|
#1
30-12-2010, 10:08 PM
|
|||
|
|||
للكوسه فى بلدى شئون!!!!
للكوسه في بلادي شئون بتخلي المسنود فرعون يتفرعن فين مهما يكون وتخلي الجاهل أستاذ والأعرج لاعب جمباز وتخلي الأحول هداف والكوره الآوت ف الجون للكوسه ف بلادي شئون لو تعرف واحد ف الشرطه راح تخرج من أجدع ورطه والراجل اللي انت ظلمته تلاقيه متلقح مسجون أو تعرف شخصيه كبيره شغاله ف البنك مديره راح تاخد من غير ضمانات كام قرض بمليون مليون وهروبك طبعا مضمون ويا عيني لو تعرف نايب ف المجلس مش نايب خايب راح تبني أبراج وهميه أوراقها مظبوطه أكيد وفلوس الناس المهريه حتجيلك م الجيب للإيد بعديها تروح المستشفى وتقيد نفسك مجنون أحكامك تسقط ف ساعتها بعديها ترجع موزون ويا عيني لو تعرف شيخ فجنابك طاهر علطول وصيامك طبعا مقبول وإذا فرضا حبيت تتجوز تتجوز من غير مأذون وإذا ساكن ف عماره جديده وحبيبك راجل مسئول فسيادتك من غير ما تقول يركب لك فورا تليفون ولو انت عندك عربيه ونمرها سوده بنسرين حتعدي أجدعها كمين وحتكسر أوضحها إشاره ماهو نمرك سوده جباره ولا تعرف أيتها قانون ولو انت بتعرف فرّان أو واحد بياع جرنان راح تاخد طلبك وحتمشي من غير ولا دوشه ولا دور والناس الغلبانه حتاخد طلباتها بعدك وتغور ماهو كله غيرك بيهون ولو انت زميل الحلاق راح تحلق اولها زبون وإذا كنت بتعرف دكتور حتعيش متطمن مسرور وحتسلك ف لجان الشفوي ومجال تعيينك موفور وحتطلع فالتليفزيون بالبدله وفيها الببيون تتكلم وبكل بساطه عن شرف المهنه المدفون لكن لو شاعر غلبان قلت اللي ف نفسك علطول حيقولو مين قال لك قول ويهاجمك مليون إنسان 
|
|
#3
30-12-2010, 10:47 PM
|
||||
|
||||
هههههههههههههههه.... كلام جميل ..... بجد موهوب .. ربنا يحفظك
__________________
C L O S E D
|
|
#4
30-12-2010, 11:36 PM
|
|||
|
|||
|
الله ------ رائع
كلام معبر وصادق شكرا لك
__________________
الحمد لله
|
|
#5
31-12-2010, 05:09 AM
|
||||
|
||||
|
فعلا الكوسه..موجوده فى بلدي...
وربنا يحييني واشوفها من غير كوسه.. مرسي ع التوبيك
__________________
 the child in me will never go .. ! Closed نـــاس بترقص .. ونــاس بتموت .. وأعلي صوت ف الحفله صوت السكوت!
|
|
#7
31-12-2010, 07:29 AM
|
|||
|
|||
|
اقتباس:
اعوذ بالله من هذه السخرية لا حول ولا قوة إلا بالله
__________________
قالوا كذبا : دعوة رجعية -- معزولة عن قرنها العشرين
الناس تنظر للأمام ، فما لهم -- يدعوننا لنعود قبل قرون؟ رجعية أنّا نغارُ لديننا -- و نقوم بالمفروض و المسنون! رجعية أن الرسول زعيمنا -- لسنا الذيول لـ "مارْكسٍ" و " لِنين" ! رجعية أن يَحْكُمَ الإسلامُ في -- شعبٍ يرى الإسلامَ أعظم دين ! أوَليس شرعُ الله ، شرعُ محمدٍ ------ أولى بنا من شرْعِ نابليون؟! يا رب إن تكُ هذه رجعيةً ------ فاحشُرْنِ رجعياً بيومِ الدين !
