فيديو مؤثر انتشر من أيام بسيطة فيه مشهد احتراق تاكسي جنب حديقة الحيوان في محافظة الجيزة بسبب ماس كهربائي وتم الاستعانة برجال الحماية المدنية للسيطرة عليه وإخماده، ومن لُطف ربنا إن مفيش أى إصابات حصلت الحمدلله.. رغم كده كنت تقدر تحس بسهولة بالقهرة اللي كان فيها صاحب التاكسي وهو شايف مصدر رزقه الوحيد بيتحرق قدامه لأسباب محدش له دخل بيها، وهو مش في إيده حاجة يعملها..
الشيء العظيم اللي حصل إن مؤسسة حياة كريمة وتنفيذاً لتوجيهات الرئيس "عبدالفتاح السيسي" تكفلت بشراء تاكسي جديد للمواطن "سليمان حسين" صاحب التاكسي بدل اللي اتحرق، وتم تسليه له فوراً..
أ."سليمان" بيعول أسرة مكونة من 4 أفراد بالإضافة لوالدته المقيمة معاه، وأب لطفلين واحد منهم طالب في معهد تمريض والتاني في تانية إعدادي..
أوقات كتير بنقول في وسط كلامنا جملة "جبر الخواطر على الله".. يعني ثواب جبر الخاطر بيبقى من ربنا مش من الناس، وجزء كبير من كرم ربنا على مصر سببه المواقف الإنسانية اللي بنشوفها كتير الفترة الأخيرة وفيها جبر لخواطر المصريين.. جبر خاطر أ."سليمان" ماكنش لشخصه هو بس لكن لكل مصري من اللى شافوا فى تصرف الرئيس سند ودعم لواحد شقيان ومالوش ضهر بس لما اتعرض لأزمة خارجة عن إرادته لقي إهتمام من رئيس الدولة شخصياً.. تحيا مصر.
#بالعامية_المصرية
__________________
ابتسم ... كن متفائلا ... وقل الحمد لله
|