نظام الساعات المعتمده

without mercy · #1 14-08-2009, 07:15 PM

اللى يعرف اى حاجه عن النظام ده يا ريت يتفضل يقولها وياريت بالتفصيل كدا وبراحه عشان كلنا نستفاد
ولكم جزيل الشكر

salma@ · #2 15-08-2009, 11:32 AM

نظام الساعات المعتمدة نظام جديد ويطبق في الدول الاوروبية وبعض الجامعات العربية

وبيكون لكل مادة عدد ساعات معينة

يعني مثلا : النظري غالبا بيبقي وقت المحاضرة فيه ساعتين.. كل ساعة منهم

تعتبر ساعة معتمدة ........ والعملي الي مدته ساعتين او تلاتة يعتبر ساعة معتمدة يبقي كدة المادة ليها

3ساعات معتمدة .......وفي مواد في سنة تانية وتالتة ورابعة بتبقي نظري فقط يبقي ليها ساعتين معتمدتين

وعلشان تطلع سنة تانية لازم تنجح في 18 ساعة معتمدة من اولي .......وعشان تقيد في سنة تالتة لازم تكون

ناجح في42 ساعة معتمدة من سنة اولي وتانية .... وعشان تقيد في سنة رابعة لازم تكون ناجح في66 ساعة

معتمدة من اولي وتانية وتالتة........ ولو شلت مواد لاقدر الله في حاجة اسمها سمر كورص ...ده فصل

دراسي

مكثف في الصيف تروح تسجل فيه مادتين علي الاكثر وبتدفع 100 جنية للماده .... بيبقي فيه محاضات عادي

ومعامل وكانك بتاخد المادة من جديد........ السمر كورص مش اجباري ولاحاجة

.... بس بتسجل فيه

علشان تدخل الامتحان ولازم تلتزم بحضور المحاضرات.........

وفي حاجة تانية اسمها متطلبات جامعة دي لاز تاخدها علشان تتخرج وملهاش سنة محددة ممكن تاخدها في

اي سنة بس يفضل انك تاخدها في سنة اولي علشان عدد الساعات مش كتير.......... المواد دي ذي الحاسب

الالي والانجليزي وحقوق انسان ومادة تانية تختارها حسب الجدول......... في حاجة كمان انت الي بتختار جدولك

والاوقات بتعته ....... بينزل كل فصل دراسي جداول بمواعيد كتيرة لكل مادة وانت تختار الوقت الي

يناسبك.........

انا شرحت نظام الساعات المعتمدة بالنسبة لجامعة القاهرة ... لكن بصراحة معرفش ايه نظام الجامعات التانية

وربنا يوفقكم جميعا ......

without mercy · #3 16-08-2009, 01:59 AM

ميرسى يا سلمى ربنا يخليكى بجد معلومات حلوه اوى عن النظام ده بجد الف شكر
ويا ريت يا جماعه اللى يقدر يضيف كلام يتفضل وشكرااااا

منة كلية العلوم · #4 17-08-2009, 09:32 PM

طب الباقى من سنة تانية النظام الجديد هيبقى بالنسباله ايه وهايخده اذاى وهيدرس ايه والمواد اللى درسها فى اولى وتانية تعتبر من الساعات المعتمدة ولا لاء والنسبة لمتطلبات الجامعة انا اخدت الحاسب واللغة وحقوق الانسان بس على النظام القديم يا ترى لازم اخدهم تانى ولا لاء ارجو الرد سريعا وشكرا

without mercy · #5 18-08-2009, 12:04 AM

شكرا على مرورك يا منه ويا ريت يا جماعه اللى يعرف اى حاجه عن النظام ده يتفضل يقولها

زيزو1900 · #6 18-08-2009, 12:21 AM

انا مكنت بدرس بالنظام دة بس للي اعرفه عنه
انك بتختار مواد للي عايز تدرسها وممكن تاجل باقي المواد
بس انت بتبقي مقيد بعدد ساعات معينه
وبالتالي ممكن تخليك تخلص الكليه في 3 سنين ونص دة لو واحد دماغة زريه

without mercy · #7 18-08-2009, 11:49 AM

الف شكر على مرورك يا زيزو ويا رب تطلع دماغى ذريه عشان اخلص