dr.maiada وكل اللى فعلمى علوم ساعدونى ارجوكم

[yoyo caty]

السلام عليكم
انا بقالى لحد انهارده مبداتش مذاكرة الاحياء عندى احباط رهيب بحاول بكل الطرق انى اتخلص منه و مش قادرة او فى تحسن بطئ عارفة 100% ان اللى بعكه ده هيودينى فداهية ..مشكلتى تتلخص انى اولا مش عارفة اراجع منهج الاحياء كامل ازاى و احل من ايه و المسائل و ثانيا ازاى اتخلص نهائى من الاحباط اللى عندى ده لانه مخلينى مش قادرة حتى افكر فاللى جاى ......................... بالله عليكم ساعدونى و متسيبونيش انا كده هضيع و ادعولى يا جماعة

[sayed badr]

المشاركة الأصلية كتبت بواسطة yoyo caty

السلام عليكم
انا بقالى لحد انهارده مبداتش مذاكرة الاحياء عندى احباط رهيب بحاول بكل الطرق انى اتخلص منه و مش قادرة او فى تحسن بطئ عارفة 100% ان اللى بعكه ده هيودينى فداهية ..مشكلتى تتلخص انى اولا مش عارفة اراجع منهج الاحياء كامل ازاى و احل من ايه و المسائل و ثانيا ازاى اتخلص نهائى من الاحباط اللى عندى ده لانه مخلينى مش قادرة حتى افكر فاللى جاى ......................... بالله عليكم ساعدونى و متسيبونيش انا كده هضيع و ادعولى يا جماعة

معلش بالله عليكى مضيعيش تعب سنه كاملة فى مجرد تفكير فى الامتحانات اللى فاتت والله ما لوحدك اللى عكيتى انا مش عاوز اقولك الاوائل حتى عندنا محدش بيقفل امتحانات وكله بيخرج غلطان يعنى ده على البلد كلها مش احنا بس وانا والله زيى زيك عاكك بردو فى الامتحانات وعادى اه الشيطان بيحاول يغلبنى شوية احسب هتنقص اد اية طب شوف هتجيب كام فى الفيزيا ينهارى هتنقص 4 درجات اومال بتعمل اية من اول السنه وبيقعد يوسوس كدة بالله عليكى نركز ال 13 يوم دول بس نعديهم على خير ومتخافيش ربنا مش هيضيع تعبنا ده حتى لو لا قدر الله محصلش نصيب ومجبناش الكلية اللى احنا بنحلم فيها معلش ده مستوانا ودى قدراتنا نعرفها من دلوقت احسن ما ندخل كلية عاوزنها ونفشل فيها حطى فى دماغك دايما لا يكلف الله نفسا الا وسعها

بالنسبة للاحياء اقرأى المنهج ان شاء الله هتفتكريه هتلاقى اجزاء محتاجة حفظ ونستيها تانى احفظيها لسة فى انهاردة وبكرا كتير والله والمسائل والحل ممكن تبصى بسرعة على كتاب المدرسة او النماذج و متنسيش الرسومات بس كرووكى كدة مش شرط يعنى رسمة حلوة احنا مش فنانين يعنى

لسة فى وقت متحبطيش نفسك وتضيعى التعب ده كله

[NeVeR CoMe BacK]

يالهوى اسمي مكتوب
والله من غير مااشوف المووضوع ده رديت عليكي هناك
شوفي والله تفكيرك ف النتيجة والدرجات اللى راحت والكلام ده كله ملوش لازمة خالص والله اللى بتحسبيه شئ واللى هتلاقيه ده شئ تانى خالص :\
صدقينى والله مش بقولك كلام وخلاص يابنتى والله والله هتستغربي يوم النتيجة جدا هتلاقي نفسك جايبة اعلا مما كنتى تتوقعى
تقسيمة الدرجات المدرسين بيعيدوها مع نفسهم ملهومش دعوة بالتقسيمة اللى محطوطة للامتحان يعنى مثلا لو لاقوا سؤال معظم الطلبة غلطانة فيه بيشيلوه ويوزعوا درجته علا باقي الاسئلة ومحدش بيعرف والله والله يوم النتيجة ده حاجة غير اللى متوقعينها خالص
انتى متضيعيش تعبك طول السنة ده الامتحان بعد بكرة :\ ربنا مقدرلك حاجة هتحصلك هتحصلك العياط والاكتئاب والاحباط والكلام ده ملوش لازمة خاااااااااااالص غير انو بيضيعلك وقتك وخلاص انتى دلوقتى ف ايدك ترجعي للماضي يعنى ؟؟ طبعا مش هنيفع خلاص خليكي ايجايبية كده وجدعة واصبري بس لما لامتحانات تخلص وهتشوفي كلامى هيطلع صح ولالاء
والله يابنتى انا طلعت من امتحان العربي السنة اللى فاتت كان هاين عليا انتحر بمعن الكلمة وقعدت اعيط واصوت وازعق ف البيت وادعى عالمدرس اللى كان بيدرسلي من كتر من الامتحان كان رخم وعكيت فيه وضيعت وقت كتير وضيعت طاقتى عالفاضي يوم النتيجة لاقيتنى ناقصة فيه درجة واحدة بس ومقفلة بقية المواد يعنى مكانش له لازمة وجع القلب ده خاااالص انتى ربنا كاتبلك كل حاجة خير ان شاء الله فاهدى كده واقرأى شوية قرآن وانسي كل حاجة وركزى ف اللى جاى فققققط ونصيحة معتدوش تراجعوا اى امتحان بجد والله اطلعوا م الامتحان قطعوا الورقة انا كنت بعمل كده عشان ترتاحو من حكاية المراجعة دى ملهاش لازمة والله واللى بتحسبوه بيطلع غلط ف الاخر
ربنا معاكى استعينى بالله واعملي اللى عليكي عشان ضميرك يرتاح فقط مش اكتر قولي انا بزاكر عشان ربنا وضميري يستريح مش عاوزة ولا مجموع ولا كلية ولا بتاع والله نيتك دى هى اللى هتجيبلك نتيجة كويسة
ربنا يوفقك

[Solty Ray]

يا دكتورة ميادة انا خايفة لحسن نتفاجيء فعلا بالنتيجة ومتكونش زي ما احنا اتوقعنا وللاسف تيجي اسوأ

[طالبةُ التفوقِ]

المشاركة الأصلية كتبت بواسطة solty ray

يا دكتورة ميادة انا خايفة لحسن نتفاجيء فعلا بالنتيجة ومتكونش زي ما احنا اتوقعنا وللاسف تيجي اسوأ

اها عندك حق بصى هى لو ربنا رايدلك تبقى احسن وتدخلى كلية حلوة هتدخلى ولو رايدلنا تبقى اسوأ هيبقى فى نظرنا حاجة وحشة لكن ده هيبقى الخير لينا لأن ربنا مقدر لكل واحد فينا مكان وكلية هيدخلها وكل واحد بياخد نصيبه احنا بس بناخد بالأسباب لكن دى إرادة ربنا ونصيبنا
يااااااارب يوفقنا كلنا ويكتبلنا الخير والسعادة

[Solty Ray]

يا رب تكون احلامنا هي الخير لينا