كلام الناس؟

[Ahmed El Rawi]

السلام عليكم ورحمه الله وبركاته

في البدايه دا اول موضوع ليا هنا معاكو يارب اكون خفيف عليكو
انا شغلانى الايام دي موضوع مهم اوي وهو كلام الناس بقيت بفكر كتير هو انا لا قدر الله لو ربنا موفقنيش السنه دي الناس هتقول عليا ايه ياترا هيزعلو ولا هيشمتوا فيا ودي النا خايف منها اوى يعني انا مش عارف ليه الايام دي بفكر كدا ودا بيسببى احباط جامد لما بكون بذاكر
وهل كلام الناس ممكن يوثر علي الواحد بحاجه كويسه انه يديك دافع مثلا انك تذاكر اكتر ولا العكس مستنى ردودك

[Dr..Soha]

اولا :اهلا وسهلا بيك فى اجتماعيات طالب
ثانيا:انا لما بكون مقتنعة بحاجة وصح مبيهمنيش كلام الناس واللى بيكلمنى مبسكتلوش
اما فى المذاكرة بيكون دافع ايجابى ليا انى مش عاوزة حد يشمت فيا وفى اهلى وانى ابقى اد المسئولية وادعى ربنا يعينى جدااااااااااا

[To Be Is To Do]

المشاركة الأصلية كتبت بواسطة ahmed el rawi

السلام عليكم ورحمه الله وبركاته

في البدايه دا اول موضوع ليا هنا معاكو يارب اكون خفيف عليكو
انا شغلانى الايام دي موضوع مهم اوي وهو كلام الناس بقيت بفكر كتير هو انا لا قدر الله لو ربنا موفقنيش السنه دي الناس هتقول عليا ايه ياترا هيزعلو ولا هيشمتوا فيا ودي النا خايف منها اوى يعني انا مش عارف ليه الايام دي بفكر كدا ودا بيسببى احباط جامد لما بكون بذاكر
وهل كلام الناس ممكن يوثر علي الواحد بحاجه كويسه انه يديك دافع مثلا انك تذاكر اكتر ولا العكس مستنى ردودك

وعليكم السلام ورحمه الله وبركاته

أولا / إنت منور القسم

ثانيا / كلام الناس لا بيودى ولا بيجيب كما يقال يعنى
لأن كل واحد بيقول كلمه ومش عارف عواقبها إيه ، وتلاقيه بيقولها وخلاص ومش هامه
إنت تذاكر وتعمل إللى عليك وخلاص وسيب الملك للمالك ولا يهمك كلامهم ف حاجه
إنت ذاكر عشان " أنا عايز أحقق كذا وعايز أفرح بابا وماما " مش عشان الناس يقولوا كذا
وتذكر إنه لا يوجد إثنين يجتمعان ع شخص واحد

ذاكر وشد واعمل إللى عليك وسيبها ع الله تعالى

[Aya Mn Allah ♥]

فك خالص من كلام الناس
لانه مش بيودى ولا بيجيب
انا بقول كده ع طول لنفسى بس مش هقدر انكر انى بدايق لو حد شمت فيا عشان النتيجة
المفروض ده يبقى حافز ودافع لينا اننا نذاكر عشان مش نسمع اى كلمة من اى حد ممكن تآثر ف نفسيتنا

[THE CodeR]

لو هتعبأ لكلام الناس يبقي تاخد علي نفسك عهد انك مش هتعمل اللي يستنكره الناس سواء امامهم ام وحدك ......
ضحكت فقالـوا الا تحتشم .. بكيت فــقالــوا الا تبتــسـم

