يلا بسرعة قبل قدوم شهر الخيرات

[د/بسمة الاسلام]

السلام عليكم ورحمة الله وبركاته
كل سنة وأنتم طيبين خلاص رمضان على ألابواب وبالمناسبة دى إحنا عاملين مبادرة اسمها يلا نتوب قبل رمضان والمبادرة دى ليها أهداف كتيرة ومن أول الأهداف دى ان الرسالة دى توصل لأكبر عدد من الناس قبل شهر رمضان مايبدأ ودا طبعا مش هيتحقق من غير مشاركتكم معانا وطبعا ماتنسوش الثواب اللى هتحصلوا عليه إن شاء الله والدال على الخير كفاعله.




ممكن كتير من الناس يسئلوا إحنا هنتوب ليه إحنا مش بنعمل كبائر عشان كدا فى كام نقطه هذكرها وهقولك إحنا هنتوب ليه:-
1- محتاجين نتوب من الكبائر مثال نتوب من ترك صلاة الفجر.
2- محتاجين نتوب من الصغائر ( غض البصر والغيبه والنميمه ).
3- محتاجين نتوب على نعم ربنا اللى مش بنشكر ربنا عليها .
4- محتاجين نتوب عن غفلتنا طول السنين اللى فاتت .
5- محتاجين نتوب عن ذنوب كنا بنعملها زمان وسبناها بس لسه ماتوبناش عنها .
6- المتدينين إللى بقالهم سنين محتاجين يتوبوا عشان قلوبهم قبل كدا كانت رقيقه ودلوقتى اتعودت على طاعة ربنا ودموعهم قلت ومابقتش زى الأول .
7- وكمان محتاج تتوب عن تضيع وقتك ومعملتش بيه حاجه للإسلام .
8- محتاجين نتوب لأننا أخرنا التوبة لحد دلوقتى .
9- محتاجين نتوب عن فرحتنا أثناء عمل الذنب (وفرحك بالذنب أشد عند الله من الذنب وحزنك على فوات الذنب أشد عند الله من الذنب وحرصك على ستر نفسك عندما تفعل الذنب أشد عند الله من الذنب وأستصغارك للذنب أشد عند الله من الذنب ).
وكمان فى حاجة لازم أقولها إن ربنا فاتح باب التوبة فى كل وقت وفى آيات كتير وأحاديث بتتكلم فى الموضوع دا كان لازم الأول نعرف أنواع الذنوب اللى المفروض نتوب عنها وبعدها أقول الآيات والأحاديث:

بسم الله الرحمن الرحيم
(( قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ )) . (الزمر:53)

{أَلَمْ يَعْلَمُواْ أَنَّ اللَّهَ هُوَ يَقْبَلُ التَّوْبَةَ عَنْ عِبَادِهِ} (التوبة:104) .

(إِنَّمَا التَّوْبَة عَلَى اللَّهِ لِلَّذِينَ يَعْمَلُونَ السُّوءَ بِجَهَالَةٍ ثُمَّ يَتُوبُونَ مِن قَرِيب) (النساء:17) .

(التَّوْبَةَ عَنْ عِبَادِهِ وَيَعْفُو عَنِ السَّيِّئَاتِ وَهُوَ الَّذِي يَقْبَلُ) (الشورى:25) .
(إِلَّا مَنْ تَابَ وَآمَنَ وَعَمِلَ عَمَلاً صَالِحاً فَأُولَئِكَ يُبَدِّلُ اللَّهُ سَيِّئَاتِهِمْ حَسَنَاتٍ وَكَانَ اللَّهُ غَفُوراً رَحِيماً ) (الفرقان:70) .

وقد وردت أحاديث عدة تؤكد هذا المعنى وتوضحه، من ذلك ما جاء عن عبد الله بن عمر رضي الله عنهما: أن رسول الله صلى الله عليه وسلم، قال: (إن الله تبارك وتعالى يقبل توبة العبد ما لم يغرغر) رواه أحمد و الترمذي.

فيقول النبي صلى الله عليه وسلم: إن الله تعالى يبسط يده بالليل ليتوب مسيء النهار، ويبسط يده بالنهار ليتوب مسيء الليل حتى تطلع الشمس من مغربها. رواه مسلم.

وقول النبي صلى الله عليه وسلم: التائب من الذنب كمن لا ذنب له. رواه ابن ماجه وحسنه الألباني.

إذا تاب الشاب قالت التوبة مرحباً وأهلاً وإذا تاب الشيخ تقول التوبة نقبلك على ماكان منك

يلا شارك معانا فى المبادرة وخليك أول واحد يجدد توبته قبل رمضان ما يبدأ.

ياريت كل واحد ينشرها ويوصلها لكل الناس اللى يعرفهم .


أرجو تثبيت الموضوع الى أن يحين موعد إنتهاء المبادره وهو أخر يوم فى شهر شعبان

منقول للافادة وياريت كلنا ننقله وننشرة ونعمل حملة توبة جماعية

[yomna1993]

جزاكي الله خيرا
موضوع جميل جدا بجد
و يا رب يتقبل مننا صالح اعمالنا و توبتنا
رمضان كريم

[مستر/محمد أبو عمرو]

[د/بسمة الاسلام]

وجزاكم الله مثله

يارب تب عنا جميعا
استغفرك ربي واتوب اليك

[علاء سيف]

القرآن ينادينا
{أَلَمْ يَأْنِ لِلَّذِينَ آمَنُوا أَن تَخْشَعَ قُلُوبُهُمْ لِذِكْرِ اللَّهِ وَمَا نَزَلَ مِنَ الْحَقِّ وَلَا يَكُونُوا كَالَّذِينَ أُوتُوا الْكِتَابَ مِن قَبْلُ فَطَالَ عَلَيْهِمُ الْأَمَدُ فَقَسَتْ قُلُوبُهُمْ وَكَثِيرٌ مِّنْهُمْ فَاسِقُونَ }الحديد16
بلى يارب ان الاوان
اللهم تب علينا توبة ترضيك وتقبلها منا

مشكورة يا اختنا الفاضلة وجعله الله في ميزان حسناتك