ازاى اذاكر الاحياء

[ايمى الادهم]

السلام عليكم ورحمه الله وبركاته

انا بفضل الله وبفضلكم بعده قدرت اظبط مواعيد مذاكرة و مع كل المواد
وحاسه براحه بعد كدة

انا دلوقتى عشان افهم فى الحصص واذاكر بسهوله بحضر الدرس قبل ما اروح ودة فى كل المواد وفعلا بفهم وبعد ما اجى بذاكر على طول واعمل الواجب

بس المشكله لما جيت اراجع المراجعه الاسبوعيه ( دة فى الاحياء ) لقيتنى مش عارفه اجمع الموضوع وفيه اجزاء كتير نسيتها وعرفت ليه دة لان مش براجع باستمرار
بس هنا المشكله اذاكر باستمرار ازاى يعنى اثناء الاسبوع اذاكر ازاى اجيب وقت ازاى لمذاكرة القديم قبل الجديد والتحضير انا كدة هعيش حياتى كلها على المكتب

ارجوكوا عايزة حل

[zoooo]

انا عندي نفس المشكلة والله

[amothman123]

مش عارف الناس بتواجه مشاكل كتيرة فى الأحياء ليه

بخصوص أنك نسيتيها دة طبيعى على أى حال
افتحي انت بس المادة كل يوم أوعى تعدى يوم من غير أحياء
انت مذاكرتك لما بترجع من الدرس بتثبت شرح المدرس
تانى يوم تذاكريها تانى و تعملي الواجب بقى مش أول ما ترجعي من الدرس
لأن دة هايثبت المعلومة أكثر
و ثالث يوم تعملي نفس الجزء تانى هاتلاقيه اتثبت أكثر و أكثر
و ماتركزيش الحل كله على واجب درس
لالالالالالالالالالالالالالالا
حلي على قد ما تقدري و من كتب مختلفة و حلي كتابة مش شفوى و تكتبي كل حاجة فى السؤال كأنك فى امتحان بالضبط
كدة هاتلاقى لما تييجى تذاكري الجزء دة فى المراجعة الأسبوعية هاتلاقيه تافه جداً
و لما تعدى الجزء دة و تييجى تراجعي على الى فات هاتلاقى معندكيش مشاكل فيه لأنه اتثبت بالحل الكتير و المذاكرة المتواصلة
و الفهم برضة المفروض بيقضى على النسيان لأن هو الى بيفضل فى الدماغ للأبد و منه تقدر تجيب الى فى الكتاب
و ربنا يوفقك الأحياء مش صعبة أوى كدة بالمناسبة
و زى ما قلت هى بالإنجليزى أتفه من العربى