاع الأهلي دا أولا ً واخد دكتوراه ف التسويق الاداري من ألمانيا
قال كلام المفروض اللي مالهمش فيها يقعدوا يتعلموا
أولا ً عمل إحصائية بين مشاهدي الدوري المصري من أعضاء عاملين ف الأهلي و أعضاء ف الأهلي و جماهير أهلاوية و جماهير أنديه تاني عن نسبة الاعلانات اللي بيشوفوها بيشوفوها فين ( ما وضحش أرقام بس العينة كانت 1024 نفر )
تاني حاجة ف ماتش الأهلي و الزمالك الإعلانات اللي ع تيشيرت الأهلي بتظهر لمدة 10.5 دقيقة ف الماتش
و ف ماتش الاهلي و الاسماعيلي بتظهر 8.3 دقيقة بمتوسط 9.4 و المتوسط العالمي 10.3
الاحصائات دي طبعا ً بتروح للوكاله و السعر بيزيد كمان و كمان
لأن في ناس فاهمه + شغالة بتجيب لبن العصفور


لكن واحد ناديه مش كدا يقدر يقول ناديه وحش ؟؟؟
لا دي كل الأنديه التانيه هي اللي مستقصدانا
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــ
فرق في السرعات
بين الأهلي و الزمالك شاء من شاء و أبي من أبي فرق في البطولات و المستوي
يعني في فرق ف السرعات
أكبر دليل إن المباراتين اللي لعبهم الأهلي الموسم دا ف السعودية و الكويت أخد ف ماتش السعودية 100 ألف + عمرة للاعبين + حقوق بث المباراة ع القناه و ف ماتش السالمية أخد 110 ألف + حقوق بث المباراة علي القناة
( و كسب الماتشين )
الزمالك بقي أخد 40 ألف ف الماتش اللي خسره برا مصر
دول كمان بيجاملوا حسن حمدي و الأهلي ؟؟؟
بطولات الأهلي و بالغش و الحكام
المحلية و العربية و الافريقية
طيب إيه قول الناس ف ثابت البطل اللي حافظ ع نظافة شباكه مدة طويلة و أخد مركز تاني ف العالم ف طول المدة ؟؟؟
الأهلي برضو كان بيرشي الحكام علشان ياخد اللقب التقديري دا ؟؟؟
35 أكبر من 11 بكل الأحوال
مش دايما إ التاني بيكون كويس
ما الأول ممكن يكون مقفل المواد ف تانيه إبتدائي مثلا ً و التاني ناقص 20 درجة
يبقي في فرق ف السرعات

[صبرى الصعيدى]

اكيد يا سيدى الرئيس فرق فى السرعات