[هاوى إبداع]

المشاركة الأصلية كتبت بواسطة that moment

اهلا بيكم يارب تكونوا تمام

مشكلتى كبيرة جدا وحاسس انى اتأخرت فى اعلانها ...انا مش بعرف استثمر وقتى ابدا وبيضيع منى جامد

ممكن اكون قاعد قدام الكتاب لمدة تزيد عن 6 ساعات ومانجزش غير حاجات بسيطة....على سبيل المثال الفصل التاسع فى الكهربية فى الفيزياء اخدت فيه وقت جامد ولسه فاضللى المسائل بتاعته فى كتاب الامتحان....انهاردة من الصبح لحد دلوقتى ماعملتش حاجة غير انى مسكت التاسع وحليت عليه شوية ووقفت معايا حاجات كتير ده غير انى مادخلتش على المسائل....غيرى بيذاكر الكهربية كلها فى يوم وبيذاكر مواد تانية كمان فى نفس اليوم...اعمل يه فى مشكلة الوقت؟ ولو كنت بحل تدريبات ووقفت معايا اسئلة كتير فأيه الفايدة؟؟؟؟ احنا فى نص شهر 3 وانا بشوف زمايلى بيطحنوا اللى وراهم وقدامهم وفى اللى خلص اكتر من كتاب فى كل مادة ده غير انى لسه مخلصتش منهج الكيمياء ولاالجيولوجيا لانن مدرسينهم سلاحف ...ده غير انى مش ملاحق اخلص كل تدريبات الانجليش فمثلا كتاب ذا بست المراجعةمش بلحق اخلص الجزء بتاع الترجمة وبتاع الاسبيكرات ده غير القطع اللى لوحبيت احلها تاخد منى وقت جامد ,...ده اذا فهمتها الأول ده غير انى مش بلاقى وقت اكتب موضوعات براغراف كتير

قال وانا اللى كنت بحلم بالطب

طلعت بضحك على نفسى

متقلقش انت شغال صح
طالما انت فاتح الكتاب وبتزاكر يبقي انت تمام
وصدقني ميزه مش عيب انك تلاقي اسئله ومتعرفش اجابتها وتشوف الاجابه بتاعتها
انا كنت ابطء واحد بيزاكر ف البلد دي
بس بصراحه اللي مش عجبني ف كلامك انك بتبص لزمايلك وتقف
ياريت ملكش دعوه بحد وكمل زي مانت ومتسرحش ودور ع الاسئله اللي مانتش عارفها وشوف حلها
وبكره تشوف انت هتعمل ايه وزمايلك اللي انت شايفهم بيطحنوا دول هيعملوا ايه
اتمني انك تثق ف كلامي وتشتغل
ربنا يوفقك ويحققلك هدفك