فاهم فيزياء ... ادخل وفكر معانا !!!

[Twilight2011]

والله فرحان بجد انى رجعتلكم من جديد
ومستنى الكل يشارك معايا وان شاء الله اشارك معاكم

اول سؤال ليا ،،، ده عشان تفهمه ركز إجابتك تقريبا الباب الثانى والسابع

السؤال شبه نظرى :-

غرفة مغلقة من كل النواحى ومتصلة بمخلخلة هواء ،،،
بها فتحة يقف شخص بجوارها

وعندنا راديو فى الغرفة دي

وضح ماذا يحدث لكل مما يأتى بعد تشغيل المخلخلة :-
1- شدة الصوت التى يسمعها الشخص اللى بجوار الفتحة .
2- سرعة الصوت فى الغرفة ..

انا هسيب الإجابة كام يوم كده عما اشوف إجابات عباقرة المنتدى

[koko eldaif]

1) شـــــدة الصوت تقــــــــل.
2) سرعة الصوت تزيـــــــــــد.

[احمد هشام المراكبى]

شكرا للسؤال .. وممكن نزود عليه ..
1 - شدة الصوت ووضوحه
2 - سرعة موجات الصوت
3 - تردد الصوت
4 - الطول الموجى للموجات الصوتية

الاجابة ::

1 - يقل شدته تدريجيا ..
2 - تزيد السرعة
3 - التردد ثابت لانه تردد المصدر لا علاقة له بالوسط
4 - يزداد الطول الطول الموجى

[hazemhosny]

تقل شدة الصوت الى ان تنعدم مع سحب كل الهواء بالغرفة
تزيد السرعة لزيادة الطول الموجى لموجة الصوت
شكرا على الاسئلة

[Twilight2011]

يا شباب ما شاء الله إجابتكم جميلة

بس فى توضيح بسيط من المستر قاله ليا :::

سرعة الصوت هتزيد تدريجيا ثم تقل
لأن فى الاول بتقلل عدد الجزيئات فبتقل مقاومة الهواء لمرور الموجة ،،، لكن الصوت موجة ميكانيكية يعنى لما الهواء كله يخلص لازم تنعدم السرعة لأن مش هيكون فى وسط تتنقل فيه اصلا

انما الشدة طبعا هتقل حتى تنعدم

[احمد هشام المراكبى]

تسلم ايدك .. توضيح فائق الجمال ..

[Twilight2011]

العفو يا أحمد ،، انا برضه كنت مجاوب زيكم مش هضحك عليكم يعنى ،،، بس المستر وضحها وقلت اوضحها انا كمان

[MoHammed Youssef]

تمام
سؤال جميل يا محمود

[Twilight2011]

نورت المنتدى يا محمد ،،، يلا عاوزك تشتغل معانا تمام وشكلك حريف برامج صور كمبيوتر

[MoHammed Youssef]

المشاركة الأصلية كتبت بواسطة twilight2011

نورت المنتدى يا محمد ،،، يلا عاوزك تشتغل معانا تمام وشكلك حريف برامج صور كمبيوتر

ان شاء الله معاكم لاخر السنة

[rana3994]

بسم الله الرحمن الرحيم
1- لم يصل له صوت خالص بعد تشغيل المخلخلة لان الصوت موجة ميكانيكة يحتاج لوسط مادى لكى ينتقل فيه وبعد تشغيل المخلخلة يكون داخل الغرفة فراغ فلا ينتقل الصوت
2- فى الغرفة الصوت الصادر عن الراديو لن ينتقل لعدم وجود وسط مادى فلن تكون له سرعة

[يوسف الخولى]

شدة الصوت تقل تدريجيا حتى تنعدم
سرعة الصوت فى الفراغ تساوى صفر

[Aya Mn Allah ♥]

سؤال جميل بجد