الى الاخ الفاضل Mr/ REFAAT أرجو التثبيت

[المستكشف]

أولاً اشكرك جزيل الشكر
ثانياً بعض النقاط التى أود أن أناقشك فيها
1- ما السند القانونى الذى يعطى الموجه الحق فى تصعيد من هو أحدث وتركى أنا بسب الانتد اب و معنى ذلك ان الانتداب منع التصعيد وضياع الاقدمية والسنين التى قضيتها فى المحافظة الاخرى
2- أتفق معك ان الموضوع فى يد الموجه وأنه أذا أراد تصعيدى(النقل من الاعدادى للثانوى ) فلا أحد يمنعه
3- أعرف بعض الزملاء أن مدة أنتدابتهم تخطت الخمس سنوات و مازالوا يجددو
أرجو الرد و التواصل لكى أستفيد من خبراتكم

[Mr Refaat]

أشكرك علي تواصلك معي
أولا :أنا سعيد بأنه يمكن تجديد الانتداب بعد خمسة سنوات لأن هذا هو الأهم بالنسبة لك
ثانيا : بصورة مبسطة الانتداب لا يكسب حق بمعنى أن الموجه يمكن أن ينتدب أي واحد براحته من اعدادي الي ثانوي سواء كان أحدث أو أقدم و من نفس المحافظة أو من محافظة أخري يعني ينتدب أي واحد علي مزاجه و يستند علي كلمة لصالح العمل و كلمة أن هذا المعلم هو الأصلح و الكفء و لذلك الموجه لو كان عاوز ينتدبك أنت للثانوي مفيش مشكلة و كان ده شيء قانونى و محدش يقدر يجازيه علي ذلك و أنت اتفقت معي في هذه النقطة في ردك و تأكيدا لذلك في ادارتى كنت معلم اعدادي بعد تعيينى بسنة انتدبت لثانوي عام فاشتكي أحد المدرسين بأحقيته لأنه معلم أول اعدادي و متعين من عشرة سنوات و مع ذلك في التحقيق الموجه كان علي صواب مستندا علي أن الانتداب لا يكسب أحقية يعنى في الانتداب أنا لم أكتسب أو أزيد شيء حيث أني ما زلت مدرس اعدادي منتدب و لم أتغير الي مدرس ثانوي أساسي
ثالثا : عند ( نقل ) معلم من مرحلة اعدادية الي ثانوية فهذه ترقية و لذلك الاحقية للأقدم و يمكن للمعلم الأقدم أن يشتكي الموجه فمثلا أنا معلم منتدب من اعدادي الي ثانوي و قضيت خمسة سنوات منتدب بالثانوي عندما يريد الموجه أن ينقلك الي معلم ثانوي يمكن لأي معلم اعدادي أقدم منك رغم أنه لم يدرس بالثانوي أن يشتكي و يأخذ مكانك لانه أقدم منك و الانتداب أساسا ليس له أي قيمة
==رابعا: شيء أخر مهم
كما أتفقنا الموجه ينتدب بمزاجه أي معلم من اعدادي الى ثانوي بدون شروط سواء كان أحدث أو أقدم أو من نفس المحافظة أو منتدب من محافظة أخري لكن لو محدش عوز يروح ثانوي فالموجه يستطيع أن يجبر أقدم مدرس في الادارة و يروح ثانوي غصب عنه ... أي ان أي معلم اعدادي لا يستطيع الموجه أن ينتدبه الي ثانوي غصب عنه لكن في حالة انه أقدم مدرس في الادارة يستطيع الموجه اجباره و تحويله للشئون القانونية
= طيب في حالة النقل من مدرس اعدادي الي ثانوي فهذه ترقية و تكون بالأقدمية و أنت أكيد عارف كده لكن
بالنسبة ليك أنت منتدب من محافظة الي محافظة أخري كمدرس اعدادي للأسف يمكن لك في المحافظة المنتدب لها أن تروح الثانوي انتداب لكن لا يمكن لك أن تروح الثانوي نقل لأنك بمحافظتك الأصلية أنت مدرستك الأساسية اعدادية و كل بياناتك اعدادي و في جواب انتدابك و كل أوراقك حتلاقيها اعدادي فأنت علي قوة اعدادي
=خامسا : أنا مدرس اعدادي منتدب الي محافظة أخري و عوز أروح الثانوي في المحافظة المنتدب اليها و قضيت سنوات كثيرة أقدمية أعمل أيه؟؟؟؟؟؟؟؟؟
- في النظام القديم قبل الكادر كان المسمي معلم و معلم أول أو معلم ثانوي و أنت أكيد فاكر الكلام ده لو متعين قبل سنة 2008 كنت بتعمل ايه ؟
لما بتكون منتدب الي محافظة أخري كنت بتابع محافظتك الأصلية و لما تنزل ترقيات فيها كنت بتقدم علي الترقية و تروح تتدرب و تترقي يعنى مثلا أنا من سوهاج و مدرس اعدادي و عملت انتداب الي القاهرة .. في النظام القديم كنت أشوف في سوهاج لما تنزل الترقية أقدم فيها و أسافر الي محافظتى سوهاج و اتدرب للترقية لو بقيت مدرس أول أعدادي خلاص بأخذ نشرة الترقية للقاهرة عشان اتعامل في القاهرة كمعلم أول أعدادي لكن لو أنا خليت الترقية معلم ثانوي كنت بتضطر أنك تلغي انتدابك و ترجع محافظتك و تستلم في مدرسة ثانوي و بعد كده عوز تعمل انتداب ثاني أو تنقل الي محافظة الاخري ساعتها حتروح مدرسة ثانوي علي طول أو لو حبيت تكون في الاعدادي في المحافظة المنتدب ليها حتشوف واسطة أو تكتب اقرار علي نفسك انك عوز تشتغل في الاعدادي مش في الثانوي
لكن للأسف حاليا مفيش ترقيات النظام القديم معلم اول اعدادي او معلم ثانوي لكن فيه ترقية معلم أول أو معلم أول أ .........و هكذا
===يعنى علي النظام ده الحالي بعد الكادر عشان تروح ثانوي في المحافظة المنتدب اليها بالقانون و تأخذ حقك بالأقدمية فقدامك الأتى:
1- تنقل من محافظتك الأصلية الي محافظتك المنتدب اليها و تروح نقل نهائي و تحتفظ بسنوات الاقدمية و تقدر تشتكي الموجه براحتك و تطالب بالأقدمية
2- تلغي انتدابك و ترجع محافظتك الأصلية و تخلي الموجه ينقلك ثانوي و تبقي علي قوة ثانوي و بعد كده براحتك ترجع تعمل انتداب أو نقل للمحافظة اللي عوز تروحها بس حتروح ثانوي لأنك بقيت معلم ثانوي بس خلي بالك لو عوز تنفذ رقم 2 عوزة شغل جامد لأنك لازم تكون ضامن الموجه في محافظتك الأصلية ينقلك ثانوي علي طول بسرعة و تضمن انك لما ترجع المحافظة المنتدب ليها كمدرس ثانوي يكون الانتداب مفتوح و كمان الموجه ما يجيش يوديك ثانوي فنى
3- في المحافظة المنتدب اليها تخلي الموجه يعملك انتداب للثانوي بس طبعا ده براحة الموجه و ساعتها لو نقلت من محافظتك الاصلية للمحافظة المنتدب اليها الموجه في المحافظة اللي حتنقل اليها يقدر يعملك نقل للثانوي
====
بس بجد و الله من وجهه نظري الأعدادي أفضل من الثانوي بكثير من الناحية المادية و احترام الطلبة و أنا في الثانوي ليا 12 سنة و أسال مدرسين الثانوي
====
أسف للاطالة و لكن حبيت أوضحلك بالتفصيل و لو فيه أي استفسار أنا تحت أمرك بس فكر كويس قبل ما تروح ثانوي نصيحة من أخ

