اقتباس:
الموضوع حلو اوووووووى بجد و مفيد جدا
بس انا ليا كام استفسار كدة
عايزة اعرف اية الكورسات اللى المفروض اخدها فى سنة اوى
انا داخلة سنة تانية ان شاء الله و اكيد لازم اخد كورسات فى الاجازة
انا بفكر فى كورس mos بس مش عارفة هينفع اخده دلوقتى ولا لسة شوية؟
|
وميـن قال انه ماينفعش .. على فكرة انتى بيتهيألك ان لسه بدري وممكن تأجلي للسنة الجايه واللى بعدها
بس صدقيني والله الوقت هايجري بيكي وتتلاقيكي وصلتي لسنة رابعة وماعملتيش اي حاجة
عشان كدا بقولك فيه شهادات معينة لااااازم يتنشن عليها
وشغل ان انا عايز اخد كورس واي حاجة وخلاص دا ماينفعش
فيه حاجة اسمها انا عنيا على كورس كذا وكذا وكذا وباذن الله هاخدهم
اقتباس:
|
و كمان اية كورسات ال hr اللى ممكن اخدها
|
كل اللى هاتشوفيه في الاعلانات في الجامعة حاجات تعبااااااااااانه
مافيش حد هايديكي اتش ار محترم الا في الجامعة الامريكية
ودي دبلومة بس غالية شويتين .. فانتى على حسب بقى ميولك ايه وعايزة تشتغلي في ايه بعد التخرج
اقتباس:
و اية احسن مكان اخد فيه كورس انجلش
و بالمناسبة انا تجارة انجلش
فلو اخدت كورس هيفيدنى ولا مش هيبقى ليه لازمة؟؟؟؟
|
تجارة انجليش حاجة .. والانجليش نفسه حاجة تانية
انتى ممكن تكون لغة الدراسة انجليش ماشي .. لكن هل بتعرفي تتكلمي ؟ اشــك في دا
وعشان كدا لازم تاخدي كورسات انجليش .. بس انجليش محادثة مش انجليش بيزنس