طلبة تربية ممكن تتطوعوا فى فريق مدرسين ؟

[الصلاة عمـاد الدين]

السلام عليكم

طبعًا الدروس قربت تبدأ وفيه منها بدأ للسنة الجديدة
وطلبة كتير بيخجلوا يسألوا المدرس وجهًا لوجه وبعضهم مش بياخد دروس
أو أولياء أمور مش بيعرفوا يتعاملوا مع أطفالهم فى أول سنين الابتدائى وازاى يعلموهم
عشان كده عايزة أعمل جروب من طلبة كلية تربية والخريجين حديثًا فى كل التخصصات من كى جى لثانوى
لأنى مؤمنة أوى بدور الشباب وأنهم ممكن يكون عندهم فكر ممتاز يغير شكل التعليم بالإضافة لحماسهم
الجروب ده هيتقسم فريق لكل تخصص ويجاوب على أسئلة الطلبة وينشر معلومات تربوية أكيد هو درسها فى طرق التدريس وعلم النفس التربوى
وكمان أكيد ده هيفيده فى دراسته لأنه يعتبر شغال فى المنهج وهيكتسب خبرة أكبر
شرط الالتزام بالمشاركة على الأقل يومين فى الأسبوع كل مرة ساعة

[Mohamed_Hamza]

لازم يكون في تربية؟ مينفعش صيدلة ويشرحلهم كيميا؟
لو ينفع انا موافق بس هيكون في محافظة ايه؟

[الصلاة عمـاد الدين]

المشاركة الأصلية كتبت بواسطة mohamed_hamza

لازم يكون في تربية؟ مينفعش صيدلة ويشرحلهم كيميا؟
لو ينفع انا موافق بس هيكون في محافظة ايه؟

ماشى مفيش مشكلة
الموضوع هيكون على الفيس
بس محتاجين قبل ما نبدأ التخصصات التانية خصوصًا العربى والانجلش ومواد الأدبى

[Mohamed_Hamza]

المشاركة الأصلية كتبت بواسطة الصلاة عمـاد الدين

ماشى مفيش مشكلة
الموضوع هيكون على الفيس
بس محتاجين قبل ما نبدأ التخصصات التانية خصوصًا العربى والانجلش ومواد الأدبى

لازم هتلاقوا
ابحثوا في الفيس عن جروبات دفعة تربية سنة كذا جامعة كذا هتلاقوا طلبة كتير متحمسين للفكرة

[مادوكا]

فكرة جميلة جدا
مشاركة معاكم باذن الله

[الصلاة عمـاد الدين]

المشاركة الأصلية كتبت بواسطة مادوكا

فكرة جميلة جدا
مشاركة معاكم باذن الله

تخصص حضرتك ايه ؟