بسمت فــقالوا يـرائي بها .. عبست فقالوا بدى ماكــتــم

صمت فقالوا كليل اللسان .. نطقــت فقــالوا كــثير الكلم

حلمت فقالوا صنيع الجبان .. ولـو كــان مـــقتدرا لانــتقـم

بســلت فــقالوا لطـيش به .. ومــا كـــان مجــترءا لو حكم

يقـــولــون شد اذا قــلت لا .. وإمـعــه حــيـن وافــقتهــم

فايقنت انـي مهــمــا اردت .. رضــا الــنــاس لابـــد ان اذم

[mohamed fouadd]

الانسان بيكون ليه هدف من كل تجربة بيخوضها في حياته , سواء حقق الهدف او لا فاللي يهمه اولا نفسه مش كلام الناس
كلام الناس يتاخد بيه في حالة واحدة اذا كانت نصيحة خير , الانسان وقتها ميكابرش اذا كان ماشي في طريق غلط , غير كده فبيكون كلام لا بيقدم ولا بيجيب ,
الانسان اتولد لوحده وعمل لوحده وهيموت لوحده وهيبعث لوحده وسيقف فردا يوم الحساب
يبقي ماله ومال كلام الناس؟

[222ahmed222]

اقولك حاجه بصراحه يعني م الآخر


انا لما كنت في ثانوي عام قبل الامتحان بشهر ونص تقريبا روحت سألت واحد جيراننا في هندسه خاص بقوله

تتوقع اجيب كام في الميه راح قاللي بص يابو حميد انت مش هتزيد عن 85% فانا زعلت قاللي متزعلش انا عمري ما قولت لحد حاجه الا وطلعت صح كل ال توقعتلهم جت نتيجتهم زي ماقولتلهم
انت كنت عايز تدخل ايه اصلا؟روحت قولتله هندسه راح قاللي من غير زعل يعني لما انت هتدخل هندسه اومال مين اللي هيملى اداب وتجاره وخدمه اجتماعيه قاللي انت هتجيب 85% وبنت معانا ف الشارع اسمها سين مثلا هتجيب 98% وواحده تانيه هتجيب 99% عشان هم دول ال بيذاكروا
تصور انت الكلام دا نزل عليا بوقع صعب جدااااا منتهى الاحباط وقعدت تلات ايام بفكر في كلامه وانا محبط جدا ومبذاكرش وبقول هو ايه فايدة المذاكره يعني كنت مفترض ان كلامه خلاص واقع وكإن استغفر الله العظيم يعني ان ربنا ال كان بيتكلم معايا
بس بعدها بكام يوم اهلي اصروا عليا يعرفوا ايه ال حصللي حكيتلهم قالولي انت اهبل وسيبك منه وكدا

وذاكرت وكملت ونفضت للكلام دا والحمدلله جيبت 97% وال كان بيقول هو عنها انها هتجيب 98% جابت 85% وال كان بيقول هتجيب 99% جابت 90% واتضرب بكل كلامه عرض الحائط واديني اهو بكلمكم من موقعي في كلية هندسه هههههههه

[doha94]

المشاركة الأصلية كتبت بواسطة ahmed el rawi

السلام عليكم ورحمه الله وبركاته

في البدايه دا اول موضوع ليا هنا معاكو يارب اكون خفيف عليكو
انا شغلانى الايام دي موضوع مهم اوي وهو كلام الناس بقيت بفكر كتير هو انا لا قدر الله لو ربنا موفقنيش السنه دي الناس هتقول عليا ايه ياترا هيزعلو ولا هيشمتوا فيا ودي النا خايف منها اوى يعني انا مش عارف ليه الايام دي بفكر كدا ودا بيسببى احباط جامد لما بكون بذاكر
وهل كلام الناس ممكن يوثر علي الواحد بحاجه كويسه انه يديك دافع مثلا انك تذاكر اكتر ولا العكس مستنى ردودك

ملكش دعوه بكلاااااااااااااااام الناس لان على ما قد ما فى ناس هتشجعك على قد ما فى ناس هتحبطك
فا انت ما تاخدش بكلامهم اصلااااااا خليك فى حالك واعمل اللى يعجبك وسيبها على ربنا

