حق الطالب في ان يكون التأمين الاجتماعي لكل المصريين

[مسلمة22]

حق الطالب في ان يكون التأمين الاجتماعي لكل المصريين

ايه العنوان الغريب ده
ايه دخل المعاشات بالطلاب
العلاقة قوية جدا ، هو ايه اللي مخلي المدرس مستحمل الوظيفة دي ، و قابل انه يتخلي عن دوره كمربي و معلم و تحوله الوزارة الي مجرد سجان ، اللي مخليه مستحمل هو الضمان الاجتماعي عشان لو مات ولا جراله حاجة ولاده يلاقوا ياكلوا

و الا في مدرسين كتير اما بيدوا دروس خصوصية او عندهم دخل تاني يخليهم يستغنوا عن الملاليم اللي بتديهالهم الوزارة

طيب اشمعني المدرس و الطبيب و الظابط ليهم الحق في معاش الضمان الاجتماعي و بقية المهن الحرفية لا ، المزارع اللي بيتعب و يكد كل يوم عشان يأكل الناس ، و الفران اللي واقف قدام نار الفرن ، و الشيال اللي بيشيل اثقال تهد حيله كل يوم

كل المهن المتعبة دي الحكومة عملت ليهم معاشات تقريبا 77 جنيه في الشهر ولا بالكتير 100 جنيه

المهم ان الحكومة في كل وزارتها منتهي الفوضي في القوانين و غياب للعدل

و الحكومة ذالة الموظف بالملاليم اللي بتدهاله

المهم في موظف بقي عجبتني كلمته ، المهم هو بيروح الشغل تقريبا ملوش شغل ولا حاجة اهو بيروح يقعد علي المكتب و خلاص

فقال انا حارس للمعاش بتاع ولادي

يعني يروح يقعد كدة من غير شغلة و لا مشغلة ، علي العكس ناس مطحونة في الشغل و بتستحمل برضو عشان المعاش

فاتمني الاخوة المدرسين اللي تاعبين نفسهم عشان موضوع الكادر ، ان ندور علي حق بقية الشعب

التأمين الاجتماعي العادل حق لكل المصريين
ساعتها يوم ما الوزارة حتصدر قرار ميعجبش المدرس ساعتها حيسلمهم كشاكيل التحضير بتاعتهم و مع السلامة

[مسلمة22]

بس للأمانة مش كل المدرسين سجانين ، الطالب لما يكون متفوق بيبقي عايز يتعلم من غير ما المدرس يضغط عليه


مدرس الابتدائي اللي بيعلم الطفل القراءة و الكتابة و مبادئ الحساب دي اهم حاجة في التدريس علي الاطلاق


المواد العملية الطلاب بيحبوا يتعلموها عشان بتبقي الحصة مش كئيبة

[مسلمة22]

ايه اللي بيخلي الاباء يضغطوا علي ابنائهم عشان يذاكروا ، عشان يلاقي لنفسه كرسي في الجامعة و بعدين يلاقي لنفسه كرسي في الوظيفة


طيب لو كل الناس بتاخد المعاشات بالعدل ، خلاص حتتفك بقي عقدة المدارس و الثانوية العامة