|
||||||
| اجتماعيات طالب قسم خاص بالطلاب للتعارف و تبادل المعارف و الحلول للمشكلات التعليمية |
 |
|
|
أدوات الموضوع | انواع عرض الموضوع |
|
#1
01-03-2013, 06:15 PM
|
||||
|
||||
علمتني الثانوية العامة !
السلام عليكم و رحمة الله و بركاته اتمني كلكم تكونوا بخير و بأحسن حال طبعاً مفيش طالب ثانوية عامة بيدخلها من غير مايتعلم حاجات كتير كتير أوي (زي الراجل الكبير في السن الي عنده خبرات كتير من الحياة احنا عندنا خبرات كتير من سنتين الثانوية العامة!) لأن تجربة الثانوية العامة لا يستهان بها ... عموماً كل الخبرات الي احنا بنتعلمها نوع واحد منها بس هو المهم في الموضوع ده و هو الي احنا هنتكلم عليه و النوع ده هو >>>>>>> المذاكرة قصدي إن كل واحد مننا بقي عنده نصائح جامدة جداُ في المذاكرة عرفها عن تجربة شخصية أكتشفها لوحدو أو حد قالهالو و جربها و لقاها ناجحة جداً ... و المطلوب منك هنا إنك تدخل تكتب كل حاجة اتعلمتها عن المذاكرة في الثانوية العامة : الطرق الي نفعت معاك في المادة الأدبية أو العلمية و الطرق الي فشلت و نقصتك في الأمتحان ... سبب تفوقك في مادة معينة ...أسرار مذاكرة مادة التاريخ أو الأحياء أو الفزياء الي بسببها قفلت الأمتحان ... الي خلاني أفكر أعمل الموضوع ده حاجتين : الأولي إن كل الطلبة الي داخلين ثانوية عامة أكيد عندهم تساؤل عن كيفية المذاكرة و الطرق الصحيحة و الفعالة فيها أما الطلبة الي خلصوا ثانوية عامة خصوصا الي دخلوا كليات قمة و جابوا أعلي درجات عندهم كنز ثمين من الأساليب و الطرق و المعلومات و النصائح أكيد مش هيبخلوا بيها علينا ! السبب التاني و الأهم أن كل واحد فينا مختلف عن التاني في طريقة مذاكرته و أحيانا بيكون عنده إبداعات و إبتكارات جميلة في المذاكرة تخليها سهلة و تساعدك تحل في الامتحان ... ( ملحوظة : الفكرة دي موجودة في مواقع أجنبية عالمية و أنا شخصيا استفدت من المواقع دي لكن طلاب بوابة الثانوية العامة عندهم هما كمان الي ممكن يقدموه و ممكن يكون أفضل بكتيير من المواقع العالمية ) و عشان تفهموا قصدي أكتر هبدأ أنا بمجموعة من الأشياء الي بتنفع معايا أوي : مثلاً لما بيكون مطلوب مننا إننا نحفظ مجموعة خطوات أو قوائم أو شخصيات عديدة في الأدب حاولوا تطبقوا الطريقة دي : 1-اسم الشخص بيكون له معني زي (سعيد أو فهمي أو عبد الرحمن) 2-أربط كل المعاني ببعضها في سلسلة ممكن تكون قصة أو أي حاجة فلو أفتكرت أسم واحد منهم لازم تفتكر اسم التاني 3-و المثال ده هيوضح قصدي أكتر : عبد الرحمن _أنور _عاطف_سليم (نفرض أنهم مجموعة شعراء أو كتاب أو أي حاجة ) 4-الراجل الي أسمه عبد الرحمن بيحب ربنا الي هو الرحمن عشان كدة ربنا بينورله طريقه و لما ربنا ينورله طريقه بيعطف علي الفقراء و بتكون نتيجة عطفه علي الفقراء أن ربنا يسلمه من كل أذي ! الطريقة دي من أختراعي و بتساعدني أوي خصوصا في الأدب (مليان شعراء و كتاب و أدباء) ابتكرتها لما كنت بحاول أحفظ أسماء الشعراء في أول السنه ممكن أنتوا كمان تجربوها و إن شاء الله تنفع معاكو زي منفعت معايا ... و ممكن تطبق الطريقة دي علي أي قدر من المعلومات مش قادر تحفظه لأن لو ربطت كل معلومة باالي وراها كفاية إنك تفتكر أول معلومة عشان تفتكر كل الي باقي... زي لما تكون بتتكلم في موضوع و منه تفتكر حاجة تانية و هكذا و في طرق تانية كتير تشبه الطريقة دي لو الموضوع عجبكوا و الطريقة عجبتكوا إن شاء الله هكتب كل الطرق التاية للحفظ أو المذاكرة . معلش طولت عليكم بس أتمني تستفيدوا من خلال الوضوع ده و تفيدوا... شكراً
__________________
|
|
#2
01-03-2013, 06:22 PM
|
|||
|
|||
اقتباس:
|
|
#3
01-03-2013, 06:24 PM
|
||||
|
||||
|
فكرة ممتازة جدا
وتكون الجمل بالذات لحفظ العناصر الجزئية مهم جداااااااااااااا تفرق كتير اوى فكرة اكثر من رائعة تحياتى لك
__________________
كنتَ كبيرا
فصرتَ أصغر مما كنت أتوقع هذا قدرك الحقيقى
|
|
#4
01-03-2013, 06:28 PM
|
||||
|
||||
|
اقتباس:
شكراً كثيراً لمرورك الموضوع زاد قيمة بثناءك عليه أستاذي.
__________________
|
|
#6
02-03-2013, 12:04 PM
|
|||
|
|||
|
جميل جدي بجد بس كمل وحياه ابوك يا راجل انا متعقد جدا وعايز اعمل جدول مراجعه حلووو
|
|
#7
04-10-2013, 07:33 PM
|
|||
|
|||
|
بارك الله فيكي كملي باقي الطرق علشان محتجين اوي للحاجات دي
|
|
#8
12-10-2013, 02:25 PM
|
|||
|
|||
|
جميل اووى الموضوع بس مواقع اجنبيه زى ايه ممكن الاقى فيها حاجه زى دى لوسمحتى؟
|
|
#9
13-10-2013, 11:58 AM
|
|||
|
|||
احب اقولكم طريقة هتنفعكم في مذاكرة اللغة الانجليزية هي مش طريقة بمعني الكلمة هي اسلوب او منهج لازم تضع امام عينك انك بتدرس اللغة دي مش بس علشان الامتحان انت بتدرس اللغة دي علشان مستقبلك انت لما تخلص ثانوي وتيجي تشتغل لازم يبقي عندك لغة تانية واللي هي الانجليزي مع ان بعض الشركات بتطلب لغتين انجليزي وفرنساوي بس الانجليزي لحد الان هو الاهم ثانيا انت لو ناوي تدخل كلية هندسة او طب اصلا اصلا في مصطلحات محدش هيعرفها ان كان عربي او لغات او هندي فالكل سواء لكن تركيب الجمل والمواضيع مكتوبة بلانجليزي فده هيساعدك واخر حاجة خد الانجليزي انها لغة مش منهج وفي معلومة ان اللي بيتقن الانجليزية والفرنسية امتلك العلم بسبب كمية العلم اللي مكتوب باللغتين دول وانت اكيد لما تتخرج هتبقي عايز تستفيد من العلم ده حط الموضوع ده بالك واسف علي الاطالة وربنا يوفقكم
__________________
Turn a step_ back into a success
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 11:51 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
