دا احنا هنذاكر مذاكرة.....

[Dr:Marwa:if Allah wishes]

السلام عليكم



الى كل اللي بيحب المذاكره

الى كل اللي مبيحبش المذاكره

والى كل اللي نفسه يحب المذاكره

والى كل اللي الوقت زنقه


والى كل اللي محبط بسبب ضيق الوقت وكتر المواد


والى كل واحد وواحده في التعليم وخارجه


انا بهدي الكلمات دي لحضراتكم






**************

في البدايه صلي على النبي


ووحد الله

وهدي نفسك


ومتتعصبش لما اقولك ان المذاكره شيئ جميل جدا


في ايييييييييييه ؟؟؟ لسه بقول لحضرتك متتعصبش عليا


دانا بحبك ، ورايدلك الخيييييييييييييييييير


صلي على النبي تاني


صلي !!!!!!


احنا هنتكلم حالا كلام هيعجبك ان شاء الله


بس قبلها عايز اديك فاصل لحد المشاركه الجايه


فهدي اعصابك



كل الحكايه ان انا عايز اعرف انت بس شايل هموم الدنيا على دماغك ليه ؟؟؟

والله الكتب معانا والوقت معانا وربنا معانا

ودلوقتي حاللا هديك وصفه ايمانيه نفسيه تاخدها على الريق وتدعيلي


انا كنت بعملها ايام الامتحانات لما ادخل جو الامتحانات

اولا : هات كتبك ومن فوق في الحته البيضه اكتب اللي هقولك عليه ده

** جدد نيتك **


وتحتها على طول تكتب

لله / للنبي / للاسلام / للامه / للوالدين / للأحباب / للنفس

وركز معايا في الكلام اللي جاي ده عشان هو اللي بيه هنذاكر مذاكره ملهاش حل


كل الموضوع بما فيه ان انا عايز مع بعض نعلي هتمنا ونفسيتنا للمذاكره
والحقيقي ان المذاكره عمل من احب احب احب الاعمال اللي ربنا بيحبها مننا
عشان كده كان لازم نتكلم فيها مع بعض


ودلوقتي تعالى ناخد العناصر اللي كتباها
اولاا : لله : ( وعيييييييش معايا بقه )


* ربنا امرنا بالزياده في العلم ( وقل ربي زدني علما ) فانت هتكون بمذاكرتك طاااااااائع لربنا اوي
* هو بيحب عبادة الوقت ، والوقت ده وقت امتحانات ومذاكره ، يبقة هو حاببنا نذاكر . فمبروك علينا اننا بنعمل حاجه ربنا بيحبها ، يا بختنا بربنا بجد ، غيرنا بيذاكر ومش هياخد في اخرته حاجه ، والاعجب ان فيه غيرنا بيذاكر عشان يهدم دينا .
* كمان يا بختنا بجد بعداد الحسنات اللي هيتفتح مش هيبطل ابدا طوووول ماحنا بنذاكر
* تخيل تعبك في الدنيا وانت على الكتاب مع راحتك على سريرك في الجنه ، وتخيل فرحك في الجنه بفرحة نجاحك ، ماهو زي ما قال العندليب : ما لقيت فرحان في الدنيا زي الفرحان بنجاحه .
* تخيل لما ربك يحط في قلبك انك عبد رباني بطاعتك ليه ، يااااااااااااااااااا بختك بجد .
مش هطول عليك اكتر من كده ، نروح لتاني عنصر ( النبيييييييييييييييي ) حبيبك ، ما تصلي عليه .

*** للنبي :
* هو امرنا بالعلم : فيا بختك بتنفيذ امره ، وطاعتك ليه .

* هو كان بيفرح بالمتعلمين ، فمبروك عليك فرحته ,
* هو حاببنا نكون بنذاكر في الوقت ده .
* هو هيسقيك بايده لما تجيله متميز
* هو هيمسحلك على ضهرك اللي ياما تعبته عشانه وعشان تفرحه
* هو هيقعدك جنب معاذ ، واسامه ، وعلي ، والعظماء دوووول ، ( بالله عليك مش ده كفيل يدينا طاقة مذاكره ست شهور لقدام .؟؟؟ )
برضه مش هنطول اكتر من كده


العنصر التالت : للاسلام : حبيب قلوبنا الغالي
** بالله عليك منفسكش تعليه وتعلى بيه ، وتعزه وتنصره وترفع راسه قدام الاديان اللي كلت وشنا .

