سلامو عليكو
ازيك يا ايمى ؟
كويسة .. طب الحمد لله
نشوف موضوعنا بقى
اولا انا معترضة جداا على كلمة خيال دى
معترضة كمان على ان النت دنيا تانية
لان النت جزء من الحياة العادية اللى بنعيشها وربنا هايحاسبنا عاللى بنعمله ف النت
زى ما هانتحاسب عاللى بنعمله ف يومنا العادى من غير نت
يعنى مش خياااال
والناس اللى بنتعامل معاهم دول بنى آدمين طبيعيين الحمد لله
يعنى مش شخصيات كارتون عشان نقول انهم خيال !!
انا باتعامل مع الناس عالنت زيهم زى الناس اللى باتعامل معاهم برا النت
لوهاغير من نفسى ف كلامى معاهم
ف دى مش مشكلة ف النت
كدة انا اللى عايزة اغير من نفسى
ف ابتديت بانى اعمل كدة عالنت
وبعد كدة هالاقى نفسى باتغير مع اصحابى اللى مش ف النت برضو وهابقى هنا زى هناك
وده بالتفصيل اللى حصل معايا اول مابتديت اشارك ف منتديات من حوالى 3 او 4 سنين
---
لو اعتبرنا انه خيال
يبقى احنا بنهرب من حياتنا الواقعية ( زى ما هانقول عليها ) للخيال ده
لاننا شايفين نفسنا ناجحين عليه ف تكوين صداقات وبنتعامل مع الناس فيه احسن من الحياة العادية
ودى مشكلة اصلا ان حد يبقى ليه شخصيتين بيتعامل بيهم مع الناس
---
بالنسبة ليا بقى
النت جزء لا يتجزأ من حياتى اليومية
حلوة لا يتجزأ دى
ما علينا
عن طريق النت
اتحولت من انسانة انطوائية لاقصى درجة
لانسانة رخمة لاقصى درجة
باهزر اكيد
وليه اكيد مانا رخمة
ما علينا مش موضوعنا
بس بجد خلانى اتغير كتير
تغيير جذرى
او بمعنى اصح الناس اللى عرفتها هى اللى خليتنى اتغير
عرفت من عالنت اصحاب باحبهم اوى بجد
وكذا حد مش متخيلة حياتى من غيرهم هاتبقى عاملة ازاى
ودايما بادعى ربنا نفضل على طول مع بعض
اقتباس:
المهم رأيي بقي في النت
إن النت ده أكبر وهم الواحد ممكن يفكر يعيش فيه
أدخل ألاقي ناس بتكلمني
لا أنا شايفهم و لا عارفهم
و لا حتي حاسس حاجة من كلامهم
كل اللي بيعملوه إن هما بيسرحوا بيا
|
الكداب بيفضل كداب جوا النت وبرا النت
وزى ما فيه اللى هوايتهم يشتغلوا الناس عالنت
فيه ناس كدة بس برا النت
يعنى المشكلة فينا احنا
مش ف الوسيلة اللى بتوصلنا ببعض
اقتباس:
الدنيا مسرح كبير، وان كل الرجال والنساءما هم إلا لاعبون على هذا المسرح !!
|
الكوتيشن ده اكتر حاجة خليتنى احب شكسبير
بس برضو زى ما فيه لاعبون فيه مشاهدون
حلو اوى الموضوع يا ايمى بجد بجد
وكان نفسى ارغى اكتر من كدة بس مش عارفة اجمع الكلام
اكيد بتقولى الحمد لله
عموما لو افتكرت حاجة تانى هابقى اجى اقولها
تصبحى على خير ( الساعة 06:20 صباحا )