الغش فى الامتحانات اصبح مثل الهواء والفضل للمعلم.

[amrmosa]

الغش اصبح سمه التعليم الان المجاميع اصبحت خرافيه والنتيجه والمحصله الطالب مبيعرفش اى حاجه (لاعلم ولا ثقافه ولا اخلاق )

المدرس تناسى دوره واصبح مسهل وميسر لعمليه الغش الجماعى (من الابتدائى الى الثانويه العامه ).بل وينقل الورقه من طالب لطالب كل ده بحجه علشان اهلهم غلابه او الطالب فتوه وبلطجى .

ان لم يتقى المراقب الله فى نفسه وفى وطنه وفى الطلاب فلن نفلح ابدا .
وكفايه حجج باطله لان احنا بنخرب التعليم بايدنا وبعد ذلك نقعد نقول فين الوزير فين الرئيس .

نفسى نشد اللجان ونتقى الله ونكون ايجابيين ونعترض ونطالب بشئون قانونيه للتحقيق مع الجميع وحتى رئيس اللجنه.ولو اتظلمت وانت صح فارفع راسك وتفاخر.
وبعض المعلمين يبطلوا خوف من الطلاب .ولو حدث لك لا قدر الله اى ضرر .فتكون خلصت ضميرك امام الله .وربنا لا يترك من يدافع عن الحق .

انقذوا التعليم من الغش
والمدرس بايده الكثيررررررررررر

[ابورونا]

يعنى يموت ويتم عيالة
طالما لايوجد قانون يحمى المدرس ويمنع الغش ويمنع تعدى ولى امر او طالب على المدرس
لن ينصلح حال التعليم

[رامي فانز]

المشاركة الأصلية كتبت بواسطة ابورونا

يعنى يموت ويتم عيالة
طالما لايوجد قانون يحمى المدرس ويمنع الغش ويمنع تعدى ولى امر او طالب على المدرس
لن ينصلح حال التعليم

كلام حضرتك مظبوط ،

بالاضافة الي ذلك ان الادارة لو وصلت لها النتيجة (بالنسبة للابتدائي) اقل من 70 ولا 60 في المائه بترجعها المدرسة وتقول ارفع النتيجة



غير كده لو النتيجة اقل من 50 % المدرس بيأخذ جزاء بس طلبة مستهتره

وحاجات كتير ، ربنا يصلح الحال .

[محمد فيثاغورس]

المهم الثانوى العام دلوقتى كل واحد يتقى الله فى عمله نصف درجة تظلم ناس كتيرة وفى بلاد طبيعة اهلها طيبين ومسالمين مش بيغشوا وفى بلاد الغش حق مكتسب لديهم تخيل ان ابنك بينظلم ادامك وانت بتساعد على ظلمه ياريت كل معلم بيراقب يفكر فى كدا كتير اوى

[khaled1968]

بلطجة التعليم والغش دا حتى النساء تعدى على المعلمين باقبح الالفاظ والشتائم فى الامتحانات واسالوا اهل بيله

[emadahmedmahmoud]

لماذا اهل بيلا الموضوع علي مستوي الجمهوريه انا قيل امامي للمدرسين وانا منهم ياكفره اصبح الغش علي مستوي الجمهوريه واقسم بالله انا لااتهاون ولكن الموضوع اخطر من ذلك انت امام بلطجيه

[amrmosa]

يجب ان نراقب ضمارنا ونطبق القانون