** منفسكش تكمل مسيرة حبيبك النبي اللي يااااااما انضرب ودمه سال عشانه .
** منفسكش تقف بيه كده في وش الدنيا كلها وتقول ديني اهو شوفوه ياللي عمركو معرفتوه ولا حسيتوه .
** تعالى اخدك لموقف مهم يوم القيامه سيدنا الحسن البصري بيتخيله : بيقول : وكأن الاسلام يأتي على شكل رجل يوم القيامه ويبص في وشوش كل الناس ، ويشاور ، ويمسك ايد كل واحد ، ويعلي صوته قدام ربنا وقدام كل الخلق اللي واقفين ويقول : ياااااااااارب ده نصرني ، ويااااااااارب ده خذلني


- فياااااااترى انا وانت من انهي فرييييييق فيهم ؟؟؟؟؟ سؤال محتاج لمذاكره وتفوق ، يالا نذاكر .
***********
العنصر الرابع : للأمه :
* اسمع معايا كده صوت من العراق بينادي ، لوحده اسمها نور ، كانت في سجن ابو غريب ، بتقول : الحقونا ، تعبنا بجد ، شكل الاعداء مفزع وهما بيشربو الخمر بوحشيه قدامنا ، وبيعذبونا ، بطونا اتملت من اولاد الزنا ، بنغتصب اكتر من 8 مرات في اليوم ، صديقتي مستحملتش فقعدت تضرب راسها في الحيط لحد ما ماتت ، لو مش هتساعدونا تعالو ا***ونا انتو ومتسيبوهمش ي***ونا هما ,
- وجعك كلامها ، ألمتك رسالتها - صراخها ملا ودانك ، دموعها غرقتك ، حيائها اللي اهين حركك ، طيب قولي .. هتدفع مذاكره قد ايه تمن فداءها والرد عليهم .
** امتنا كانت رقم واحد في كل حاجه ، وخصوصا العلم ، وكل مجال علمي مش بس الديني ، ولو عايز امثله وبراهين مستعد اديييييييييييييييييييك امثله تملا موضوع لوحدها .

** يالا نرفع رايتنا بايدينا ، ونعلي امتنا بكام يوم مذاكره .


**************
العنصر الخامس : للوالدين والاحباب
** فرحتهم عند ربنا في ميزانك تتاقل بالجبال ، ودمعتهم عند ربنا ولا تساوي براكين الدنيا ، فياترى هتذاكر وتفرحهم دنيا واخره ، واللا ايييييييييه ؟؟
** يا بختك صحيح لما تكون سبب في رفعة راس والدك ووالدتك قدام الناس ، حاسسها ؟؟ شايف عزتهم وفرحتهم ، ربنا يكرمك يارب زي ما هتفرحم دنيا واخره .


*********
العنصر الأخير : لنفسك

** هتحترم ذاتك اوي
** هتقول بافتخار انك ناجح ، واسال اللي نزل قبل كده .
** هتاخد الناس لربنا من غير ما تحس ، لان فلان الملتزم متفوق ، الله عليك لما الناس تحب ربنا بسببك .

******************
الكلام كتييييييير ، بس انا حبيت اذكرك وكل احبابنا اللي نفسهم يعملو حاجه كويسه
وربنا يعزنا ويعز بنا
والسلاااااااااام عليكم ورحمة الله ،

[إسلام صبري]

جزاك الله خيرا
كلام رائع

[الباش مهندس]

بارك الله فيك
كلام اكثر من رائع

[طالبة ولكن]

بجد والله كلامك هزني وحرك فيا حاجات كتييير قوي


انا دخلا اذاكر اهو وربنا يجعلو في ميزان حسناتك ان شاء الله

[داندن]

بجد ربنا يكرمك
علي كلامك الجميل اوي ده
انت بجد خليتني افوق لحاجات مكنتش واخدة بالي منها
وحسيت بالمسئولية
ربنا يجزيك الجنة

[hamtaroo]

جزاك الله خيرا

[رحيق الإسلام]

وعليكم السلام ورحمة الله وبركاته ،،

رآئـع جدًا (:
جـزاكِ الله خيرًا

[bent aboha]

بجد كلامك مؤثر جدا
المذاكرة فعلا حاجة جميلة
وربنا يهدينا جميعا باذن الله لما فيه الخير
جزاكى الله خير

[قلبي ملك لربي]

هو الموضوع بجد رائع بس انا كنت بحب المذاكره قوي بس تقولوا ايه الحسد والقر يالهووووووووووي مفعولهم سريع ايه ولا الصاروخ

[منه الله(منمن)]

بجد كلام تقشعر له الابدان
كلامك روعه بجد المزاكرة شئ حلو زى ماقولتى ورضا لربنا قبل كل دة
تسلم ايديك ع الكلام دة

[sad nono]

كلا رااائع بكل ما تحمله الكلمة من معنى الف شكر ليكي

[mo2men be allah2]

بسم الله لا قوة الا بالله بجد كلام جميل وروعة
باذن الله هنذاكر ونرفع امتنا من تاني ان شاء الله
بارك الله فيكي يا دوك

[hala azzam]

كلام جميل جداا جزاك الله كل خيرررررر بس انا كنت بحب المذاكره جداا وكنت بذاكر بكل النوايا اللي انتي قلتيها ديه انا كنت ساعتها في الاعداديه وجبت مجموع مش حلو اوي ومن يوميها كرهت المذاكره وكرهت حياتي كلها