|
|
#8
31-12-2010, 09:00 AM
|
|||
|
|||
|
اقتباس:
رب كلمة تقول لصاحبها دعنى ــ يقول النبي صلى الله عليه و سلم: "إن الرجل ليتكلم بالكلمة من سخط الله لا يلقي لها بالاً تهوي به في جهنم سبعين خريفاً" و يقول مخاطباً معاذ بن جبل: "أمسك عليك هذا" و أشار إلى لسانه. وفى قوله تعالى : ولئن سألتهم ليقولن إنما كنا نخوض ونلعب قل أبالله وآياته ورسوله كنتم تستهزئون ( 65 ) لا تعتذروا قد كفرتم بعد إيمانكم إن نعف عن طائفة منكم نعذب طائفة بأنهم كانوا مجرمين ( 66 ) ) قال رجل من المنافقين : ما أرى قراءنا هؤلاء إلا أرغبنا بطونا ، وأكذبنا ألسنة ، وأجبننا عند اللقاء . فرفع ذلك إلى رسول الله - صلى الله عليه وسلم - فجاء إلى رسول الله وقد ارتحل وركب ناقته ، فقال : يا رسول الله ، إنما كنا نخوض ونلعب . فقال : ( أبالله وآياته ورسوله كنتم تستهزئون ) إلى قوله : ( مجرمين ) وإن رجليه لتنسفان الحجارة وما يلتفت إليه رسول الله - صلى الله عليه وسلم - وهو متعلق بنسعة رسول الله - صلى الله عليه وسلم - . نسأل الله لكم الهداية وعفا الله عنكم
|
|
#9
31-12-2010, 11:27 AM
|
|||
|
|||
|
اقتباس:
جميلة ورائعة ومعبرة عن الواقع إلي حد كبير لولا هذه الأسطر !! فلا حاجب ولا موانع بينك وبين ربك . والجواز من غير مأذون لا يحتاج إلي واسطة , وانما يحتاج إلي أشياء أخري !!
|
|
#10
31-12-2010, 02:57 PM
|
||||
|
||||
 نو فو كوسة
__________________
يا رب
|
|
#11
31-12-2010, 03:06 PM
|
||||
|
||||
|
اقتباس:
ثانيا على فكره كلام جامد والله . تقبل مرورى
__________________
U pRoMiSeD, U LiEd U ThE LoSeR **AlOnE 4 EvEr**  فى المنتدى }
|
|
#12
01-01-2011, 06:41 PM
|
|||
|
|||
|
يا سلام لما ندخل كلنا السجن ونغنى الاغنية دى هههههههه
|
|
#13
01-01-2011, 08:02 PM
|
||||
|
||||
|
لو كان نهر النيل صلصة مش هيكفى الكوسة الى فى البلد
اللهم ارفع مقتك وغضبك عنا يارب العالمين
__________________
قلب لايحتوي حُبَّ الجهاد ، قلبٌ فارغ .! فبالجهاد كنا أعزة .. حتى ولو كنا لانحمل سيوفا ..
|
|
#14
01-01-2011, 10:48 PM
|
|||
|
|||
|
اول شكرا على المرور دا
واحب اعرفكم ان دا منقول ثالثا انا الحمد لله عارفه انى مفيش وسطه بين العبد وربه لكن انا بكلم عن حال البلاد دلواتى وهو دا اللى بيحصل فعلا واكيد حضراتكم بتشوفوا دا لكن مش معنى كدا انى بكفر بالله والعياذ بالله لكن يا جماعه والله هو دا اللى ببحصل ولو حضراتكم مش مصدئين او بمعنى اصح مش بتشوفوا هذا الكلام فغيركم بيشوف وعارف شكرا لمروركم الطيب
|
|
#15
01-01-2011, 10:55 PM
|
|||
|
|||
|
كوسة جديدة كلها اطعم جديدة
|
 |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 12:45 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