وعلى راى عم جورج كلااااااااااااام الناس لا بيقدم ...ولا يأخر...كلام الناس ملامه وغيره مش اكتر
سقفه بقى ليا الله هههههههههههههههههههههه

[Ahmed El Rawi]

مشكورررر ليكو جميعا علي النصايح دي وربنا يوفق الجميع

[Dr..Soha]

المشاركة الأصلية كتبت بواسطة 222ahmed222

اقولك حاجه بصراحه يعني م الآخر


انا لما كنت في ثانوي عام قبل الامتحان بشهر ونص تقريبا روحت سألت واحد جيراننا في هندسه خاص بقوله

تتوقع اجيب كام في الميه راح قاللي بص يابو حميد انت مش هتزيد عن 85% فانا زعلت قاللي متزعلش انا عمري ما قولت لحد حاجه الا وطلعت صح كل ال توقعتلهم جت نتيجتهم زي ماقولتلهم
انت كنت عايز تدخل ايه اصلا؟روحت قولتله هندسه راح قاللي من غير زعل يعني لما انت هتدخل هندسه اومال مين اللي هيملى اداب وتجاره وخدمه اجتماعيه قاللي انت هتجيب 85% وبنت معانا ف الشارع اسمها سين مثلا هتجيب 98% وواحده تانيه هتجيب 99% عشان هم دول ال بيذاكروا
تصور انت الكلام دا نزل عليا بوقع صعب جدااااا منتهى الاحباط وقعدت تلات ايام بفكر في كلامه وانا محبط جدا ومبذاكرش وبقول هو ايه فايدة المذاكره يعني كنت مفترض ان كلامه خلاص واقع وكإن استغفر الله العظيم يعني ان ربنا ال كان بيتكلم معايا
بس بعدها بكام يوم اهلي اصروا عليا يعرفوا ايه ال حصللي حكيتلهم قالولي انت اهبل وسيبك منه وكدا

وذاكرت وكملت ونفضت للكلام دا والحمدلله جيبت 97% وال كان بيقول هو عنها انها هتجيب 98% جابت 85% وال كان بيقول هتجيب 99% جابت 90% واتضرب بكل كلامه عرض الحائط واديني اهو بكلمكم من موقعي في كلية هندسه هههههههه

سقفة سقفة سقفة ههههههههههه
هيصوا ياولاد هيييييييه زقططوا ياولا د هييييييييييييييييه
معلش يااحمد اعذرنى المذاكرة مخلينى فى الباى باى خالص

[prof/sand]

انا شايفة ان الناس تعبر عن نفسها مش بتعبر عنك انت خالص ومتكونش زى الاسفنجة تمتص اى حاجة انت اكبر من كده وافضل دايما لكن لو انت اردت فالمرء حيث يضع نفسه

[اسحاق نيوتن]

المشاركة الأصلية كتبت بواسطة Ahmed El Rawi

السلام عليكم ورحمه الله وبركاته

في البدايه دا اول موضوع ليا هنا معاكو يارب اكون خفيف عليكو
انا شغلانى الايام دي موضوع مهم اوي وهو كلام الناس بقيت بفكر كتير هو انا لا قدر الله لو ربنا موفقنيش السنه دي الناس هتقول عليا ايه ياترا هيزعلو ولا هيشمتوا فيا ودي النا خايف منها اوى يعني انا مش عارف ليه الايام دي بفكر كدا ودا بيسببى احباط جامد لما بكون بذاكر
وهل كلام الناس ممكن يوثر علي الواحد بحاجه كويسه انه يديك دافع مثلا انك تذاكر اكتر ولا العكس مستنى ردودك

اعتمد على الله وتوكل عليه واعلم ان مصيرك بيده وحده مالك الملك ولاتتاثر بكلام الناس حتى لايؤثر على حياتك ويجعلك تجرى وراء الفشل وتقبل مرورى بصدر رحب