سؤال بخصوص كورس ال cma

[thesuperspyman]

السلام عليكم يا اخوانني
انا لدي مشكلة كنت حابب اخد رأيكم فيها لو عندكم خبرة
انا خلصت معهد حاسب ألي كينج مريوط 4 سنين بكالوريوس
بعدها دخلت جامعه تجارة مفتوح اسكندرية وهيه مفيهاش قسم محاسبة
وحاليا انا كنت عاوز اتخصص في مجال المحاسبة وكنت عاوز اخد كورس cma
بس قريت من ضمن الشروط المطلوبة اني لازم اكون خريج كلية تجاره قسم محاسبة عشان اقدر اخدها
المعهد اللى انا اتخرجت منه كانت شعبتي نظم معلومات ادارية ولما هخلص كلية تجاره هكون اداره مال واعمال
وسمعت من دكتور ان قريت هينزل قسم محاسبة للتجاره المفتوح بس مش عارف هيطبق من امته
دلوقتي انا عاوز اعرف المعهد اللى خلصته قبل كدا قالولي ان شهادتي يعتبر معتمدة لكلية تجارة
ايه الحل عشان اقدر ادرس cma
واقدر احضر امتحانها انا اعرف ان من شروطها اني لازم اكون عديت سنتين شغال في مجال التجارة الموضوع دا سهل بس انا عاوز اتاكد من موضوع الشهادة او القسم عشان لو كدا الفتره الجاية عاوز ادخلها
ياريت اللى عنده معلومات يفيدني

[medo9322]

مفيش حد عارف يا خسارة
فين اصحااااب الخبرات

[Hesham Shafek]

بسم الله الرحمن الرحيم

شوف المشكلة مش فى البكالوريوس ..لان مش لازم محاسبة ولا ادارة اعمال فى مهندسين بياخدوا الشهادة ودكاترة ..هى عموما موجة للناس اللى هتشتغل فى البيزنس اكتر ..والمحاسب بيحصل عليها عشان يرتقى فى مناصب الادارية

المشكلة بقى ان لازم شهادة البكالوريوس اى كانت هى ايه لازم تكون معتمدة من جامعة معترف بيها من المعهد

مصر:
جامعة عين شمس , جامعة الإسكندرية , الجامعة الأمريكية بالقاهرة , جامعة القاهرة , جامعة حلوان , جامعة المنصورة , جامعة طنطا

دول المعتمدين فى مصر
السؤال اللى مفروض يتسأل هل يقبل المعهد شهادة التعليم المفتوح ام لا ؟
وده ممكن تساله للمعهد على الايميل ده
imamiddleeast@imanet.org

وهما هيردوا عليك فى خلال يوم يومين مش هيزيد عن 3 يعنى حسب ايام العمل

اما لو عاوز شهادة مهنية هتكون زى ACCA
بتقبل الطلاب بغض النظر عن الجامعة وبتقبل بمجرد الانتهاء من الثانوية العامة
بس مصاريفها كبيره شوية اخر مره حسبتها كان حوالى 22 الف تقريبا مش فاكر بالظبط
لانها عبارة 16 مادة وطبعا باللغة الانجليزية ....متخصصة اوى فى مجال المراجعة والدقيق

وربنا معاك ومعانا
تحياتى

[hiamsiam]

شكرا جزيلا والف شكر

[Last Fantasy]

فيه جامعات فيها تخصص محاسبه تعليم مفتوح مش شرط اسكندرية
جامعة اسكندرية ليها شروط والتزامات ممكن تعجزك بس ممكن تشوف اي جامعه تانيه
لو اتخرجت قسم اداره واخدت cma يبقي انت مش محتاج شهادة البكالريوس في حاجه :D