شباب هندسه غريييييق

[Mr.Power]

بسم الله الرحيم الرحيم

معلش انا عارف ان المكان دة ممكن ميكنش للاستفسار اللي انا عاوزة بس طلب مُلِح سريع الرد لو سمحتم

دلوقتي انا داخل ثالثه ثانوي المشكله انى كنت عاوز احياء بنسبه 54% علي هنسه بنسبه 46%
بس المجموع في النص 95% انا علشان اعرف آخذ الخطوه لادام عاوز اعرف

دلوقتي في ناس بتقول ان رياضه 2 دة محتاجه فيساغورس يعني عبقري رياضه يعني للي بيحبها اوى اوى
ويقول لك حتى لو عدا منها هيخش هندسه مش هيطلع علشان دة تعقيد

وانا عامل حسابي هندسه يعني مدني وحاجه كمان انا عاوز الكليه اللي اخشها ابدع فيها مش يدوب اعدي ولا حتي جيد جدا
انا رياضه واحد اكتر مادة ناقص فيها 3.5 ودة شكلنني في نفسي جامد

وحاجه كمان

انا عاوز اعرف دول ليهم علاقه ببعض ولا هروح ادرس فيزيا في هندسه
وحاجة كمان الدراسه هتكون ازاى
يعني اللعه عربي ولا انجلش (معلش اصل انا لغات والعربي في الرياضه بطاطس يا مرسي)
وشكرا

[Bash engineer forever]

بيتهيئلي انك ممكن تلحق تدخل احياااء لو دي امنيتك
اصل اناا مش فهمااك انت عااوز ايه اصلا قبل المجموع

[Mr.Power]

يعني لو جايب 100% هكمل اسنان او صيدله

يعني حاطط هندسه في البديل بس خايف تكون معقده ف عاوز اعرف

[Bash engineer forever]

يعني انت لازم تجيب 100% علشاان تروح صيدلة او اسناان

[Mr.Power]

شكلك مش فاهمني انا بقول لو الخيار ادامى كامل

انا مش عاوز اخاطر ب احيياء غير لما اكون كرهت هندسه يعني م معني آخر الشماعه
علشان اهلي رفضوا الجامعه الخاصه ف مش عاوز اخش احياء واترمي في علوم
يا رب تكون فهمتني

[Bash engineer forever]

اناا فهمت بس انت شكلك كده عااوز تره هندسة
اصلا مفيش وقت للتفكير احناا خلاص في 10 |8 يعني لماا تكرر وتختاار المدرسين هتبدأ في 9
وجاامعة خااصة لية انت متخيل انك ممكن متلحقش صيدلة قول ان شااء الله
وادخل اللي تتمنااه وغير كده خاص معظم اللي بيدخله بيبقي جااايب 0في المية
وحااجة تاانية ليه بتقول انك ممكن تكره الرياااضة
اولا لو هي في اختيااراتك المفروض تقول احبهاااا

مش عاارفه اكيد في تفااوت في الافكااار بس اناا جاايبة حوالي 90 في المية وعاارفة ان ممكن الحق هندسة
مع ان معااي نااس في مدرستي جاايبين اكتر مني وحولو ادبي بس اناا عوزه كدة
واناا مهندسة للابد

[Noha 2007]

بص رياضه اضمن وكمان رياضه 2 سهله مش صعبه ولا حاجه لو انت مع مدرس كويس هتبقى تمام اوى
كمان لما تدخل هندسه مش هتلقيها صعبه ولا حاجه انا كنت خايفه منها بس لما دخلت لقيت ان الموضوع ابسط مما كنت متخيله
لو انت حابب تدخل هندسه اتوكل على الله وخليك فى الرياضه انما لو كانت امنيتك فى فى حاجه تانى يبقى انصحك ادخل الحاجه اللى انت حاببها ومتفكرش فى المجموع انت مجموعك ما شاء الله كويس مش وحش ولو انت مختار احياء بنسبه اكبر علشان الكلام اللى سمعته عن رياضه 2 فانا بقولك رياضه اتنين مش صعبه خالص انا كنت ناقصه فيها اربع درجات بس كانت ايامى الامتحانات صعبه مووووووت ممكن حتى تراجع المواضيع القديمه وتشوف كان مكتوب عنها ايه 2007 بس الحمد لله دلوقتى انا داخله تانيه هندسه والحمد لله ماشيه فيها كويس
وربنا يوفقك

[BaNZeR]

ياعم متعقدش نفسك اوي كده يعني

وبعدين حوار فيزيا ده لو انت بتفكر في كهربا
لكن كل الاقسام بلا استثناء بتستخدم الرياضة (بتستخدم مش بتعتمد عليها)
لإنك حتاخد هناك مواد هندسية بقى لا حتعرف تقول عليها رياضة ولا فيزيا

وبخصوص رياضة اتنين عايزة حد يحبها اه
بس مش صعبة لدرجة التعقيد يعني

فلو بتحبها ادخلها وانت مغمض
وسيب حوار صعوبة هندسة ده لقدام
الاقسام هناك كتير ومتنوعة

[الشفق الباكي]

ليا رأى يعنى سورى
ليه 95 مش ممكن تلحق صيدله او اسنان
كان فى دفعتى
دفعه ثانويه عامه سنه 2008 ناس فى تانيه جايبين 94 ولحقوا صيدله
وامتحانات تانيه كانت سهله جدا بالنسبه للى حصلكم يعنى
بالاضافه ان تلته مكنش فيها الا الفيزيا
يعنى رأيى انت لو مفضل احياء وحاببها اكتر ليه مش تكمل فيها

[Mr.Power]

طيب بخصوص الرياضه بتبقا عربي ولا انجلش
يعني الاقي ال مماس ولا ال tangent