أرجو الرد

جمــ الروح ـال · #1 07-09-2012, 02:47 PM

السلام عليكم ورحمة الله وبركاته

أولا مبروك لكل اللى دخلوا علوم

انا كنت محتاجه اسأل عن حاجه

هو كل الأقسام فى علوم بتكون بتنسيق ولا لا فى أقسام من غير تنسيق ؟

وياترى كيمياء وحيوان بتنسيق ولا لا؟

انا كتبت كيمياء وحيوان أول رغبة عندى وأنا جايبه 94.5 تفتكروا أدخله ولا ايه النظام

سؤال كمان لو انا ال 3 رغبات اللى كتبتهم كانوا اعلى من مجموعى بيحصل ايه؟

معلش طولت عليكم وفى انتظار ردودكم

كيميائي طبي2011 · #2 07-09-2012, 02:52 PM

فيه جامعات بتعمل الاقسام بتنسيق وجامعات لاء
وغالبا لو مجموعك ماجبشي اول واحده بتلاقيكي في الرغبه التانية او التالته

جمــ الروح ـال · #3 07-09-2012, 02:55 PM

طيب متعرفش حضرتك المنصورة فيها تنسيق لكيمياء وحيوان ولا لا ؟

طيب لو في تنسيق ل3 بغبات وملحقتش بعمل ايه ؟

وسؤال كمان معلش هتعبك شويه ايه الدبلومات اللى ممكن أعملها بعد التخرج من كيمياء وحيوان ؟

جمــ الروح ـال · #4 07-09-2012, 03:15 PM

طيب انا ممكن أعمل دبللومه كيمياء شرعى ولا لا؟

كيميائي طبي2011 · #5 07-09-2012, 03:18 PM

اقتباس:

المشاركة الأصلية كتبت بواسطة جمــ الروح ـال

طيب متعرفش حضرتك المنصورة فيها تنسيق لكيمياء وحيوان ولا لا ؟

طيب لو في تنسيق ل3 بغبات وملحقتش بعمل ايه ؟

وسؤال كمان معلش هتعبك شويه ايه الدبلومات اللى ممكن أعملها بعد التخرج من كيمياء وحيوان ؟

معرفشي الصراحه المنصوره فيها تنسيق بالدرجات ولا بالرغبه
ولو ملحقتيش الرغبه الاول بتبقي التانية او التالته

والدبلومات والتخصصات للي تقدري تخصصي فيها هي

1- الكيمياء التحليله
2-الكيمياء العضويه
3-الكيمياء الفزيائيه
4-الكيمياء التطبيقيه
5-الكيمياء الحيويه
6-الكيمياء الطبية التطبيقيه
7-الكيمياء الشرعيه
8-علم الدم
9-الطفيليات
10-علم المناعه
11-كمياء الانسجة والمناعه
12 علم الفسيولوجي
13-علم الاجنه
14-علوم الاعصاب
15- التشريح المقارن

جمــ الروح ـال · #6 07-09-2012, 03:21 PM

طيب نا لازم أعمل دبلومة واحده بس ؟
ولا ممكن أعمل مثلا فى كيمياء شرعى وحيوى ولو ينفع بتكون ازاى ؟

كيميائي طبي2011 · #7 07-09-2012, 03:23 PM

اقتباس:

المشاركة الأصلية كتبت بواسطة جمــ الروح ـال

طيب نا لازم أعمل دبلومة واحده بس ؟
ولا ممكن أعمل مثلا فى كيمياء شرعى وحيوى ولو ينفع بتكون ازاى ؟

ممكن تعملي دبلومات او ماجستيرات في كل التخصصات السابقه

جمــ الروح ـال · #8 07-09-2012, 03:27 PM

طيب بتكون كل دبلومه لها سنه ولا كل اللى بعمله فى سنه ؟

طيب لو ملحقتش ال 3 رغبات اللى كتبتهم وهم لهم تنسيق بيحصل ايه ؟

كيميائي طبي2011 · #9 07-09-2012, 03:59 PM

اقتباس:

المشاركة الأصلية كتبت بواسطة جمــ الروح ـال

طيب بتكون كل دبلومه لها سنه ولا كل اللى بعمله فى سنه ؟

طيب لو ملحقتش ال 3 رغبات اللى كتبتهم وهم لهم تنسيق بيحصل ايه ؟

كل دبلومه سنه منفصله
وممكن تلاقي تخصص في الدبلومات موجود في جامعه وجامعه لاء
وفيه ناس بتلاقيها واخده تلات دبلومات وماجستير وهكذا

وبالنسبة لو ملحقتيش التلات رغبات ممكن يوزعوكي ع اي قسم رابع ع مزاجهم بس ده نادر ما يحصل

جمــ الروح ـال · #10 07-09-2012, 04:15 PM

متشكره جدا
وربنا يجازيك خير على اهتمامك وردك عليا