[أمنية رضوان]

ثالثا : عند ( نقل ) معلم من مرحلة اعدادية الي ثانوية فهذه ترقية و لذلك الاحقية للأقدم و يمكن للمعلم الأقدم أن يشتكي الموجه فمثلا أنا معلم منتدب من اعدادي الي ثانوي و قضيت خمسة سنوات منتدب بالثانوي عندما يريد الموجه أن ينقلك الي معلم ثانوي يمكن لأي معلم اعدادي أقدم منك رغم أنه لم يدرس بالثانوي أن يشتكي و يأخذ مكانك لانه أقدم منك و الانتداب أساسا ليس له أي قيمة
لعلم حضرتك كثير من معلمي اللغة العربية في الإسكندرية يتم ندبهم بحسب الرغبة ثم يتم نثبيتهم علي المرحلة الثانوية بدون أي مراعاة للأقدمية

[المستكشف]

لقد قرات ردك و لقد كان شافياً وافياً فالف الف شكر على أهتمامك وردك لى

[Mr Refaat]

الي الزميلة أمنية رمضان
كلامك صحيح و هذا ما يحدث حاليا في اي محافظة و هذا يرجع الي قانون الكادر الجديد
الانتداب كما قلت سابقا ليس له أي شروط أي براحة موجه المادة
أما النقل ففي النظام القديم قبل الكادر كان لازم تترقي معلم أول أعدادي أو ما يساويه معلم ثانوي و الأولوية للأقدم و كنت بتشتكي قانونية لتحصل علي حقك
في النظام بعد الكادر أتغير و محدش عارف حاجة و عشان كده الموجه بينتدب أي واحد للثانوي حسب الرغبة أو حسب من يري الموجه أنه الاصلح ثم بعد ذلك يتم تثبيته في الثانوي و ده لو كانت ادارته و التوجيه مرنة أما في بعض الادارات و المحافظات مش عارفين حاجة و مش بيرضوا يثبتوا حد لغاية ما يعذبوك