ما رأيكم في كمية منهج الترم الثاني في الفيزياء للصف الثاني الثانوي الأزهري

[عبدالعزيز عطوة]

بداية أود أن أتقدم بالشكر لكل القائمين على الموقع

أود أن أطرح موضوع
منهج الترم التاني للصف الثاني الثانوي الأزهري
كلنا نعلم أن الترم الثاني به وحدتين هما الموائع والحرارة
وبناء على التجربة فإن هذا الكم الكبير لابد أن يشرح في شهرين ونصف إلى ثلاثة أشهر تقريبا
ومع الشرح بناء على مستويات طلاب الأزهر فإن الموضوع يحتاج خمسة أشهر على الأقل
لذلك أود أن نقوم بإرسال فاكسات أو شكاوى إلى شيخ الأزهر وإلى مستشار الفيزياء أن يقوموا بنقل وحدة الموائع إلى الترم الأول مع وحدة الموجات حيث يكون الوقت متسع لأن الترم الأول كبير في المدة مقارنة بالترم الثاني

أرجو من الجميع المشاركة والاهتمام بسبب معاناة الطلاب من ذلك الموضوع
وأرجو من سيادتكم وضع طرق التواصل مع شيخ الأزهر ومستشار الفيزياء ومستشار المناهج
ايميل أو فاكس أو تليفونات أو صندوق بريد

[Abu Ezz]

فعلا هما كتيييييييير أوى ولازم حاجة منهم تتنقل للترم الأول

[حميدعبده]

شكرا لك استاذ عبد العزيز على طرحك هذا الموضوع المهم هو فعلا منهج الترم الثانى كبير فى حين ان منهج النرم الاول قصير جدا
ومع احترامى الكامل لرأى حضرتك لو تم نقل وحدة الموائع للترم الاول كده يبقى الترم الاول كبير جدا ونكون فى مشكله اكبر من الاولى لان وحدة الموائع كبيره جدا ومليانه افكار زى ما حضرتك عارف
انا من رأيى انه يتم نقل الامواج للترم الثانى والمائع والحراره للترم الاول
ياريت كل مدرسين الفيزياء فى المنتدى يشاركو بأرائهم فى الموضوع ده لحد ما نلاقى اسلم حل لا يخل بالعمليه التعليميه

[عبدالعزيز عطوة]

المشاركة الأصلية كتبت بواسطة حميدعبده

شكرا لك استاذ عبد العزيز على طرحك هذا الموضوع المهم هو فعلا منهج الترم الثانى كبير فى حين ان منهج النرم الاول قصير جدا
ومع احترامى الكامل لرأى حضرتك لو تم نقل وحدة الموائع للترم الاول كده يبقى الترم الاول كبير جدا ونكون فى مشكله اكبر من الاولى لان وحدة الموائع كبيره جدا ومليانه افكار زى ما حضرتك عارف
انا من رأيى انه يتم نقل الامواج للترم الثانى والمائع والحراره للترم الاول
ياريت كل مدرسين الفيزياء فى المنتدى يشاركو بأرائهم فى الموضوع ده لحد ما نلاقى اسلم حل لا يخل بالعمليه التعليميه

المهم ان الرأي ده يصل إلى المسئولين عن مناهج الفيزياء بالأزهر

وبالنسبة للتوزيع فالأفضل يكون بترتيب كتاب المدرسة
وتعالى نتكلم بصراحة
الترم الأول بيوصل لخمس شهور بالنسبة للدروس طبعا وبالنسبة للمعهد 4 شهور فلما يكون عندك شهرين للأمواج وشهرين للموائع أعتقد انها فترة كويسة علشان نمشي بترتيب المنهج

[حميدعبده]

لكن كده الترم الثانى يكون فيه الحراره بس
وبالنسبه للترتيب المنهج يجب الالتزام بيه لو الامواج مرتبطه بالموائع لكن ده مش موجود وانا فاكر ان المنهج القديم كان بيبدأ بالموائع والازهر كان بيبدأ بالوحده الثانيه (الامواح)برده

[أ / أيمن حماد]

متحاولش انت فى الازهر!!!!!!!!!!!!!!!!!!!!!!!

