مخنوووووق :(

[هتـــلر]

بصراحه بعد التعديل الاخير اللى شفته مبقتش طايق اذاكر
انا مش فاهم هنجيب وقت منين نروح مدرسه و نروح 7 مرات دروس
و العربى قصته لسه مش متاكدين ايه هى بالظبط و شكلها اتغيرت و لسه هنستنى عقبال ما تتطبع
و المدرسين يلحقو يلخصوها
بجد حاجه تخنق
انا مش متفائل السنادى

[NeVeR CoMe BacK]

لا اله الا الله
بلاش بس مش متفاءل دى تفاءلو بالخير تجدوه ^^
ممممممممممممم انا لسة مشفتش النظام هقرأه دلوقتى

[NeVeR CoMe BacK]

تمام انا قرأته اهو
بيتهيقلى كويس اوى كده انصاف مناهج وهتبقا العملية فل
المدرسة فيه ايه لما تاخدها منازل ؟؟؟!! بيتهيقلى كده احسن عادى يعنى ومش هيأثر عالمجموع !
ده رأى منى بقا
مش لازم تبدأو دروس جميع المواد فى اول السنة يعنى لو العملية هتبقا صعبة انك تزاكر كل المواد من اول السنة طيب منت ممكن تقسمهم يعنى مثلا هما انصاف مناهج تاخد دروس فى المواد التقيلة الاول وتزاكرها وبعدين لما تكون بتراجع فيها بقا تبدأ المواد التانية !! ولا كده انا غلطانة؟؟
طيب علا الاقل متتقلش علا نفسك وخلاص اودامك السنة طويلة والله يبنى كبر مخك
انا السنة اللى فاتت والله بدأت مزاكرة بجد من حوالى شهر 3 ومكنتش فتحت العربى خالص ولا الاحصا وكنت مخلصة منهج الفيزياء شرح علا اول 4 !! والاحياء دخلت فى نص 4 ومكنتش راجعتها ولا مرة !!!! مع ان الاحياء لو تسمع ناس هتقولك لازم تتراجع بتاع 10 مرات ولا حاجة
يعنى يعتبر لميت المناهج كلها فى 4 و5 بس قعدت بقا الشهرين دول من الدروس وفضلت مع نفسي فى البيت وخلاص ماعدا الفيزياء يعنى والحمد لله جبت 100.1%
يعنى متخنقش نفسك والله اللى مكتوبلك هتشوفو ^^
ومتضغطش علا اعصابك وكلو هيبقا تووومااااااااااااااااااام