[سامحsd]]

المشاركة الأصلية كتبت بواسطة حميدعبده

لكن كده الترم الثانى يكون فيه الحراره بس
وبالنسبه للترتيب المنهج يجب الالتزام بيه لو الامواج مرتبطه بالموائع لكن ده مش موجود وانا فاكر ان المنهج القديم كان بيبدأ بالموائع والازهر كان بيبدأ بالوحده الثانيه (الامواح)برده

فعلا هذا ما كان يحدث والافضل هو البدء بالامواج لوجود ارتباط بين الموائع والحرارة

[سامحsd]]

المشاركة الأصلية كتبت بواسطة عبدالعزيز عطوة

بداية أود أن أتقدم بالشكر لكل القائمين على الموقع

أود أن أطرح موضوع
منهج الترم التاني للصف الثاني الثانوي الأزهري
كلنا نعلم أن الترم الثاني به وحدتين هما الموائع والحرارة
وبناء على التجربة فإن هذا الكم الكبير لابد أن يشرح في شهرين ونصف إلى ثلاثة أشهر تقريبا
ومع الشرح بناء على مستويات طلاب الأزهر فإن الموضوع يحتاج خمسة أشهر على الأقل
لذلك أود أن نقوم بإرسال فاكسات أو شكاوى إلى شيخ الأزهر وإلى مستشار الفيزياء أن يقوموا بنقل وحدة الموائع إلى الترم الأول مع وحدة الموجات حيث يكون الوقت متسع لأن الترم الأول كبير في المدة مقارنة بالترم الثاني

أرجو من الجميع المشاركة والاهتمام بسبب معاناة الطلاب من ذلك الموضوع
وأرجو من سيادتكم وضع طرق التواصل مع شيخ الأزهر ومستشار الفيزياء ومستشار المناهج
ايميل أو فاكس أو تليفونات أو صندوق بريد

اعترض على هذه العبارة
(ومع الشرح بناء على مستويات طلاب الأزهر فإن الموضوع يحتاج خمسة أشهر على الأقل )
واوافق على الباقي

[عبدالعزيز عطوة]

المشاركة الأصلية كتبت بواسطة سامحsd]

اعترض على هذه العبارة
(ومع الشرح بناء على مستويات طلاب الأزهر فإن الموضوع يحتاج خمسة أشهر على الأقل )
واوافق على الباقي

بص يا سامح لو عملنا مقارنة بسيطة بين طلاب 3 ثانوي عام ( اللي هما بيدرسوا الموجات والموائع والحرارة ) هنقول الآتي
1- دول كانو جايبين أعلى مجموع في 3 إعدادي يعني صفوة الإعدادي
2- دخلو اولى ثانوي ونجحوا
3- في تانية ثانوي حصل تصفية وناس دخلت علمي وناس دخلت أدبي
4- اللي نجحوا في تانية علمي ناس منهم حولت أدبي وناس جايبة مجاميع عالية كملت 3 ثانوي علمي فانا بعتبر ان 90 % من طلاب 3 ثانوي علمي صفوة لأن مجموعهم فوق 90%

أما طلاب الأزهر بعد 3 إعدادي دخلوا علمي وفي ناس منهم كانت جايبة ملاحق كمان ولم تحدث لهم أي تصفية لأنهم في أولى في ناس نجحت وفي ناس جابت ملاحق وكملت
فتلاقي في 2 ثانوي من كل عشرة طلاب 2 فقط مستواهم متميز والآخرين متوسطين وهؤلاء يحتاجون طرق معينة في شرح الفيزياء وهذا ما أقصده
أرجو انك تكون عرفت المقصود بالجملة وشكرا على مشاركتك

[زكريا مختار]

انا اظن ان الوضع الحالي افضل الاوضاع لان الموائع فصلين
اذا تم نقلها الي الترم الاول يكون الترم الاول 5 فصول والترم الثاني 2فصل وحجمهم صغير
والفصل الرابع فية ارشميدس بخلاف حجمة ولايصح نقل فصل في ترم وفصل اخر ف ترم اخر فاظن الوضع الحالي اصعب الاحوال

[مؤمن العمدة]

والله يا ريت الفيزياء كلها تبقى فى تانية والحديثة بس فى تالتة هو انت مطالب بمجموع فى تانية فكله تخفيف